短篇散文集: 《只要有恆心》

細個學過啲咩道理係影響而家嘅你最深？我唔知你哋，但我肯定係俾「只要有恆心，鐵柱磨成針」呢個道理害得最深。

輕輕咁講下個典故啦。話說李白年少個陣逃學走咗去通街行，然後行行下見到個呀婆係到磨緊支鐵柱，跟住佢就走去笑個呀婆做乜鳩啦。個呀婆就話要支嘢磨成繡花針，仲話：「只要有恆心，鐵柱磨成針」。（大概係咁上下啦）

今時今日真係不禁想對住個呀婆講：「屌你咩，好地地磨乜鬼嘢針啫，粗粗哋自己用咪算囉，好心你幾廿歲人咪咁多鳩餘啦。你知唔知你害得我幾慘呀？」仲有啊，呀李生，你逃學就專心啲逃學啦，咁撚八卦做乜鳩呀。

自細父母不停灌輸呢個道理俾我哋：「嗱，無論咩事都好，只要有恆心就會成功架啦。」唔好話我衰，而家想反問返佢哋一句，咁有恆心咁捱咗咁多年，你哋成功未？

而家係人都知道恆心呢家嘢，只係適用於香港嘅填鴨式教育架啫。你做嘢有恆心？咁咪抵你打死一世工啦；你溝女有恆心？咁咪抵你做死一世兵囉；你做人有恆心？咁恭喜你，你最好嘅獎勵就係入土為安。





喂，真係認真睇睇，身邊幾多人好有恆心咁做一件事，至最後係失敗架。好似港視咁，全台上下夠恆心啦掛？王生夠恆心啦掛？屌你而家冇咗個牌都唔夠，連個台名都俾人搶埋。

貼身啲嘅，鍾意人幾年個啲夠恆心啦掛？所以咪做兵做足咁多年囉。有幾多人就係誤信呢個「真理」，I am ready咗幾多年呀。

你愈有恆心做嘅嘢，到頭來換到嘅只係痛得愈甘，然後你好有恆心咁做咗幾十年人，最後就入土為安。所以只要有恆心嘅下一句感該係愈耐愈傷心。