【猴年血腥】《拜完年，我畀狗咬死左》: 4. 十世修為的第九世 (3)

言歸正傳，恭子逞發現我偷笑後，把龜神的事跡一五一十地告訴我。
 
「佢真係冇用詭計？真係跑贏左佢？」我問。
 
「冇用。」恭子逞端正地坐著，以示尊敬。
 
「有乜可能？龜喎，嗰種好辛苦先撥到一下腳，勁艱難先爬到一野既巨殼動物喎。」我再問。
 
「施主，你只係……」他雙手合十，輕輕參拜，「冇見過龜全力奔跑啫。」
 




我在腦海裡回憶一下這輩子的記憶。
 
的確，是看過一些龜，爬得很快的影片。
 
但是仍不足以跟兔仔相比吧，一般野兔，是連獵人也要廢點氣力才捕獲到的動物。
 
看著我陷入苦思，恭子逞故意拖了一下，嘴角偷笑了。
 
「點解隻龜可以跑得咁快，你諗唔明，係好正常。」恭子逞緩慢地說，從合十中，抽一手去翻開數簿。
 




「因為哩個係第二世既你，所作既安排。」
 
「第三世做龜，哩個係第二世既你所做既最神級既安排。」他再強調。
 
「咩意思？即係……第二世既我死後，揀第三世既我做龜？」我確認一下。
 
「正是。」他再次雙手合十，「佢簡直改變晒投胎重生既玩法。」
 
「佢係……咩人？」我再次嚥下口水。
 




「首先，你要知道，九世前既你決定要存十萬功德既時候，佢其實冇乜信心。」
 
「因為每一世都要存一萬分，其實唔容易，好可能因中途某一世唔生性而導致失敗。」
 
「而佢，亦知道自己智慧有限，唔識為後世做啲咩規劃。」
 
「所以，佢揀下一世條命既時候，刻意揀一個善於心計、精於布局既人，希望當佢死後，聽到哩個『十世計劃』既時候，可以用更聰明既方式完成。」恭子逞說。
 
「於是佢花左三千功德，光顧我地既『強化服務』，去加強佢既布局能力。」
 
「即係點？」我問。
 
「佢先用二百功德，揀左一個『棋士』作為投胎對象，再用三千功德加強佢既智力，令佢充滿布局才華。」
 
「結果，太令人震撼……」恭子逞說，再次合眼參拜。