今日我出街,見到隻豬係天上飛: 第五章 蛻變

  豬既呼吸聲越來越近,突然又聽見阿明既慘叫「啊!」唔得,我要生存落去,我仲未識過女朋友,我仲未生仔,我仲未......正當我以為自己走得甩個陣,後背突然轉來一陣又一陣既重擊,呢一刻周圍既環境好安靜,我甚至聽得到心臟既跳動「咚咚」,但係之後環境恢復正常,群豬直接穿過我的身體!隨後群豬漸漸走遠,好似一列火車咁,我向後望一望阿明,發現佢係到拍走身上既塵,之後企返起身「發生咩事?」阿明問「我點知,話時話你駛唔駛叫得咁凄慘?我仲以為你有咩事,扮哂野」我對阿明既反應感到好無奈,佢咁樣唔去做演員真係嘥哂,咦,就連發號施令既「黑大佬」都唔見左,但隱約中,我腦海中浮現一句話:




  痴線,有邊個唔渴望力量?有力量,係學業上,人際關係,甚至愛情上,都可以如魚得水,從而成為一個人生贏家,過上美好既生活......「喂,阿強,你頭先有冇覺得突然之間充滿左自信,就好似無野難到自己咁?」阿明問「吓,咁又無喎,我比豬撞嗰刻突然周圍環境靜哂,淨係聽到自己既心跳聲,但之後又回復正常。」原來比唔同豬撞之後既經驗都會唔同「係咩,但係我覺得我依家仲係好有自信咁,點知點解,哈哈!」佢笑住咁講,其實阿明不嬲都有自信架啦,我又唔覺得有咩分別「今晚,我要約阿敏出黎。」阿明望住電話「駛唔駛啊,咁急小心人地被你嚇走。」我不忘提醒佢,佢之前都有幾次係咁,一識人就話要約人出街,嚇到啲女仔即刻block左佢「我真係鐘意佢」阿明始終都係望住個電話,不過見阿明咁既眼神,就知道佢今次除左好有信心之外,仲係認真,而我既經驗同我講,阿明認真既時候,好少女仔佢係追唔到,仲記得有一次,佢喺條街上見到嗰女仔,嗰女仔著旗袍,應該讀名校,但睇落去好高冷,冬菇頭,1.6米左右,雙手拎住幾本厚到擋子彈既書,仲聽緊音樂,生人勿近既感覺,但係阿明嗰次直接係條街到抱住佢,我個陣當然係O哂嘴,但之後聽阿明講嗰女仔做左佢女朋友,佢地感情仲幾好,我見到佢都會叫聲「阿嫂」,但好景不常,有晚嗰女仔獨自返屋企個陣,比班MK仔拖左去後巷,之後......聽講之後嗰女仔移左民,自然同阿明就失去左聯絡,仲記得當時阿明冇返兩日,第三日我去探佢個陣,佢問我「點解?我唔介意佢仲係咪清白,但係點解佢要走?點解唔同我講清楚?」我果陣唔知點答佢,但係我記得我陪左佢成個星期,就黎比學校強制退學,好彩我同學校講阿明屋企有事,所以先會咁,學校先大事化小,記左一個小過,不過從此之後,阿明就變左個player,識完一個又識一個,不過就算女仔要求,阿明都唔同佢地發生關係,可能阿明始終都係放唔低之前件事,又或者,阿明根本冇忘記過嗰位冬菇頭女孩,其實佢都知道,逝去感情不可以留得住,留低既只有傷疤。

  「我唔會再俾我失去你......」阿明細聲咁自言自語,講完之後向巴士站行去「拜,阿明。」我不忍心打擾他,看著他慢慢上了巴士,我也回頭,行向地鐵站,返屋企諗下今日發生既事情,同時我亦發現,當我思考緊個陣,周圍既環境靜哂;而當我唔思考嗰陣,環境就回復正常,我望著餘輝,聽著心跳聲,發現原來夕陽可以咁靚。