【猴年血腥】《拜完年，我畀狗咬死左》: 4. 十世修為的第九世 (2)

「你意思係，第三世既我……即係七世之前既我，係『龜兔賽跑』嗰隻龜？」我難以置信。
 
「冇錯，佢跑贏左兔仔，成為左龜中之龍。其跑步傳說至今已被翻譯成168種語言，成為全世界莘莘學子既必讀教材，陪伴住所有小朋友既成長。」恭子逞說。
 
「佢引申出黎既道理，通俗易懂，老幼皆宜。」
 
「只要不放棄，就有以弱勝強的可能。」他豎起右手姆指數算。
 
「做事要腳踏實地，不要輕視敵人。」他再豎起食指。
 




「哩兩個驕兵必敗既道理，在軍事上亦影響深遠，比赤壁之戰曹操數十萬大軍覆沒更令人深刻。」
 
恭子逞感動地，伸出右手，貌似要與我握手。
 
「唔好玩啦白無常！」我爭辯，「龜兔賽跑，只係寓言故事黎架咋。」
 
「錯喇，第三世既你真係做到左，係真龜真事。」恭子逞看著我，眼神如見到當日的神龜一樣。
 
「詳細情況，我陣間再話比你知，但依加……依加……」
 




「可唔可以，握個手？」他半起身問，仍沒有收回右手。
 
「點解呢？」我不好氣地質疑。
 
「因為……」他吸一口氣，半合眼睛，有情緒湧上心頭。
 
 
「我細個既時候，都比哩個故事勉勵過。」他真摰地說。
 





然後——
我盡量自然地，用左手掩住嘴巴，盡量放鬆面部肌肉。
 
才提起右手迎上，與他握手。
 
他滿足地望向我，表示感激。
 
「嗯……嗯唔洗客氣。」我死扣著臉頰回應。