我要寫出一個好好好好甜既好故事: 第一章 起筆喇

  嗯......呢個故事真係好真實,

連我咁毒都忍唔住投入咗做男主角,

「黎啦,投入我既懷抱啦!」

我對住個屏幕大叫,

正當我就黎可以親芳女主角既嘴唇時





「吃藥啦!做人好心你就唔好咁多幻想啦......」

我阿妹終於忍唔住我既舉動,

大家放心,

我阿妹好樣衰,

恐龍妹一隻,





我都唔明點解我咁型,

而阿妹點解可以咁樣衰,

我無時無刻都懷疑阿妹唔係親生既,

不過為左避免發生家庭倫常慘劇,

為左生活,





我忍!

所以呢個故事我諗住雪藏阿妹,

你地當佢係隱藏角色,

未解鎖就得架啦

「望咩望,打柒你啊啦!」

雖然我大佢兩歲,

但係唔知點解佢可以咁抽得,

我仲記得我喺三歲個陣打贏左佢一次,





然後?就沒有然後了......

唔係為左故事發展,

我會理你呢條暴牙恐龍妹?

我冷笑左一聲,

繼續投入女主角既懷抱,

其實女二都幾索,

可惜心地唔太好,





報仇心態好重,

點知有一日佢會唔會無啦啦剪......

「咔嚓!」

哇我X,

我聽到呢下即刻縮咗入去

「你娘親?」

我重整旗幟,

向著恐龍妹示威,





「咁人地聽日要交勞作啊ma~」

哇你把聲無事啊?

咁短時間由江湖中人變左做小鳥依人,

唔去做聲優真係浪費才能,

「咔嚓!」

我下意識望一望下面,

好彩仲喺到,





我都費時同條恐龍妹嘈,

最近買左新耳機,

為左測試下性能,

我決定上Youtube,

搜尋「立體聲」,



當然即時出左好多條片任君選擇啦,

舔耳朵?

咩黎架,

好似幾有趣咁
https://www.youtube.com/watch?v=mRgd5FU8dHY&list=PLiLAkCf1WKPjiw9fzTTogL9L4i80ZvahW


  哇,你咁樣做唔得架,

哇......睇黎耳機既性能真係唔錯,

不枉我用四十蚊買個耳機返黎,

個老闆仲同我講原本成百蚊,

見我咁靚仔先割愛讓比我,

果然高級貨就係唔同,

「wow......」

「痴漢聽咩聽得咁陶醉啊?」

妖!

恐龍阿妹真係好煩,

為左唔想比佢笑成世,

我決定關左條片,

再見喇,

下次再見......

我唯有睇返小說啦唉,

話時話,

點解啲人可以寫得咁好睇,

其實我有冇機會寫得出嗰種甜死人既故仔?

我決定左要試下,

我按落註冊,

個人資料?

一定亂填啦......

咪住,

筆名?

叫咩好呢,

我由細到大玩online game 都係叫堅系靚仔,

但係唔知其他作家會唔會鄙視我呢個咁有個性既名,

正當我煩惱之際,

「煩緊乜啊?」

阿妹對眼無離開過屏幕,

但係佢點見到我個表情架?

「你有一分鐘唔淫笑,我就知你有野煩緊。」

嘩痴線連讀心都識?

「冇野,我玩緊一隻好有文化既遊戲,唔知改咩名好姐......」

我講唔出係諗緊筆名,

唔係實比佢笑到靈芝孢子,

「你唔係一向都叫"堅系靚仔"?唔通你人大左,終於知羞啦?」

唉,

狗口長不出狗屎,

只能食屎,

真係冇句好野

「費事理你。」

我決定緊人生大事,

係唔可以比啲蝦兵蟹將干擾,

「要有文化既話......不如叫吾系靚仔?仲用埋文言文添。」

阿妹突然聲擾我,

「你都唔明,你咁樣咪扭抽左事實囉,我點會唔係靚仔啊?」

我反問佢一聲,等佢知難而退,

「上面一個五,下面一個口嗰嗰吾啊,聰明豆,讀多啲書啦!」

阿妹派出B-24,

報告,

報告,

我方已全部陣亡......

雖然好唔甘心,

不過我都係將「吾系靚仔」呢四隻字打落筆名嗰欄到,

禁左「確定」之後,

會有咩事發生呢?

會唔會突然有人找我寫書架?

都係睇下個Schedule保險啲,

睇下先......

每逄星期一,三,五唔駛補習,

咁應該冇問題,

我懷著嗰肚戰戰兢兢既心情,

禁左「確定」等待我既,

會唔會係數之不盡既金錢呢?

 跑車,

美女,

美食,

真係諗起都興奮,

「阿妹,見你幫我諗左嗰名,第日我發左達送個鋼琴比你!」

我對住廳大叫,

「吃藥喇!」

阿妹唔信我唔緊要,

之後成個鋼琴塞住佢間房就無得佢唔信,

哈哈哈哈哈.............................