《唔係啩！我間房幅牆有個窿》: Chapter 21
一星期後。
死妹釘昨晚跟我說今天晚上她那邊應該會下雨，所以我早早就在房間裏等候了。而她則邀請了小Carmen到家裏玩，到差不多時候就悄悄讓她吃下安眠藥睡覺，然後打電話給她姐姐讓她馬上過來。
我忐忑不安的等著，一方面擔心她那邊突然停雨，另一方面又擔心芯姐拒絕到她家裏去。
不過看來我是過慮了，十二時過後，洞孔準時出現，而我亦馬上聽到一下女性的驚呼聲。
我馬上喊道﹕「請問係咪阿靜家姐呀? 你好，我係Raymond呀。」
我聽到死妹釘安撫著芯姐，又解釋我是甚麽人。
過了好一會兒，我終於聽到她說話﹕「你...你真係十二年後嘅人? 」
我道﹕「雖然我比唔到啲咩證據你，但我諗你都睇到個窿突然出現，而且我有阿靜而家張相，即係阿靜廿五歲時候個樣。你可以喺個窿睇吓。」說罷我就將電話於在洞口前，展示著我和Carmen的合照。
過了一會兒，她訝道﹕「呢個真係十二年後嘅阿靜? 你真係十二年後嘅人? 」
「係呀。阿靜講過比我知你好鍾意食朱古力添。」
沉默了一會之後，她終於道﹕「你...你搵我有咩事呀? 」
我鬆了一口氣，看來她相信我了，那就好辦。
我沉聲道﹕「係有關我呢邊嘅阿靜。」
「你嗰邊嘅阿靜? 佢出咗咩事呀? 」她的語氣變得很焦急。
這時候死妹釘道﹕「大叔你兩個慢慢傾啦，我出去睇住阿靜先。」然後我聽到關門聲，看來死妹釘已經離開房間了。
死妹釘也頗善解人意的啊，猜到我之後說的可能涉及私隱。
芯姐急不及待的問我﹕「阿靜佢十二年後有咩事呀? 」
我連忙道﹕「放心，唔係佢個人有咩事，係佢個心有事啫。」
「佢個心? 」
我再次將照片展示出來，這次我放大了Carmen的樣子﹕「你再睇多次阿靜個樣，你覺唔覺佢有啲唔妥? 」
一會兒後，她疑惑道﹕「阿靜...佢唔開心? 」
果然是她的姐姐，一眼就看出來了。
「嗯，無錯。而且個原因係因為你。」
「我? 」
我解釋道﹕「十二年之後，你已經唔喺佢身邊，所以佢先咁唔開心。」
她的聲音有點顫抖﹕「你...你話......我唔喺度嘅意思係......」
我直接了當道﹕「你十二年後已經過咗身。」
我聽到她一聲驚呼。我怕她嚇暈了，連忙從洞孔看過去，只見她手掩額頭，身體在微微顫抖著。
我連忙問道﹕「你無嘢呀嘛? 」
過了好一會兒，她深呼吸一口氣，然後搖搖手道﹕「嗯...我無事......」接著她又道﹕「我......我想睇多次阿靜廿五歲個樣呀......」
我再次將照片示給她看，片刻後她道﹕「唔該你......阿靜佢大咗之後...真係好靚......」
我猜到她是因為知道自己快要死，怕看不到Carmen長大後的模樣才要求再看一次吧。
所以我道﹕「其實我講得比你知，就係唔想比你死。」
她苦笑道﹕「但係喺未來我已經死咗囉喎，個未來仲點改變呀? 」
我馬上將平行宇宙的理論解釋給她聽，她明白過後馬上問道﹕「咁就算我無死到都幫唔到你㗎，喺你個宇宙裏面，『我』已經死咗，我唔係好明你搵我嘅原因......」
我道﹕「我搵你唔係想我呢邊嘅『你』復活，而係想你幫我呢邊嘅阿靜解開佢嘅心結。」
她沉默了一會，然後問道﹕「『我』係點死㗎? 」
「因為一個男人而自殺。」我續道﹕「因為爸爸同埋家姐呢兩件事，令到阿靜佢變得好孤癖。除咗好抗拒男人之外，就連女性朋友都無乜，據我所知得水靈一個。」
她沉吟片刻道﹕「我...可以點幫到佢呀? 」
「你寫封信比佢吖。」
「信? 」
我將上星期跟Carmen到墳場掃墓，以及她寫了一封信給姐姐的事告訴她。我希望她寫一封回信給Carmen開解她。
「但我唔知佢寫咗啲咩比我喎。」
「其實唔知都唔係問題，你咪話已經收到佢封信，話自己喺另一個世界生活得好好囉。同埋最緊要叫佢唔好再咁唔開心。」
她有點猶豫﹕「咁呀......咁好似呃緊佢咁......」
「都唔係呃佢吖，咁你而家真係喺另一個世界生活得好好呀嘛。而且你都想呢邊嘅阿靜可以開心番㗎? 」
她終於答應了﹕「嗯，咁好啦。但你比啲時間我，我過兩日先比你。但係我有一個問題，你點比封信阿靜呀? 唔通真係話我喺陰間寄比佢? 」
其實我早想好辦法了。
「呢個無問題，我比個地址你，你信封上面寫呢個地址，然後我就寄咗佢。」我將地址告訴了她。
事實上我給她的地址是我的地址。
為甚麼要寫自己的地址而不寫Carmen的? 我當然要趁機陪伴著Carmen一起看這封信了，不然我怎麼能成為第一個安慰她的人?
