短篇散文集: 《信任？食得架？》

信任係啲咩？情感？知覺？思維？我諗咗好耐都唔明。但我知道，信任係一樣最不堪一擊嘅「東西」。

每個人自細開始聽狼來了呢個故事，每個人都學做人要誠實，講得出做得到。但結果呢？

過去十日，大家嘅關注，動用嘅警力換嚟啲咩？某啲學校嘅學生自製海報；連員過百警力連日搜索，換返嚟嘅就係個bb係堆田區呢個事實。港人為小b女擔心多日，各家長又提心吊膽咗咁多日。警方呢？佢哋雖然只係處理一件案件，但佢哋都係人，佢哋得悉原來折騰多日得出嘅結果原來係賊喊捉賊；為咗可以更加快搵到女嬰而製作海報個班學生，係知道呢個消息，發現自己出心出力最後換嚟嘅係個咁諷刺嘅結局又會有咩感覺呢？

信任呢樣嘢真係好恐怖，佢可以令人個心更穩固，但又可以瞬間分化人。朋友間嘅信任可以令大家成為莫逆之交，反之可能會互相加害；情侶間嘅信任可以令感情長久，反之分手收場。當我哋以為世上親情最信得過個陣，就有一個媽媽利用人嘅信任意圖掩飾自己嘅罪行，屌，咁你叫人仲點信人啫？

情侶就更加唔洗講啦，永遠愛你？你試下個男嘅食完之後會仲有幾愛個女嘅？你話，咁唔俾佢食咪得囉。冇錯，唔俾佢食你，咁佢咪出去搵食囉，之後你叫分手呀？個男嘅仲可以大條道理，哎呀，我都唔想架，我一時做錯事你唔俾機會我咋。





所以我從來唔信人，太信一個人最後發現原來俾人呃，你個心會幾傷？就好似你將條命交咗俾佢，佢最後選擇出賣你，背叛你而為咗自己得益咁。

「我會放棄佢，I promise」Then？「我發誓冇下次架啦」之後呢？世間上咁多承諾，兌現到嘅又有幾多？

講咗咁耐，乜撚嘢係信任？我諗大概係每個人嘅自身價值掛。人哋對你嘅信任度就好似顯示咗你係個咩人。人哋愈信你，代表你係佢心目中嘅人格愈高，當有一日個個人唔再信你，唔好問點解，問下自己，做過啲咩。問下自己，仲值唔值得人信。

believe中間也有個lie。