我要寫出一個好好好好甜既好故事: 第二章 出賣阿妹

  我望住個屏幕,又望下個鍵盤,寫乜好?

我睇唔透,聽住樓下小朋友既叫聲,望著個窗,唔好有人打擾我,

如果依家有支84年,我諗我會喝勝,一滴都不剩,

不過點都要面對現實,

我Google四隻字:如何寫作,有個網閃閃發光,我逃避唔到佢既吸引力,





「寫作,分兩種,一種係寫,另一種係作,

文筆好既人,可以隨意將自己所見所聞,甚至內心既故事用筆真實而細膩寫出;

相反只能透過自身既想像力,將故事活現在讀者眼前......」

咁我應該算係邊一種?仔細諗下,

我曾經喺小學既硬筆書法比賽中,勇奪銅牌......





唔通我天生就係靠文筆食飯既人?我亦都唔敢肯定,

但係從小我隻中指就可以舉得比人高,比人快,比人硬,

我就知道自己係與眾不同既!

不過如果你問我舉中指同埋寫作有咩關係?

我可以好肯定咁答你—無





「阿哥,你係咪要寫故仔?如果寫甜故,記得將我寫得可愛,青春,身材好啲喎~」

佢係唔係諗多左,好!你要我寫你啊

「昨天,人被我的妹妹污辱了」

「是咁的...我阿妹好樣衰,雖然成日搶頭香,

但係佢嗰頭一啲都唔香,仲好臭,我問佢用咩洗頭水,她笑而不語,

突然大叫「中國的會爆炸!」

,姐係點?姐係佢係痴能線架......

尋日一冇睇住佢,佢就出街騎住嗰高富帥,仲話人地非禮佢......」





我越寫越興奮,睇你今次仲唔身敗名裂?

我嘴角不禁向上一揚

「有咩咁好笑啊,話時話你有冇將我寫得好似仙女咁?」

佢托一托副眼鏡,充滿機心咁走過黎想睇嗰故

「一定有!除非冇,嗰故事都未寫完,你咁快睇咪無哂驚喜囉係咪?」

我即刻登出帳號,以防佢睇到我既罪證

「放心啦,我寫到你好似仙女咁,天上冇地下有啊哈哈......」





佢昅實我,好似老鷹盯住獵物咁

「真係?」

佢半信半疑,我乘機說服佢

「當然係啦!」

我好有信心咁講之後,佢就走返入房,繼續玩跑online。

老實講,我真係唔明跑online有咩好玩,

佢仲話要入點買隻結婚介指同老婆慶祝兩周年,

我都未有老婆啦,佢有喎......





希望佢老婆其實係嗰男仔,滿足佢地性別對調既嗜好,

見佢走返入房,等我完成埋嗰故事先

「上到差館,阿妹一掌摑落高富帥到......」

我努力將阿妹有幾衰寫幾衰,不過同真實都唔係相差太遠,

經過咗幾粒鐘,故事終於完成

「發佈?」

我按下確定,等候甜美的果實成熟,





再一次過收割,估唔到原來作故仔係咁簡單。



  雖然尋晚作到兩點幾,但只要諗起一陣間源源不絕既留言同埋讚好,

我就特別期待,我開機,睇住佢由歡迎畫面入到桌面,

我依家先發覺部機真係好慢,就連上網都要等十幾秒

「無法連上網際網路......」

睇黎我真係太心急,就連上網都唔記得開,

陳天朗,唔駛緊張,你既作品一定會受人認同既,

無錯,你既努力一定會比人見到,

終於上到網了,我第一次時間連FB都冇睇,

直接按咗入去篇文到,果然不出我所料,

淨係留言已經有幾百個,讚好仲好成萬個,雖然冇我想像中咁多,

但係已經係一個好好既開頭,又等我睇吓啲留言先

「呢個故事真係好好睇,我尋晚唔訓都睇埋先!」

哇真係多謝哂呢位讀者既支持

「睇完我都想做你阿妹添......」

「雖然你叫吾系靚仔,但係我覺得你現實中一定好靚仔!」

雖然佢睇唔透我個筆名既用意,不過見佢講事實就放過佢啦

「劇情流暢,用字生動,掂!」

哈哈我寫嗰陣都覺得

「你好有文采,可唔可以加我FB?」

唔係掛?雖然好靚女,但我都要考慮下,

話唔定遲啲好友名單會加爆,都係小心啲好......

  「阿哥,今日你負責煮早餐啊!」

仲煮早餐,出去食啦......早餐?

「起身啦......」

把聲咁熟,阿妹?!

「對唔住啊我唔係有心搵你過橋,但係嗰故事好多人睇,你原諒我啦!」

我護住嗰頭防止阿妹既攻擊,

「你冷靜啲先啦,一早叫你唔好放棄治療。」

聽把聲阿妹好無奈咁,

我擘大隻眼,

咦,點解我仲喺張床到架,

唔通

頭先只係

夢
一
場?!