今日我出街,見到隻豬係天上飛: 第六章 密愛

  返到屋企,望到阿媽喺到準備緊晚飯,我諗,到底阿媽有幾何唔煮餸比我,仲要出街買外賣個陣見到隻飛天豬?除左巧合,我找唔到咩理由黎解釋呢一切,「啊」我嗰頭傳來一陣痛楚,望一望,原來係阿媽「我問你,點解出左去咁耐,唔駛溫DSC啊?正衰仔!」阿媽的語氣雖惡,但我知道她是用心良苦,始終佢一個人養大我,點都係想我出人頭地「哦,無野,我頭先同阿明出左去一陣姐,同埋係DSE,唔係DSC啊......」我回報行程之餘仲不忘糾正她的錯誤「咪又係一樣,同埋我都叫左你唔好同阿明玩咁多囉,唔駛讀書啊衰仔......」阿媽講完之後又走回廚房,準備晚餐,而今晚有我最愛的蕃茄炒蛋,真是聞起來都令人醒神,我打開電磁學,我一直以來也搞不懂的課題,什麼左手定律每次都令我昏昏欲睡,如果有失眠的情況,我建議大家不妨試下呢個方法......咦,為什麼我不會覺得累?反而漸漸了解到,電磁學的原理,哦...原來是這樣判別磁場的方向,用呢條公式就可以找出磁通量了吧......


  半個小時之後,我好似打通了任督二脈,對於電磁學的題目,見招拆招,平時諗半粒鐘都唔明既題目,依家一分鐘就做完!我好驚訝,但同時都好興奮,我做完之後,我望返份卷,比著係平時既我,根本唔會明呢一堆文字代表到乜野,我收埋份卷,拎起電話,諗住打比阿明報喜又好,認叻又好,但係阿明亦喺呢個時間打電話黎「喂,阿強?我要走啦,你黎唔黎送機?」阿明的語氣有點焦急「你屋企人會比你就咁出去?去邊到?」我打算問個清楚「佢地唔知,我要去英國找佢。」阿明一定係痴左線,而我當然知道佢係邊個「你諗清楚未?」我也知道勸他是沒有用的「幾點機?」我打算確認一下時間,準備出門「放心,仲有兩粒鐘,一陣見。」阿明講完就收左線,我望一望鐘面,現在是八點鐘「阿媽,我要出一出去。」我同阿媽講「咁唔食飯啦?」阿媽一臉失望的表情,似乎是因為呢餐佢準備左好耐「放心,我返黎會食。」我這句話也令阿媽放心下來,而她也意識到,我有好緊要既事情要做,之前去陪阿明個排,我都係咁,因為阿媽知道阿明對我黎講有幾重要,我小學個陣,由於生性怕羞,不時都會有人黎玩我,其實應該叫做欺凌。記得有一次,我嗰書包比人搶左去,我唔敢出聲,因為有好多人,而正當佢地係到用我嗰書包當波踢個陣,阿明一手搶左返黎,仲警告佢地如果再欺凌我,就會用返相同手法對付佢地,個陣既阿明又大隻又高,雖然唔受歡迎,但無人敢玩佢,就係咁,我地就做左成十年朋友,如果我同阿明鐘意上同一個女仔,咁我一定會割愛唔同佢爭,雖然我本身冇條件同阿明爭,但輸比佢,我心服,不過喺佢面前,我又唔會講出口,朋友,咪就係咁簡單。

  望住窗口,呢幾年來發生既事會一直浮現,有人話,人係臨死之前,會回顧一生;而我就認為,當你就黎失去一樣好重要既野個陣,當中既回憶亦會不斷湧現。如果我唔係男仔,或者我都會鐘意上阿明,呢一種感情無關性別,單純係覺得阿明呢個人真係好好。諷刺的是,手機播緊「勞斯萊斯」......