今日我出街,見到隻豬係天上飛: 第七章 飛散

   

  終於到了機場,估唔到機場比我想像中細,我當然第一時間找阿明「阿強,呢邊。」身後傳來阿明既聲音,不過聽落去冇左之前果種爽朗,阿明副黑框眼鏡掛左喺件衫到,一條短褲加波鞋「唔凍架?」我不忘抽水「唉,你又唔係唔知我住邊到,老母又收埋哂啲長褲,咪搞到我好似偷渡咁囉......」佢無奈咁答我「點解有呢個決定?」我望住佢「你睇完就知」佢打開手機,比我睇佢WTSAPP 啲對話:


阿敏:「Hi」

      :你就係阿敏?

阿敏:係





       :你讀邊間學校架?

 阿敏:真光書院

        :wow,名校黎

   ......






其實睇到呢到,我已經估到原因了「阿敏識佢?」阿明沒回答,但他苦笑了一下「原來佢當初去左英國之後,有嘗試同我聯絡,但係你又唔係唔知嗰排我做緊乜架啦,之後佢又去左交流團,一去就去左兩年,而佢今年會返英國。」我分析其他情況「如果佢有男朋友咁你咪爆炸?」「係架,但係佢咁高冷,唔驚啦!」雖然佢講就咁講,但我相信佢內心都一定好緊張,因為連笑容都扭曲埋既人,你話佢幾有信心都係假「但係我相信一切都係緣分,冇隻豬,就冇呢一切,可能係一個契機,比我去修補過去既遺憾。」阿明好有信心咁講,唔知點解,我有預感佢會成功「嗯。」我只能這樣回應阿明「唉好HEA囉,起碼都整兩三句鼓勵既說話黎啦~」阿明一路睇住時間,一路核對機票,我同阿明就咁樣坐左喺到十幾分鐘,而好奇怪既係,我地兩個都冇出聲,呢種應該算係十年來既默契「喂,我要走啦,大膽啲啦,冇左我你比其他人玩死啊......」我知道阿明既意思「收皮啦,FUCK YOU......」我講既同時舉起無名指,他終於笑左,而且我知道佢呢個笑容係真心既,他轉身,揮手,消失喺通道盡頭。

  「X你,記得結婚寄喜帖黎啊!」我終於也忍不住,向著離境通道大叫,同時眼淚係咁湧出黎,X街仔,話走就走,我都未多謝你幫左我咁多......











  原來,回憶會隨著眼淚湧出,流下,並不自覺昇華了這份關係