短篇散文集: 《為咗啖氣，輸咗段感情，值得咩？》

「我講咗幾多次，叫你唔好同阿文咁親密呀？」我帶點微慍咁同阿穎講。

阿文係阿穎嘅一個要好嘅異性朋友，甚至可以稱得上係男閨蜜。不過仆你個街，fd還fd丫，洗唔洗撓哂手咁行街呀，攬哂腰抽哂水都話熟先會咁，咁唔差在上埋床啦。最無稽嘅係，阿穎對阿文仲言聽計從，甚至有咩事都第一時間搵佢問下意見。屌，而家當我死架？

「咁我哋姐妹嚟咋麻，你呷咩醋啫？你夠同阿希成日單獨出街啦，我見唔到唔代表你哋乜都冇做過，你咪一樣五十步笑百步！」阿穎反駁。

「姐妹？你完全打破咗我對性別嘅認知喎，一個有撚嘅人類可以同你做姐妹，咁你一間話同姐妹瞓埋同一張床，唔小心肉帛相見，再情難自禁都吹你唔漲啦。之後仲可以大條道理話冇俾帽我帶呀，嗰個姐妹嚟咋麻。」

咁我日日同唔同嘅姐妹去開房都得架啦，出咩軋啫，姐妹咋麻。





係阿穎想開口反駁之際，我繼續講：「定係你想話我知，sex同gender嘅分別呀？個身體係男人，不過內心係女人，但偏偏個女人係tb呀？你咪撚咁天真啦，佢唔係為攪嘢？定係其實佢冇撚嘅或者係性無能，而我只係誤會咗佢，高估咗佢仲有性能力呀？」每次同阿穎爭論親呢個問題，我都忍唔住動真火。

「啪！」兩秒後我先反應得嚟，阿穎一巴車埋嚟我到。

阿穎帶近乎咆哮咁話：「你好啦喎，張雋恆，你當我咩人呀？如果我係咁易同人上床，你一早帶咗帽啦。你唔好次次都站係道德高地嚟壓我，你敢講你同阿希乜都冇做過？」

阿希係我一個青梅竹馬嘅好朋友，我哋雖然成日一齊，但如果你問我有冇同佢發生過關係，我敢答你，冇！（至少冇探索人體最終奧秘先！）

「你咁講啫係唔止一次差啲同人哋攪埋啦，方穎詩，你都對得我住，明明係你自己成日同啲厹咁親密，而家反嚟屈我，你而家算點撚樣呀？」





呢刻我同阿穎就係係個廳到對峙住，任何一方軟化落嚟彷彿好似認錯一樣……

「咁你而家想點丫張雋恆！」雖然阿穎把聲好平靜咁問，但佢依然睥到我實，不過如果咁就要我妥協真係未免太低估我。

「我要你斷哂同身邊啲男人嘅聯絡！」如果我係想點就點我應該係想呢班仆街死哂佢先！

「你都痴撚線，朋友唔係男就女架啦，你咁樣嚟管我，我唔係你隻寵物呀！」

你唔係我隻寵物，但你係我條女嚟架，我唔管你唔通去管啲厹？喂，各位女性你明唔明，男人諗嘢係you belong to him架，調轉你條仔同第二條女又拖又攬你都接受唔到啦！





「我唔痴撚線就唔會鍾意你啦！」

呢刻，我腦海不停咁浮現出兩隻字……分手。

「咁分手囉！」仆街，咁都俾人搶咗句對白……

「你話架，你以後唔好搵我！」屌，點解我會講呢句……

如果你問我，我真係唔想分手，更加唔想講到咁絕，但係啲咁嘅情況，大家都失去理性，點討論啫……其實呢啲說話，都係一時意氣先會咁講啫，偏偏好多人講完都返唔到轉頭……

聽到呢句，阿穎向門口方向走去……

「方穎詩！」我叫停咗佢。

「你又想點呀？」





我走上前將阿穎推埋牆，近乎強吻咁去錫佢，由一開頭嘅反抗，之後慢慢軟化……幾分鐘後，我咪雙唇慢慢咁分開……

「你打完我一巴想就咁算呀！你要用一世去補償架！」我帶住奸笑咁講。

「咁你咪好著數！」阿穎亦都表現出靦腆嘅笑容。

「有啲說話，講咗收唔返架，下次唔好再亂咁講出口啦！」我輕撫阿穎嘅臉頰，雙眼凝視住佢。

「你話緊自己呀？衰人！」阿穎終於再次展現出甜笑。

「咁我發誓，我唔會再咁衝動，再講埋呢啲悔氣說話囉……你都係呀，唔好再鬥氣，當啲悔氣說話講真呀！」

「唔知啦，咁就要睇下啲人表現點啦！」咁你係都要攞返個尾彩，咪俾你囉！





於是，我將阿穎成個人抱起，行返入房……

其實為咗鬥氣而硬頸，贏咗啖氣，輸咗段感情，值得咩？