我要寫出一個好好好好甜既好故事: 第四章 回眸一笑

  「喂,天朗你今日食左屎未?」

聽把聲就知道阿威今日又身痕,

我一野「猴子摘桃」攻其要害

「啊!駛唔駛咁大力......」

只見阿威面都青埋,扶住牆壁行返埋位,





阿威雖然得1米4,但係可能童顏既關係,

成日都會受到高Form姐姐既寵愛,

有次見到阿威比個身材豐滿既師姐攬到實一實,

佢嗰陣又矮喎,咪成個頭痴左落咗嗰波到,

哇有冇咁有豔福啊?





但其實佢天真無純既外表下係一個極度鹹濕仔,

但係得我地幾個知佢有幾醜惡,

但奈於死黨關係唔可以踢爆佢,

我唯有日日睇住佢以波洗面,

唉世風日下,見到阿威成日咁慘真係好想替佢受苦





「喂,天朗我覺得你女神真係好高竇,

我問佢我想唔想要佢竟然話屌我,雖然性欲好似幾強

但係好惡,我有機會一定要調教佢......」

呢個係阿楠,痴線Form one已經有1米7幾,

同阿威一樣淫賤到一個點,

最緊要係佢仲要坐我前面,搞到老師成日以為我缺席......

不過其實我都唔介意,

因為書係用黎聽,而眼就拎黎同女神交流





「比面好喎......」

我提醒阿楠唔好亂黎,

係喎,講左咁耐,仲未介紹我女神添,

佢叫汪瑩,人物特徵前面應該講過,

補充一點好多人話佢係mix,

初初識佢個陣已經覺得佢好靚,

知道左佢嗰名之後更加頂唔順,





點解人靚都算,嗰名都仲咁靚既?

如果係女仔既話,名好聽已經贏左一半既女仔,

氣質上已經同一般既凡夫俗子唔同,

嗰陣唔識點形容,但係多得依家網路既發達,

我終於找到一個貼切既詞語,

無錯就係「仙氣」!

唔講仲以為自己上左大霧山,

每次係女神身邊都勁大霧,真正既「霧裏看花」!





哈哈,

我都唔知點解自己會咁幽默,

可惜唔係Form one嗰陣......

  我每一堂都好似個痴漢咁望住女神,

我唔知係咪電場太勁,成日都會引起女神既注意,

但我發現咁樣落去唔係辦法,我真係好想同女神展開對話,

但係喺「八三一」框架既情況,





即係開學前已經設定左既坐位表,

我呢一個月只可以望住隔離個肥妹,

佢叫做Winkie,雖然我對佢冇興趣,

但係有次女神唔望我,我就循例同winkie講下野

,費時咁尷尬

「係呢,你中文名係乜?」

我付出性命問左佢一句,果然隨即引來阿楠既戲謔

「wow~唔要女神要重口味啦?」

我本身諗住winkie會好唔開心,成個場面會好僵

「屌你啦,講乜啊......」

我同阿楠都O哂嘴,

除左估唔到winkie係女中豪傑,仲因為佢冇嬲到,

真係夠哂大方

「收皮啦阿楠,係呢winkie,到底你中文名叫咩?」

我笑笑口講返句,但諗唔到之後既氣氛仲僵

「可...可唔可以唔講?」

winkie面有難色咁講

「講啦一定唔會笑你......」

阿楠似乎嗅到花生既味道

「真係?」

winkie半信半疑咁望住阿楠,

但係從我地堅定既眼神中winkie就已經知道我地既決心

「游...游泳琪......」

winkie好細聲咁講,

超有冇咁出奇,

咦,等陣,

游泳琪?

游winkie?

swimming key?!

係我嘴角失守之前,

阿楠已經忍到內傷,

係呢一刻

佢要爆啦

「啊唔得啦swimming key 救命啊屌你老味!」

順帶一提,

由於上緊悶到抽筋既英文課,所以本身班房好靜,

但自從阿楠講完之後,班房變得更加靜,

只不過只係維持左兩秒,印象中應該有兩秒,

拿我真係唔清楚,

時間係好主觀既,

如果你有聽過「相對論」,

除非冇,

跟住成班人好似青山open day咁,

「哇!!!!!」

「Wowwwww!!」

「yooyoyo!!」

仲有個人我一陣會識,

喺到用本簿起勢咁打自己個頭,

「我係鐵頭功,你係金剛腿......」

有人話靜如處子,動如瘋子真係正確,

估唔到精英班既人平時唔聲唔聲,

一有機會就癲狗出籠咁,

嚇你一驚,

唔知點解我突然之間鐘意左呢班人

「shut up!!!」

Miss ma講得好大聲,

但係可能係第一年教書既關係,

並無太大震懾力,

相反成班友變本加厲,跳黎跳去,

成個動物園咁

「再嘈罰留堂。」

雖然聲線好弱,

但係留堂對於Form one 雞既講,

已經係世界未日,

果然之後成班靜哂,

不過比我地嘈左一陣之後

「叮噹叮噹,叮噹叮噹~」

鐘聲響起,

大家都迫不及待咁企起身,

雖然Miss ma 好激氣,但係慣例都要講返句

「Goodbye class」

「Goodbye and thank you miss ma」

成班講得好齊整,

果然Form one 雞就真係Form one 雞,

正當我諗住落樓下小食部買撈麵食嗰陣,

「陳天朗,黃家楠你地兩個留低」

原來好戲在後頭,

Miss ma真係陰險,

一定係諗住同我地私人補習

「下唔係掛......」

我同阿楠不約而同咁講左句,

其實內心仲有個「能」字,

好彩消左音,

「行啦阿瑩,唔好理呢啲人啦!」

winkie喺門口前用充滿怨恨既眼神咁望住我,

咦?

原來汪瑩同swimming key 係fd?

食得屎啦今次真係,

之後見到汪瑩臨走之前,

冷冷咁望左我一眼,

慘了,

今次真係渣都冇得剩了,

我的心已死,

咦,

點解,

我好似望到阿瑩好甜既笑容?

女人心真係海底針,

宋冬野應該早啲出<董小姐>,

咁我就可以改歌黎形容依家既心情:

汪小姐,

你嘴角向上的時候很美......

我諗到出哂神,

但係阿楠拍一拍我,

令我恢復清醒,

雖然我既situation 好似好差咁,

但只要見到美人回眸一笑,

真係咩都值哂,

「哈哈,miss 你盡情咁鞭打本王啦!」

弊,

我講左啲乜野......