【猴年血腥】《拜完年，我畀狗咬死左》: 4. 十世修為的第九世 (4)

恭子逞看著我，發現我仍然不太明白。
 
「投胎，並唔係求其搵一戶人家黎投！」他凝重地說。
 
「當然，我地會根據你死前既善惡分數，黎匹配一條命比你。」
 
「但你可以拒絕，以二百分功德為代價，從另外五條命中選其中一條。」
 
「如果你想成為帝王將相，就要付出二千分以上先可以遇到。」他說。
 




到此，我明白了一點，卻仍有疑問。
 
 
「第一世既我，付出左二百分功德，買左一條『棋士命』。一個……捉棋好叻、注定做棋士既人生？」我問。
 
「係注定做棋士，但唔代表捉棋好叻。」恭子逞指正。
 
「所以佢先再用三千功德黎強化？」我問。
 
「無錯，三千功德係上限。」恭子逞說。




 
「佢成功令到第二世既自己，變成捉棋天才，8歲已經係鄉鎮成名，13歲成為最年輕國家級棋士，16歲成為國家棋士代表，18歲以一人戰勝十名從東瀛過來挑戰既棋士，揚名天下。」
 
「東瀛棋士，係離開既時候，都一一拜訪家上，再戰三局才願離去。」
 
「最後，人人都留低一句——
 
『局中局、陣中陣，耐人尋味，令人佩服，受教了。』」
 
我單是聽著，已經覺得很厲害，「真係咁勁？」




 
「佢既陣，深謀遠慮，布局嚴謹多變，能適應多個突如其來既變化。」恭子逞繼續說。
 
「總係可以提前一步攔截對手，總係棋高一著。死後，獲棋聖、布局王、計策之神等等既追封。」
 
「但由於佢對做官冇興趣，一生無政績留下，故漸漸被世人遺忘，只為行內所知曉。」
 
「一生中，他多次周遊列國，只為尋求敵手。」恭子逞讀出數簿記載。
 
「五十歲起，不沾棋盤，原因已無敵手。」
 
「至死前三十年，都沒有再下棋。回想自己人生，最喜歡是布局，卻不敢染指天下，因為……」
 
「會好可怕。」第二世說。
 




「所以係死左之後，佢聽到哩個十世計劃，即刻哈哈大笑，大笑左十分鐘以上。」
 
「因為佢知道，佢人生最後一盤局，終於黎喇。」
 
「之後，佢係當時既白無常同意下，閉關左十個鐘黎安排。」
 
「最終，得出第三世應該做龜既結論，並為將來每一世都留下暗示。」
 
「依加我望住你後來既七世記錄，都覺得充滿玄機，總係可以巧妙咁拎到好多功德。」他說，「就好似——」
 
「圍棋入面，搶奪陣地一樣！」他亮眼地說。
 
「喂喂，咁我呢？」我也亮眼地指住自己的臉，「我有咩巧妙？」
 
他看著我，左手摸下巴，慢慢陷入苦思。




 
「哩個問題，有啲深度。」