曾經同一個女仔大戰咗幾年: 30

我討厭這樣的改變。 


我死死地氣走到自己的座位，整個窗外的風景都變成了灰色的。 




不習慣上堂不能跟徐嘉恩說話。 


小息一打鐘，我就去找徐嘉恩。 


「好唔慣呀。」 


「好唔慣咩呀？」 


「不如我地放學去玩啦。」當作補償。 




「唔得呀。」 


「唔得啲咩？」 


「我爸爸幫我請咗個補習老師。」 


「補習老師？」 


「佢想我成績再好啲。」 


「但妳成績已經好好啦。」何況才剛開學..... 


「佢話都中三啦，應該努力啲。把握岩岩開學時間。唉，嗰個阿sir仲要係賴熱情熱血，最憎。」她一臉厭惡的說。 


「咁以後一放學就要返屋企？」

「係呀。」 


「咁妳以後無時間再玩？」 


「我諗係啦。」 


自此以後，她真的每日放學後，便要匆匆忙忙回家補習。 


我們去玩樂的時間大不如前。 


除此之外，她還會抱怨她的補習老師，太認真、不夠細心、嚴格、自以為是。 


「大學生好叻咩而家？最憎呢啲人，以為自己好勁咁。」她一臉不爽的說，滿肚悶氣似的。 


「其實你阿sir好似都唔錯呀。」我有看過他的筆記，很細心認真的。 


「好？好佢個死人頭呀。」 


我後來得知她的老師是浸大的學生，他唸的正是徐嘉恩有興趣的中文，不過，不知道什麼原因，徐嘉恩好討厭他。 


慢慢的，徐嘉恩的話題，多了一項，就是說她的補習老師有多不好。 



我也......討厭這種改變。