某天我脫毒了，走上了情聖之路: 第三十六章 - 我承認我真係中意你
上緊第一堂果陣收到柔柔係wts app叫我同佢晏。
柔柔:「今日想同你一齊食晏。」
我:「你日日都想同我食晏嫁啦。」
柔柔:「岩岩果幾日無。」
我:「好啦，你想食咩?。」
突然子欣探左個頭黎。
「wow! 仲話對人無野?」
「無品欣係到偷睇人wts app。」我燥底推開佢個頭。
「你好從實招來。」
「你唔好煩我啦子欣姐。」
「唉，你唔好再呃自己啦。」
「我同佢年紀差咁遠。」
「有幾遠呀?差得果兩年，一個gap都無呀大佬。」子欣一手拍落我個頭到。
「佢好似連育都未發。」
「關咩事? 你陰毛都未有啦。」
洗唔洗咁那直接，呢個女人真係......
佢講到咁我都唔知點反駁。
我靜默咁望住佢。
「唔好比自己後悔。」子欣搭一搭我膊頭。
「其實你點解咁想我同柔柔一齊?」
「因為有啲野過左去就番唔到轉頭。
你應該好明白，你因為無勇氣而失去卓芝，最後因為補償自己既無用而犯下錯誤。」
子欣徹底咁點醒左我。
根據子欣的提醒，我承認左我對柔柔既情感。
只不過柔柔對我既情感係咪又如子欣所說咁呢?
食晏果陣完全唔知點面對柔柔。
總覺得有點尷尬。
成餐飯既空氣好奇怪。
「柔柔呀，你因間上咩堂呀?」
「英文，做咩咁問?」
「無，問下之嘛。」
對話好像又結束了…
「你今日做咩奇奇怪怪咁既?」
「下!? 無，無呀。」
柔柔凝視我，令我覺得更尷尬。
啊! 比佢咁可愛既樣望到實實真係比佢萌爆!!
「噢，我今日放學約左敏琳一齊走。」
我忍唔住鬆左口氣。
「做咩無啦啦鬆左啖氣?」
「唔係，唔係，你聽錯。」
的確聽到唔洗放學都要面對呢種尷尬氛圍確實鬆左一口氣。
「啊! 差唔多夠鐘啦。」我竟然係到搵藉口盡快結束呢餐飯。
唉，我究竟搞咩?
明明以前對住柔柔都唔會咁。
睇黎又要問問子欣大師。
我趁住轉堂既空擋捉住子欣。
「你而家當我詢問處呀?」
「咁你想點呀? 子欣姐。」
「嘿~」子欣姐奸笑。
「雪糕? 燒賣? 蛋糕?」我死死地氣咁問佢。
「我樣樣都想食，諗到話你知~」
「咁我要唔要等你食埋先問得?」
「咁又唔洗，我記住數先。」
我將我既問題講左比佢知。
「點解我會突然唔可以對柔柔暢所欲言?」
「你真係要請我食野先好喎!」子欣驚死我呃佢咁。
「咁係因為你對佢既想法唔同左，自然對佢既行為同態度都會唔同。」
Umm….
的確我一路當佢只係朋友式者妹妹既關係，所以講野無咩顧忌。
但當我承認我真係中意佢就唔同晒。
說話各方面都會就住就住。勁講野而令到佢討厭我。
「你大膽啲啦! 唔係要個女仔做主動嗎?」子欣彈左我額頭一下。
「我驚嚇走左佢。」我嘆左啖大氣。
「放心，我覺得佢應該都中意你。」
「真的嗎?」我捉住佢對手。
「你放開我先。」子欣尷尬咁fing開我對手。
「sor…」
「之前咪同你講過，如果一個女仔對你無野係唔會成日同你糖痴弄咁一齊。同埋你唔會覺得佢無FD掛?」
子欣所言甚是，睇黎我都你唔了解女仔，錯..係唔了解柔柔先岩。
唉…好想同柔柔一齊放學。
「放學啦仲呆左係到做乜?」子欣拍我。
「諗緊野姐。」
「做乜諗野?」
「你做咩講粗口?」
「我意思係問你係到諗緊咩!!!」子欣好大力咁拍左我一下。」
「我走啦，你自己係到呆坐。」
子欣就走左。
肥森、阿謙同家樂行左過黎。
「一起走?」肥森問我。
「當然可以。」
「你今日終於單身可以一齊走。」家樂諷刺我。
「長毛呢?」難得齊人無理由唔搵埋長毛。
「佢應該同我妹一齊。」
「咩話? 長毛想溝你呀妹?」家樂勁大聲叫左出黎。
家樂係果日放學有左個兒童不宜既ending。
而呢一日都係歡笑下完結。
好似好耐都無試過同佢地一齊放學。
回想呢一年發生既事 – 樂遙、卓芝、柔柔、學界比賽。
其實最後我會唔會變左傷害柔柔?
其實我都唔一定要同柔柔一齊姐。
番到屋企樓下果陣見到個著住校服女仔坐左係到。
無估錯應該係小學校服黎。
佢抱膝，雙手遮住左個樣。
「妹妹，發生左咩? 爸爸媽媽呢?」我拍拍佢膊頭。
佢個身震緊仲發出抽泣聲。
應該喊緊。
我坐係佢隔離拎出今日食晏買既朱古力。
「你唔好喊，我請你食朱古力。」
我將條朱古力放左係佢冷衫袋。
「嗯。多謝。」佢仍然妖埋佢個頭。
「嗯，唔洗容氣。」
坐係一個喊緊既小學女仔隔離，感覺好奇怪。
身邊既人都開始用奇怪既目光望住我。
好想走，但無理由就咁dum低佢。
佢突然企左起身望住我。
「我走先啦，多謝你陪我。」佢講完就跑左去。
我黎唔切應佢，但佢已經跑到好遠。
家下啲小學生應該好大壓力。
佢走左之後，我都轉身回家去。