某天我脫毒了，走上了情聖之路: 第三十四章 - 同我放開個女仔!!
「做咩唔覆我機?」卓芝神早樓樓拍我張枱。
「sorry，唔記得覆。」我企圖道歉就算。
其實我真係唔明點解佢可以當咩事都無發生過。
「冷巴閉。」卓芝大鬧完就走左去。
其實又唔算咩都無發氐過既。
最大既唔同就係佢對我既態度差左好多。
畢竟我都已成為佢既人生污點，憎我都好正常。
諗深一層，如果我同柔柔開始左既話，都可能會有一樣既情況。
睇黎我都係同柔柔保持一定距離比較好啲。
如果有一日我會令柔柔喊既話，我一定會咀咒死自己。
「佢搞咩神早就咁好火?」子欣問我。
「下?佢不嬲都係咁嫁啦。」
「係喎!你地分開左之後仲有無聯絡?」子欣細細聲講。
「無乜啦，佢琴晚有wts app我囉。」
「講咩嫁?」我比左果句野佢睇。
「嘩!佢都飛左你啦，你同邊個一齊唔洗同佢報告掛。」
「是但啦，又唔會無左忽肉既。」我根本暫時唔太想理卓芝住。
我對住呢個人仍然有好多唔同既感受。
分開左無耐，總係要過下冷河。「
咁你同柔柔係咪真係一齊左?」子欣八掛魔上身。
「如果我同佢真係一齊就唔洗係到比你則問啦。」
「咁即係你默認中意人但又追唔到人啦!!」
「你痴線啦。」
「你仲唔係話中意人?」子欣彷彿看透世事咁。
「我都唔知呀，我第一次見到柔柔已經比佢既可愛吸引住，
果陣唔算中意，只係單純覺得佢可愛。
之後撞番佢就好自然同佢成為朋友。
佢好多時候都係我身邊，比起其他既朋友同女朋友，
佢更無時無刻係我身邊。但好似每次我有咩事先同佢好FD好親密。
我驚我其實當左佢係水泡。我唔可以傷害柔柔。我一路都當佢係我妹妹，
我只係琴日先有心如鹿撞既感覺，我唔想因一時衝動就同佢一齊。」
「中意或愛一個人唔一定係心如鹿撞既激情。
有一種情叫日久生情，你同柔柔之間既感情係歲月所建立出黎既產物。
好似你同卓芝咁，係吵鬧間培養一種感情，後來因導火線引爆左你地既感情。」子欣突然認真分析。
「咁點先知道我係中意佢定當佢好朋友?」
「lunch你就會知。」
無論我點再追問子欣，佢都唔肯答我。
我唯有等到lunch。食晏果陣，子欣捉左我落小食部。
「今日我同你係到食。」
「但我想同肥森佢地食。」
「唔洗啦，我已經同佢講左，你今日晏晝係我既。」
「下?你想點呀?」我已經預想到我因間又會比肥佢地盤問。
「你坐係到，我去買飯先。」子欣娘娘命令我。
我乖乖咁坐左係到周圍望，希望會見到靚女。
估唔到比我見柔柔係到。不過佢隔離多左個男仔。
我地係男女校，身邊有男性朋友好正常。
我今日都被逼同子欣食飯啦。
咪住!!個契弟點解好似同柔柔咁親密嫁?
佢仲攬左佢一下腰!!!但柔柔表現得好唔自在。
真係老頭子不舉也有火!!我諗住起身行埋去之際。
子欣咁岩買完飯番黎。
「你做咩?」子欣問我。
「你睇下!!」我指住柔柔果邊。
「哦~」
「我要去救柔柔。」
「救?你係柔柔邊個姐?憑咩阻住佢?」
「因為我係佢呀哥!!」
「呀哥?咩年代呀?仲玩契哥契妹，唔該你唔好再用"哥哥"呢個名份去生人霸死地，無膽你就死開啦!!」
「我唔知你講緊咩！」說擺我就怒氣沖沖咁走向柔柔果邊。
「同我放開個女仔!！」我fing開果條中一仔隻手。
其實我想認真講呢句好耐，我終於試到!
「小狼！？」柔柔好快就縮左去我後邊。
「你邊位呀？」個中一仔恐番我。
「3B班黃少朗！」我用拇指指住自己心口。
「做咩？撻朵恐我呀？」
「我無恐你，你覺得我恐你係因為你驚！你身有屎！」
「算啦小狼。」柔柔捉住我前臂。
見到柔柔咁驚既表情，我無再同佢嘈。
我幫柔柔買左盒飯同佢仲有子欣一齊食。
「小師妹呀，你叫咩名?」子欣問柔柔。
呢個女人啲演技真係一流。
「阮芯柔，你呢?」
「我叫子欣呀，原來你就係柔柔呀!!!」子欣繼續扮野。
「huh!!?」柔柔驚訝。
「佢成日都提起你嫁。」
「喂!」我喝止子欣。
子欣即刻係到奸笑。
成餐飯猛係到講我，不過我好開心柔柔對我既事咁有興趣。
「其實柔柔都幾中意你。」子欣番到班房坐低既時候講。
「咪傻啦你。」
「你諗下!! 一個女仔會對一個男仔既事咁有興趣......」子欣講講下比我止停左。
「我開始懷疑所有野都係你安排，同埋我唔會同柔柔一齊。」
「你諗多左啦。我唔明點解你咁肯定你唔會同佢一齊?」
「總之唔會就唔會啦。因為.....」今次到我比人截停左。
「小狼!!!你威水啦!!」家樂撲出黎攬住我。
「你又搞咩呀!?」我推開家樂。
「幾乎全校都識3B班黃少朗你啦。」肥森緊接出現。
「同我放開個女仔!!!」家樂扮我。
「偷約子欣食飯，仲要勇救可愛既阮芯柔。」阿謙抽水模式啟動。
「咪玩啦。」我比呢班大帝玩死。
放學既時候，子欣捉住我講左兩句。
「你有無諗過你為咩咁緊張佢?為咩要幾乎日日同佢一齊放學?
佢又因咩同你交心? 又因咩唔同自己一齊放學而係同你一個人走?」
我答佢唔到，亦答唔到自己。