芯姐抄下地址後，卻突然問了我一個問題﹕「Raymond，你係阿靜......男朋友? 」
我感到有點尷尬，畢竟現在跟Carmen還只是朋友關係。
我有點遲疑﹕「呃......朋友啫......」
她噗哧一笑﹕「咁你一定係想追我個妹，係咪呢? 」
我感到難以招架，唯有老實承認﹕「係呀......」
她笑道﹕「駛乜咁唔好意思啫，我又無話唔比。見你咁關心佢，你應該都會對佢好好嘅。」
我埋怨道﹕「芯姐，你自己估到心照咪得囉，駛乜一定要講出嚟搞到我鬼咁尷尬啫? 」
她「咭」一聲笑出來﹕「芯姐? 睇你個樣仲大我幾年喎。」
我沒好氣道﹕「我同水靈同年㗎，叫你芯姐都好啱啫。」
她笑了一會兒後，正色道﹕「唔同你講笑啦。咁我拜託你幫我睇住你嗰邊嘅阿靜，可以嗎? 」
「ok，無問題。」
她道﹕「咁我將佢交比你啦......」突然她又笑了出來﹕「搞到我好似講遺言咁。」
我認真道﹕「芯姐，其實就算遇到啲咩事，你都可以搵阿靜傾偈㗎。雖然佢係細你好多，但係佢都好關心你㗎。你唔駛自己一個人鑽牛角尖喎。」
她靜默了一會，道﹕「嗯，我明㗎啦。雖然我仲未知會發生咩事，但係我唔會比自己有事。我唔想我呢邊嘅阿靜都變到咁。」
這樣子的話，小Carmen應該不會失去姊姊吧。
我感激道﹕「唔該哂你呀，芯姐。」
她愉快道﹕「我唔該你先啱......封信我會盡快寫比你㗎啦，咁拜拜啦。」
太好了，得到芯姐的幫助，Carmen這次應該真的可以解開心結了吧。
跟芯姐道別過去，我又將剛才的結果告訴給死妹釘，然後就安然睡覺去了。
數天之後，死妹釘將芯姐的信給了我。雖然有點好奇她寫些甚麼給Carmen，但畢竟是私穩我就忍住沒有拆開來看了。
我在信封上貼上郵票，馬上就寄出去了。
又等了數天，這封信終於重新出現在我的信箱裏。這天晚上Carmen剛好在家，於是我約了她在家裏吃甜品。
叮噹。
「啪喳」一聲，Carmen打開了大門，我馬上拿起手上的蛋糕盒道﹕「外賣到！」
Carmen嫣然一笑，打開了鐵閘﹕「嚟咗啦? 入嚟先啦。」
我們在餐桌上吃著蛋糕，然後我漫不經意的將芯姐的信拿出來。
我將信遞給她道﹕「係呢，頭先我開信箱，見到有封信係寫住你收，但係又寫錯咗我地址喎。」
Carmen接過一看，頓時停下了所有動作，身體在顫抖著。
看來她認出了姐姐的筆跡了。
我明知故問﹕「Carmen，你無嘢呀嘛? 」
Carmen沒有回答我，卻戰戰兢兢的打開了信封，然後抽出裏面的信紙，打開看了一眼。
她瞬間眼泛淚光，合上了信紙，結結巴巴道﹕「家...家姐佢......回信比我呀......」
我故作驚訝﹕「吓? 你家姐? 」
她的眼淚已經開始流下來。她哽咽道﹕「封...封信嘅下款係家姐個簽名......而...而且我認得係...係家姐嘅字跡......」
我裝作嚇得站起來﹕「你...你家姐...真係回信比你? 」
她淚眼汪汪的點了點頭。
我遞了張紙巾給她道﹕「咁...咁你快啲睇吓你家姐同你講咩啦。」
她接過紙巾抹了一下眼淚，但她才開始看，眼淚又滾滾而下。
還是由她哭一會兒吧，她壓抑了這麼久，現在正好宣洩一下。
我見她哭著哭著，最後突然噗哧一笑，然後就合上了信紙。
看完了嗎? 她又哭又笑的模樣真古怪，芯姐到底說了甚麼讓她最後破涕為笑呢?
我奇道﹕「你家姐講咗啲咩咁好笑呀? 」
她蠱惑的看了我一眼﹕「秘密！唔話你知！」
她抹乾了淚水就很快樂的吃蛋糕了。
可惡！竟然給她過橋抽板了！弄得我心癢難熬的！
我忿忿不平的瞪著她，她卻笑意盈盈的看著我。
算了算了！反正Carmen好像已經沒有事了，那我的目的也達到了吧。
經過這件事後，我跟Carmen親密了許多，除了逛街看戲外，我們還會聊電話，用whatsapp聊天。有時晚上我還會邀請她到我家一起晚飯。基本上我們除了身體上的親密接觸外，做的事情其實跟一對情侶無異了。