[平行時空下的結局]後香港小男人網上日記: Week33　Wed

Week33　Wed

經過咗琴晚Eric嘅一番肺腑之言（但俾我無視為廢話）之後，我腦入面嘅諗法好似變得更模糊，直覺上話我知，阿Kit係我一生中最大嘅遺憾，如果我再一次由得呢個遺憾流走，可能我會永遠後悔。同樣地，如果我由得Janet呢個絕種好女仔由我手中漏走，我可能亦會悔恨今日所做嘅決定。

就係咁，一整日我都冇認真做過嘢，或者應該係話，我都冇咩嘢要做。就係臨收工嘅一刻，我接到Janet嘅電話，佢約我今晚食飯，係我連yes or no都未有機會講嗰陣，佢已經收左線。Fine，反正同靚女食飯都冇損失，當係俾個機會自己了解清楚想要咩都好。

係同一間餐廳入面，我嘅感覺比起初次見面個陣要presentation嘅時候更加緊張。眼前係一個過億企業嘅決策人，一個女神級嘅少女（處女），最重要嘅係佢竟然睇上咗我呢個死宅男。

當啲餸嚟齊個陣，佢除低左件外套，個刻我嘅思緒好似俾眼前嘅「美境」吸走哂，直到佢叫一叫我，先回到神。





「喂，你幹麻看這麼久啊？你看哪裡啊！」望住紅都面哂嘅Janet，真係好吸引。

「呃…唔好意思，平時好少見你著得咁…性感」大家可以想像到當時嘅我係幾咁尷尬。

Janet今晚响外套之下，只有一件非常鬆身嘅低胸幼吊帶長裙，基於男性都係唔會用腦思考嘅生物，所以呢一刻我只係諗到…唔知佢有冇帶bra呢？

相比起我嘅反應，Janet真係比我大方得多。佢笑咗一笑，紅住面咁講：「賓，只要你願意，我可以跟你分享所有的東西，包括我們的生活、工作、還有…只要你對我好，我願意……你可以每天看個夠。」

天啊，試問一個咁完美嘅女仔係你面前，同你講一番幾乎係表白嘅說話，叫人點拒絕呀？





「對於你嘅心意，我全部都收到哂，但係.……」

「不過，你有在考慮另外一個女人，對吧？」

我點頭。對於Janet嘅心意我完全清楚哂，簡單啲講，我就係佢嘅全部，但我真係好想諗清楚，我怕我會揀錯。但係，我仍然好想知點解世界上咁多好男人唔揀，偏偏會揀中我呢個一無事處嘅宅男。

可能出於自卑心作祟嘅關係，我問咗條到而家都覺得好白痴嘅問題：「以你嘅條件，就算要揀個比我好百倍嘅人都絕不成問題，點解…你會對我…」

「我不就對你說過了嗎？一直以來，追求我的人為數不少，不過他們都沒有令我放安心的理由。你要知道啊，當你有了錢以後，就會害怕別人都是衝著你的錢而來啊。但是你不同，你會把我當成你身邊的人，帶我進你的生活，跟我談自己的感受，在我做錯的時候更會罵我。你讓我感著到，其實我也能成為別人眼中的小女人。」





呢個世界真係唔到你唔信，一個少女強人，係生意上可以精明決斷，但竟然會因為有人同佢傾心事，甚至鬧佢而深深愛上個嗰人。經過今晚，大致上我已經好清楚了解到Janet對我嘅感情係去到一個咩嘅程度。食完飯，Janet車左我返屋企，雖然架車唔係屬於自己，但落車一刻始終會有種飄飄然嘅感覺。正當我返上樓嘅時候，Janet落左車，走上前輕輕咁鍚左我嘴唇一下。之後仲講左樣令我好驚訝嘅事俾我聽：「想你剛剛看傻了眼的樣子，其實我也緊張的要命啊！總覺得太暴露…太難為情了啦！不過啊，Mnady替我選的時候說過啊，只要我穿上它，任何男生都會看到眼定，連你也不例外！看來Mandy說對了，哈哈！」

又係Mandy，佢到底想點？