今日我出街,見到隻豬係天上飛: 第九章 再會

  「因暴風雪影響,香港至日本東京的航班取消 Adverse weather conditions have caused......」「what?」我身邊的一個外國人突然企起身,走向辦理機票的櫃台,呢種情況,睇怕都係去唔成架啦,我拖住行李喼行出機場,機票錢遲下再算。香港呢邊風和日麗,日本嗰邊就落緊暴風雪,雖然都知道唔同地方天氣有差異,但都估唔到有呢一種情況出現。




  我行出左機場,諗住睇下有冇的士搭返屋企,等陣先,嗰嗰咪係阿明?「智障!」阿明應該聽到,因為佢周圍望黎望去「叫你啊,智障!」我走近阿明,而阿明也見到我了「你點知我返嚟,正常應該冇人知架?」阿明成個傻仔樣咁「一匹布咁長,你返黎做乜?」我問阿明,但係佢個樣即刻變得好失落,SHIT,唔通我又講錯野?「我去咗英國,但係原來佢一早同人訂左婚,仲有埋仔,唉......」阿明似乎唔想再講落去,我都醒水轉移話題「講呢啲!你知唔知阿琳做左我女朋友?」「哈哈哈!」阿明應該係受唔住打擊「同你講笑炸!」佢仲一野拍落我個頭到「所以......?」我仲係唔多明白發生咩事「係啊,我就嚟做人老豆啦!」阿明拎出佢同老婆既合照,從圖中睇黎佢老婆大左肚。頂!第一次見返就比條友昆左「咁你返黎做乜,我就唔信你淨係為左探我啦就......」我望住佢,睇黎英國嗰邊營養幾好,佢大隻左好多,唔講以為佢係士兵黎「你唔相信我地嘅友誼?無錯,我返嚟就係為左提親!」佢望住手中幅相,諗唔到阿明真係得左,但開心之餘,唔好唔記得佢仲有一關要過......再加上,嗰天空有成群豬空降緊落黎!