今日我出街,見到隻豬係天上飛: 第八章 旅程

  「阿媽?我返黎啦。」我同洗緊碗既阿媽講聲「返黎啦?飲左碗湯先啦。」她無問咩事,就好似當初小學阿明送我返黎個陣,阿媽都係笑笑口咁洗緊碗,我今晚好早就沖涼,聽左「雪花」之後就訓著左,除左因為阿明走左傷心之外,確實今日經歷既事太多,都係聽日先諗點面對吧,隨著時針「滴答滴答」,我訓著左......

  「起身喇!」阿媽一如既往咁叫我起身,我亦冇咩賴床既習慣,刷牙個陣發現自己隻眼腫左,於是我大力咁洗臉,終於隻眼腫得冇咁明顯,再喝杯水,今朝早餐係煎蛋加丁字麵,奇怪既係我唔再一邊睇手機一邊食野,而係好專心咁食麵,反而冇左平時嗰種煩躁不安既感覺。吃完早餐,我循例收拾好要帶出去既練習「阿媽,我出去啦。」「早啲返啊,衰仔。」阿媽也回復正常了,令我放心唔少。今日既陽光好似特別燦爛,閃閃發光,你話沐浴喺陽光中都唔誇張,終於明點解之前見到有人合埋眼咁行,因為真係好舒服。



  我慢慢行,終於行到自修室,我見到門口附近有位,平時既我一定會選擇坐喺到,但係我今日想專心溫書,我就找左個角落頭,有插頭既位坐低左,點知過左冇耐,竟然有人拍我膊頭,我當堂嚇到彈起左,唔係講笑,當你好專心做一件事情個陣,你就會明白被人打擾有幾驚「駛唔駛咁專心啊?我叫左你幾次都唔聽。」眼前既人好熟悉,咦,原來係阿琳「阿琳?點解你會喺到?」真係估唔到阿琳呢種咁勁既學生都會去自修室,當然我冇講出黎「吓,有幾出奇?得你可以嚟?」阿琳即刻反駁我,咁佢又無講錯喎,所以我冇野講,直接睇返份卷,而阿琳見我咁既樣,覺得奇怪「做咩姐,咪扮......」我聽唔到阿琳講咩,因為我已經投入左喺份卷到,其他煩瑣既聲音,係呢一刻,直至以後都唔重要,因為最重要既就係我自己嘅聲音。

  DSE話長唔長,話短唔短,對於有目標既人,DSE只係比普通日子更普通嘅一日,但係對於了無目標既人?不失為一段掙扎,找尋自我的好日子,不過我最近上網,唔知道係咪偶然,竟然見到有人聲稱見到飛天豬的新聞,而且目擊者數量越來越多,似乎已遍及全球,但係香港仲係好多人都對呢類新聞視而不見,正當我思考緊點解會咁,電話響起,係阿琳「喂,琳?係啊,我就黎要出發啦,記得比心機讀啊,話哂都係醫科,有咩事咪同我講囉,我愛你,嘟...嘟......」阿琳幾叻女,夠分入醫科,我雖然選修科考得幾好,但係英文考得個2,入唔到大學,我叫琳小心啲組爸嘅魔手,佢話講到魔手邊有人夠我勁,而我都唔知呢樣算係優點定咩,總之我唔理了,聽人講日本係最近飛天豬出現既地方,我聽到之後就買左隻單程機票,準備出發。飛天豬你改變左我嘅軌跡,再次見到你,唔知我又會有咩感受呢?