[平行時空下的結局]後香港小男人網上日記: Week33　Thu

Week33　Thu

琴晚餐飯睇怕都係Mandy精心部處，但係點解佢又要咁做呢？一方面係到勾引我，一方面又要幫個妹嚟追我。都算，就算佢知道Janet對我有意呢樣都唔係問題，問題係點解佢連阿Kit嘅存在都知？呢一刻，可以係我同Mnady之間存在連結點嘅除左Janet，仲有佢。

「Eric，你入一入我間房。」

「點呀，係咪又有咩煩惱要我幫你解決啊？今次Janet定Kit啊？」

「你有冇同其他人提過我同Janet同阿Kit嘅事？」少有地，我好認真咁問Eric。





「冇……掛」見我突然咁認真，Eric都有少少淆，答句野都帶哂頭盔。

「你諗清楚啲？」

「Mandy囉，不過佢地兩姐妹，應該唔算其他人掛。」

「又唔見你會同我講下你平時床上表現，啪你就啪啦，仲可以同人閒話家常！」

「咁分散注意力，可以持久啲丫麻。」





對住呢個兄弟，真係唔知應該好嬲定好笑。