【猴年血腥】《拜完年，我畀狗咬死左》: 2. 正視一生功過的善惡審判

02. 正視一生功過的善惡審判
 
 
「隨你飲唔飲啦，總之依加，要開始做正經事。」白無常恭子逞認真起來。
 
他的氣息漸變，當場氣氛也跟隨改變。
 
「等等，你至少答埋我點解有咁多狗先丫。」我說。
 
「可能……」他斜視桌邊，手指搔搔額角，「因為準備同野貓爭地盤掛……」




 
「你知啦，貓狗既地盤觀念好重，成日周街小便都係因為地盤意識。」
 
「冇可能囉！」我不信。
 
恭子逞拿起一疊文件，拍拍齊整，又藉故翻找什麼。
 
「咁可能……係準備同另一班狗開戰，同狗爭地盤。」他說。
 
「咁啱嗰班狗係一班病狗，有瘋狗症，所以見人就咬。」




 
「鬼差先生，我唔係要聽哩啲。」我固執地說，「我要聽真相啊！我要知自己點解咁早死啊！」
 
「講你又唔信，唔信又要問！」他不好氣反駁，「唔通我同你講，你曾經得罪左一個女人，依加佢變左狗妖，黎搵你報仇咩？」
 
「吓？我……」我疑惑了。
 
腦海裡有些記憶正在湧出，不聽使喚地洶湧出來。
 
「點呀周喜慶，係咪諗起邊個咁啊？」恭子逞語氣突變，表情突變，手裡抽出一份文件，放到我的面前。




 
他眼睛一直鎖住我，留意著我的神情。
 
文件標題：〈周喜慶之罪惡〉。
 
一幅少女的畫像，被附在文件之中，遭他拿了出來。
 
「佢？」我瞳孔放大。
 
「哩個年輕貌美、身材火辣既女仔，係十八歲嗰年，比你中出即飛。」
 
「周喜慶，我問你，記唔記得哩件事？」他嚴厲審問，眼睛再度冒起紅光。