短篇散文集: 《現實世界》

由細細個開始，家人，師長都不厭其煩咁教我哋好多道理：守時，好人有好報，應承咗人嘅嘢要做到……等等。但到咗今日，細個所學嘅，有幾多你仍然係身體力行緊？

人大咗，你開始接觸電視，入面教你嘅嘢比起家人師長更為深遠。好人有好報？點解電視入面個個奸人到最後先死架？承諾，咩嚟架，食得架？就算係現實社會，又有幾多人，仍然遵守緊好人呢套規則？

教你唔好講粗口嘅人，三句唔埋兩句就問候人全家；教你守時嘅老師唔知何時何地約人個陣遲到成粒鐘；教你好人有好報嘅人，第二日可能係背後插咗你幾刀。

到你終於發現呢個世界，並唔係你所認識嘅世界個陣，突然出現一個你自細就聽過，但從未見過嘅好人（好恰嘅人），佢就係做緊一啲明明係啱，但社會上認為係傻仔甚至偽善嘅行為。你嘅價值觀開始崩潰，到低應該信啲咩啲？社會教我人善被人欺；而呢條好人就教我好人有好報（而佢係從來未報）。你應該信邊個？

甚至乎，連信任都唔知應唔應該存在。老闆同下屬：你做咩唔返工？病？你咁精神，詐病咋掛？醫生紙又點？我唔信，你聽日唔洗返工。朋友之間：你冇講過？呢件事得你知我知，唔係你講邊個講？肯定係你啦，你出賣我，絕交。情人之間：你話過你會放低你前度架，佢搵你又應？朋友？分咗手仲係朋友？唔信，分手。





跟住係信任唔存在嘅時間，就有樣叫合約嘅嘢出現，用嚟約束承諾。但最後得到啲咩？就係你會發現原來取消一張婚約係易過取消張收費電視合約，愛情嘅承諾，算得係啲咩啫？

承諾，就好似屌你老母，個個得個講字。

你話，唔係呀，好人有好報呢樣都未去到咁絕望丫，起碼呢個社會仲有好人幫人。

但你幾時見到好人最後有好報架？

「童話故事好多都咁講架。」





「你睇邊本呀？」

「格林童話囉。」

「屌你而家都出咗本叫令人戰憟的格林童話啦，入面俾大人睇架，講啲俾你知丫。白雪公主勾引自己呀爸先俾個後母追殺，逃到森林係晚晚靠賣肉俾七個小矮人先有地方住，王子有戀屍癖，最後佢哋係好開心咁bbq，但係係拎個後母嚟bbq囉。」

「吓，點會咁架？點會同我細個學嘅唔同嘅？」

「大陸上堂夠教啲學生冇六四啦。好人有好報只會出現係童話到有幾出奇。」





好人有好報？就係要教你，唔好再活係童話世界，返嚟現實啦。