某天我脫毒了，走上了情聖之路: 第三十五章 - 登堂入室
完左逄星期三既音樂學會之後，我同柔柔又一齊番屋企。
柔柔同我都無出聲，只係並肩咁步行。
「柔柔呀，其實我成日搵你放學會唔會好煩?」
「唔會呀。」
「其實你會唔會介意我成日同你一齊? 我好似霸住左你咁。」
「唔會啦，我都有黎搵你。」
「柔柔，我其實唔係一個好人，唔值得你成日同我一齊。你應該同番自己級既同學一齊。」
「但我中意同你一齊。」
「你應該好清楚知道我係一個點既人，我曾經係一個第三者，我又中意以貌取人。」
「有咩人無錯過呢?」
「我同卓芝連床都上埋。」
柔柔啞口無言。
我想比柔柔知道我係一個徹頭徹尾既衰人。
我並唔係柔柔想像中咁好。
如果柔柔唔係一個咁可愛既女仔，我一定唔會對佢咁好。
「其實你想表達啲咩?」柔柔終於開聲。
「遠離我。」
「唔得!!因為我已經......」
我已經佢想講咩所以我掩住左佢把口，阻止佢講落去。
「有啲說話講左黎就番唔到轉頭。」
柔柔點左下頭。
我都放開番呢個女仔。
對唔住呀柔柔，我唔可以中意你。
「咁我地番去啦。」
柔柔當咩事都無發生過咁同我行到佢屋企附近。
但估唔到會係到撞到一個意想不到既人。
「柔柔?」一把女人聲高呼住柔柔。
「媽咪!!!」
柔柔撞埋去攬住位年約30中既女士。
「呢位係....?」柔柔媽望住我。
「佢就係小狼。」
咩"佢就係小狼"?
阮芯柔同學你應該唔會當我係你家常閒話既話題嗎?
「原來你就係小狼啦!! 柔柔成日提起你。」
我果然無估錯。
「你咁好送我個女番屋企，不如上黎坐陣先走啦。」
「好呀!!」
鈍胎柔!!你啲反應幾時變到咁快嫁?
「咁打搞晒啦。」
柔柔屋企既裝修好靚。
成間屋以白色同淺棕色為主，再用湖水綠黎襯托，感覺好舒服。
仲有半開放式既廚房，前面仲加張吧台。可以圍埋企係到飲野同傾計。
鐘下面仲有一部鋼琴，而且電視機旁邊仲有一支電結他。
柔柔同佢屋企人應該都好中意玩音樂。
「你當自己屋企就得嫁啦。」柔柔媽由廚房叫出廳。
「不如我帶你睇我間房。」
我都未答佢就扯左我去佢間房。
行到走廊既時候，咁岩柔柔隻貓由主人房衝左出黎。
佢同我對望....係互睥先岩。
佢睥左我一陣就直行直過左。
柔柔間果然係以佢最愛既藍色為主題。仲彌漫住一種柔柔香。
索一索簡直舒筋活骼。
睇完就緊係走番出廳坐。
坐坐下佢隻貓又黎搞我。
今次唔係睥，係用佢個貓頭"攣"我。
「力力好少痴陌生人，你對佢做左啲咩黎?」柔柔驚奇咁問我。
「其實我都係第一次同貓有咁近既接觸。」
唔知點解佢好似對我一見如故咁。
係往後既日子，只要我一入柔柔屋企，力力就會出黎迎接我。
「auntie，我走啦。」我都唔好意思打搞咁耐。
「唔好叫我auntie，你叫我Joyce就得啦。得閒再上黎坐。」柔柔媽真係好好客。
「番到去wts app我。」柔柔係lift口同我講。
「叮」柔柔wts app響左下。
「我去到邊都可以wts app你。」我同柔柔講。
柔柔係到傻笑。
我一出lift就即刻wts app柔柔。
我:「你媽媽唔係要番工嫁咩?」
柔柔:「佢前排辭左職lu。」
我:「全職湊你個衰女包?」
柔柔:「我不知幾乖。佢想多啲同我一齊之嘛。」
我:「咁咪即係要湊你囉。」
我同柔柔一路都無間斷咁wts app。
直到我沖涼先停左一陣。
柔柔:「掛住你。」
我沖完涼就睇到呢個wts app。
令到wts app令我十分忐忑。
我:「做乜無啦啦我掛住我?」
柔柔:「唔知點解今日特別掛住。」
聽到呢句真係由心都笑出黎。
我:「而家咪同緊你wts app囉。」
柔柔:「但我想見到你。」
柔柔呀柔柔，你放過我啦。
你咁樣我真係會中意你。
我:「聽日咪見到囉。」
柔柔:「如果你住我隔離就好。」
我:「咁力力咪會成日過黎搵我?」
柔柔:「羨慕隻衰仔可以咁樣痴住你。」
我都忘記左同柔柔傾到咩時候。
但無論係現在，過去仰或將來，
呢段時間係我對柔柔最開心最深刻既回憶。
其實我都好想你好似力力咁痴住我。