今日我出街,見到隻豬係天上飛: 第十章 煙花

  「終於...我地終於找到飛天豬啦」阿明望住群豬,就好似哥倫布發現新大陸咁「追啦仲望!」我地即刻跟住群豬飄既方向跑,豬群越飄越慢,最終降落左喺地下,就好似當初我地一齊發現嗰群豬咁,只不過唔同既喺,「黑大佬」唔見左,淨低「白大佬」企喺豬群中間,「白大佬」帶俾我地一種溫暖既感受,我相信佢對我地冇惡意,我嘗試問:「你地係邊到嚟架?目的係咩?」只見「白大佬」微微張口「萬物......和平......幸福......」咁「黑大佬」呢?正當我咁諗果陣,「白大佬」又再次張口了「帶走......惡......抵消」原來佢地識得心靈感應「咁點解得咁少人見到你地?」阿明大聲問「夢想......熱情......良知......」難道香港得咁少人可以見到飛天豬?「選擇......看見......」「白大佬」在張口之後,豬群漸漸化成光束,昇華到天空,就好似一場華麗但低調的煙花表演,冇留低任何精彩的印記......

 


**************************************************************************************************************************************************************

  到後來我才知道原來豬在古時被推祟為守護神,只是可惜現今社會,以欲望為先,也忘記了與萬物共處共生的法則,到底有多少人還不能看見飛天的豬?其實飛天的豬也就是代表人的想像力及夢想,身於香港,就連五歲孩童也冷酷指出這個世界根本沒有飛天豬,到底我們應否反思教育的方向?在文中主角阿明由於勇敢追夢,最終抱得美人歸;阿強雖然未開始旅遊,但他的內心早已自由。那麼你,又是否自由呢?在你的心目中,飛天豬又代表了什麼?追求飛天豬的同時,我們其實在追求什麼?我希望留給讀者們一個思考的空間,我們的生活到底在追求什麼?

本文以一個笨拙的方式,嘗試帶出一個道理:Follow your heart





而本人則很鐘情於一句說話:追求卓越 成功就會追隨你

最後,感激所有讀者,無論是隨緣看到,還是用心支持,在這兩天中不放棄這個故事的人,令我明白到,原來寫故事真的可以這麼有趣。

祝大家有足夠的勇氣 追逐夢想

跟住有個結局,希望大家滿意啦
    阿明望住我,唔知以為佢想食咗我「行啦,你唔係去提親咩?」我唔理阿明,自己去叫左架的士「喂,話時話你要去邊?」我都唔記得阿明都未講佢親家喺邊到「得啦,我自己嚟,等我好消息啦!」好鬼自大真係,但又吹佢唔脹「唔好喊住打比我啊」我當然講返兩句支持佢「估我係你?」唉,睇黎成世都要比佢串架啦,我再次比出隻無名指,睇住架的士離開,我都係時間出發了。


  
  十年啦,話耐唔耐,話快唔快,夠一個人走馬看花咁環遊世界,阿明仲問我點解咁快返,佢嗰仔都未大,唔可以陪我去癲一次,其實都估到啦,條友咁重色輕友,就算嗰仔大左都淨係會陪老婆,仲得閒陪我嘅?阿媽十年來唔知點呢?我好想返屋企瘋狂飲湯啊,香港會變成點呢?唔知梁特首與世長辭咗未?話我黑心嘅,你未食過煙霧彈姐~仲記得十年前,阿琳話會等我十年,我話佢好傻,叫佢盡早找個對佢好既;依家佢應該好幸福,做左少奶奶了,我既身份,除了喺阿媽永遠長唔大既仔之外,仲有乜野呢?


  我不斷喺飛機上諗呢啲問題,不過都係冇答案,算啦唔理,返歸訓陣再算,我行出飛機,再次踏進香港,有一種回家既感覺,依家都十一點,阿媽應該訓左唔會黎接機,阿明更加唔駛講,實喺屋企開緊啲唔知咩PARTY,話哂佢嗰仔去左台灣交流喎......我走出通道之後,第一眼就見到阿媽,我好想喊出黎,阿媽老左好多,雖然佢成日食芝麻糊,但係頭髮都仲喺白左一半,仲戴左老花眼鏡,條腰又彎左幾度「阿媽!」我衝左過去抱住阿媽,你話我男人老狗咁樣做唔尷尬?如果你10年冇見過阿媽,保證你鼻涕都噴埋出黎,而且就算係尷尬都係之後嘅事情「衰仔,肯翻黎啦?」阿媽既語氣一直都冇變過「得啦,阿強,你睇下仲有邊個?」一聽把聲就知係智障仔阿明啦「咪你囉,仲有邊個?」我都費事理佢「阿強。」咦,阿嫂都黎埋?「阿嫂?」我望過去,哇,阿嫂去左韓國?五官完全唔似之前「你就阿嫂,講真我就無所謂多一個嘅,你有冇所謂我就唔知啦.....」咁似阿明十年前返黎講既野,唔通......「我係阿琳啊,又話要我等十年......等完之後人都唔記得左,真係好傷心囉......」唔係掛?阿琳靚左咁多?「返屋企囉,阿媽你去唔去台灣玩?」我拖住行李行出機場「都好既,你嗰衰仔幾時變得咁孝順?」阿媽其實嗰心不知幾高興「咁你快啲返屋企執行李啦就」阿媽上咗的士,的士就越駛越遠「阿明,夜啦,收皮啦快啲訓啦。」阿明都明白我既意思「駛唔駛咁急啊?」阿明笑笑口咁問,跟住自己行去架車到,駛走左「十歲啦喎,唔急點追啊?」我向阿明大叫「佢咩意思?」阿琳問,我點知呢?......