短篇散文集: 《其實...你知道的... 》

其實...你知道的...

係不停發出得唔到回復嘅信息之後，無力感慢慢佔據你嘅身體，腦海。其實你明知佢唔想回你；其實你明知佢唔想同你再有任何關係。或者佢等緊嘅只係一個機會，一個徹底同你斷絕關係嘅機會。 

終於有一日，你忍唔住同佢講： 

「有冇攪錯呀，點解你回都唔回下我呀」「你鬧我呀﹖咁你以後唔好搵我」 

終於，佢大條道理同你斷絕關係。諷刺嘅係，自己竟然為佢帶黎一個咁無可挽救嘅理由。其實你知道，呢個並唔係最大原因，而係佢跟本唔想再同你你糾纏。當你由咩事都選擇順從嘅時候開始，佢就已經立於不敗之地，因為當佢需要你，佢隨時都搵到你；當佢想你唔再搵佢，佢就會不停挑戰你嘅底線。只要你一沉唔住氣，佢嘅目的已經達到。 





其實無論原因係咩都好，一段關係有裂縫，兩個人之間出現問題，點都會感覺到。佢冇理由感覺唔到你對佢嘅心意，你冇理由感覺唔到佢對你嘅漠視。但係雙方都選擇逃避問題，選擇唔去正視大家嘅心，直到關係破裂，到最後先悔不當初…… 

然而，你會希望呢個只係一個惡夢，一覺醒來之後，就會見到佢講一句： 

「嗱，我今次大人有大量就願諒你一次，再有下次真係唔彩你架啦」 

不過呢種近乎空想嘅對白並冇出現，慢慢，最後一個信息停留左係你同佢爭吵嘅一日﹔慢慢你再見唔到佢嘅最後上線時間，最後就只係剩低你自己一個欲哭無淚…… 

如果無聲淚係最令人痛心疾首，那麼眼淚在心裡流就是連靈魂都被抽走的痛……