曾經同一個女仔大戰咗幾年: 31

「我要努力讀書啦，唔打機啦。」 


要闊別一年的墨香，有一點不捨。 


「下點解呀？」Ball龍他們問。 


「因為我要努力讀書！」 




「無啦啦咁發憤？」忌廉不明白道。 


憑著我現在的成績，難以可以選自己喜歡的科目，唯有努力一點，希望這個學期的成績能挽救前敗。 


「咁......好啦，咁我地都仲可以傾緊架嘛。」 




「當然啦。」 


Ball龍和我交換了msn。 


「點解你做咩要咁樣？」忌廉當然是不會放過我，要問到底。 




我把整件事都和盤托出，詳細的把原因經過結果都說明出，期望老師給我一百分。 


只是，他語氣好像有點冷淡地問：「咁樣好咩？為咗同一班，就咁跟人地揀。」 


「點解咁講？」我問。 


我不明白。 


「咁你自己嘅興趣呢？」 





「呃......」我又沒有想到。

「你咁樣無咗自己，好咩？」 


跟徐嘉恩一班，在我心目中早已經是一件理想當然的事。 


也是一件重要的事，我無法接受我們不是在同一班的事實。 


「一唔一班，又係咪真係咁重要。」 




忌廉的話，的確讓我又再反思。 


只是，雖然我仍在思想，但這樣無礙我努力讀書的決心。 


總是成績好才能選擇嘛。 


我就這樣開展了奮力溫書的生涯。 


不過，任何一個有努力讀書的人也知道，世事總不會如小說電影般順利。 




說奮鬥然後就努力，這樣就努力到成功。 


努力最困難是堅持。 


越溫習就越無力想放棄。 


「啊～唔想溫書呀～」 


而徐嘉恩比我勤力得多，她也努力地讀書，只是每天繼續抱怨她的補習老師。 




日子就一天一天地過去。

我和徐嘉恩的決戰，也一天一天的被沉重的書本、溫習淹沒。 


我的鞋忽然被人踩著，抬頭一看是徐嘉恩。 


「飯桶，你有無塗改液？」 


「你無帶咩？少見啵。」 


「琴晚溫書溫到一點幾，好眼訓。啲野都漏哂係屋企。」她隨即就打了一個大呵欠。 


「係啵，眼袋真係大咗好多。」 


「點算。」她伏在枱上，沒有精神的問。 


「做咩？呢掛好似都無小測。」 


「唔係學校，係佢出畀我。」徐嘉恩已漸漸慣了將「佢」代成補習老師。 


「好大壓力？洗唔洗同佢講？」 


「唔洗啦。其實佢岩架。係我想達到佢要求啫。」 


「喂。」 


「嗯？」 


「你呢排好似無咁多投訴佢。反而好似多咗讚佢。係咪鍾意咗人？」 


「痴線，」她馬上將塗改液扔過來。「邊個得閒鍾意佢，只係耐咗，覺得佢都唔係咁差啫。」 


「哼哼，扮哂野咁，做咩啫？怕醜呀？」 


「死開啦。」 


雖然徐嘉恩口中否認，但我的的確確感受到他們之間的關係，有些微妙的改變。 


我們的距離好像越來越遠。 


而他的老師則跟她越來越近。