某天我脫毒了，走上了情聖之路: 第十九章 - 考試
分手後過左一星期，感覺無咩大不同。
可能係我同佢無咩點出街既關係，分手前就已經習慣番單身既生活。
二來可能係已經漸漸步入考試，大家都專注係溫書到。
我同樂瑤既事亦都好快被人淡忘左，只係我每次搵長毛都會避忌啲。
「走啦小狼。」放學既時候肥森拉埋我一齊走。
「聽日就考試啦，我想溫多陣。」心血來潮想留低溫書，所以拒絕左肥森。
我一個人步入學校既圖書館，果然臨近考試圖書館變得熱鬧起黎。
搜索位置果陣，離遠見到柔柔都坐左係到。
其實我真係覺得我同柔柔好鬼有緣，去到邊都撞到。
「唔該，呢到有人坐嗎? 」我企左係柔柔隔離問佢。
「Er…..無呀。」佢表現得好唔願意。
不過柔柔就係果陣唔係好識拒絕既人黎。
柔柔仲未察覺到係我黎。
「阮芯柔同學，你真係好可愛。」我哄去佢耳仔邊細細聲講。
佢登到對眼大一大咁望過黎，但當發現係我時候，佢塊面紅過蕃茄。
我向佢微一微笑，佢就光速令番個頭向住本書。
可愛指數真係爆晒錶!!! 欺負柔柔永遠都係一種樂趣。
「你係到做咩?」柔柔問。
「跟蹤你囉。」
「下…..」又面紅，呆左咁望住我。
「我黎溫書咁岩見到你之嘛。」見到佢hang晒機咁，我都唔玩佢。
我地溫到六點圖書館收既時候就動身離開。
「今日又無帶鎖匙要爸爸接?」我揶揄佢。
「唔係囉，我純粹想溫書之嘛。」
「夜啦，我送你番去啦。」
「六點幾，邊到唔夜?」柔柔講。
「對於一個咁可愛既中一女仔黎講已經好夜嫁啦。」柔柔最後都係嗌我唔羸，只好答應比我送佢番去。
由於夜左巴士既班次都減少左好多，所以我決定同佢行落山搭地鐵。
寒風彷彿包裹住整個寶馬山，凍到柔柔不斷擅抖。
我除左自己件外套，披左係柔柔身上，用外套頂帽笠住柔柔個頭。
「有無好啲?」我問柔柔。
「你又想病呀?」
「我病好過你病啦。」
「下? 唔好啦。」我右手兜過佢後頸，手爭放左係佢右邊膊頭，右手撫摸佢頭頂講。
「唔緊要啦，大哥哥要保護妹妹嫁嘛。」
「嗯。」佢點左下頭。我同佢並住肩行落山，我時不時都會整蠱下佢。
佢最多都係『喂也!』咁叫，唔會點樣反擊。
「到地鐵站，唔凍啦。」佢遞番件外套比我。我拎番件外套。
同佢一齊既時光真係覺得好開心。
如果所以永遠都咁樣係埋一齊就好。
「小狼，送到呢到得啦。」去太古站既閘口佢同我講。
「咁好啦，聽日見。」番屋企既途中不斷回想我同佢之間既時光。
飯後，我忍唔住wts app卓芝，分享佢聽我同柔柔既事。
「威啦! 又有新女女。」卓芝覆我wts app。
「我當佢呀妹。」
「當人呀妹又會興奮到咁?」我又比佢疾到無聲出。
「你中意點講就點講啦。」我無奈咁覆番佢。
「咁你係咪對人有意思姐?」
「可以話係中意既，但似係對妹妹果種多啲囉。」
「真唔真呀? 我見你地好緊張大家。」
「佢得中一，我點會真係中意佢?」嚴格黎講，佢連育都未發。蘿莉育成計劃咩!?
「其實你都唔係好大個。」其實我係咪真係中意柔柔呢?
由第一次見佢已經對佢印象好深刻。
每次都好想再見到佢。佢既笑容，總係為我心情帶來一股暖流。
我總係好緊張佢既一切。同佢相處總係無憂無慮。
佢可愛臉容，總係令人可見猶憐。
柔柔，我真係中意左你嗎?
算! 唔諗! 溫書緊要!!!!!
溫書既時候，都會不其然同卓芝、柔柔佢兩個wts app。
其實大家唔好誤會，我唔係果啲要讀到好叻既人黎。
我為求升班唔好跌落最差果幾班就得。
「終於考完第一科!!」肥森又係到咆哮。
「考完第一科姐，洗唔洗咁興奮。」家樂又嫌命長咁串佢。
考完之後我又走左去學校圖書館溫書，因為直覺話比我聽，柔柔都會出現。
但出現既，竟然係家楓同卓芝。
「估唔到你都會咁勤嫁喎。」家楓一見到我就走埋黎挖苦我。
「咁岩無野做姐。」我淨係想盡快灑走佢。
「好啦，我唔阻你無聊啦。」
呢位男神其實對所有人都好好，不論男女靚醜，但唯獨淨係睇我唔順眼。
所以佢對我同對其他人既態度係截然不同。
鬼叫我同佢女朋友咁熟咩。呢個醋神緊係視我為佢既眼中釘啦。
換個角度睇，其實我係佢天敵，專門誘發呢位男神既黑暗面。
家楓克意坐係我前面張枱，周不時仲曬下恩愛。
你媽b我又唔係中意你條女，又唔會呷你醋。
呢到無人爭你既主權，唔好再騷我啦頂。
係我頂唔順到想爆粗之際，我望穿秋水既救星終於到!!!!!!!
柔柔係門口周圍望，好似搵緊野咁。
我無揮手，因間原來佢唔係搵我，我就柒爆。
柔柔開始向我呢邊方向行過黎，但佢似乎仲未搵到佢搵既人。
佢每行一步就失望一步。就好似當你走入鋪頭搵你想買既野，你越係行一步就少一份希望。
直至佢望到我，佢個樣就開容番。
但我估唔到佢真係黎搵我。
「小狼! 我都估你係到嫁啦。」柔柔彈下彈下咁走過黎。
「同學，圖書館內請勿喧嘩。」圖書館管理員好惡咁同柔柔講。
柔柔好驚咁呢埋係我後面。
「傻妹，坐啦。」我令轉身安撫柔柔。
柔柔好快好乖咁坐低左，開始拎啲書出黎溫。
佢好似想講野，但唔敢出聲係到死忍。
「你再唔出聲講野，個口會臭到生蟲。」
「下? 真係嫁?」柔柔好細聲咁講。
「呃你咋。」
柔柔鼓起胞腮不滿我又整蠱佢。
谷到好似魔人布歐噴煙咁。
我留意到卓芝同家楓時不時都會望過黎睇我同柔柔。
家楓仍然笑笑口，但卓芝唔知點嗱埋晒口面。
好似好不爽我同柔柔玩得好埋咁。
「小狼小狼，我好肚餓啦。」柔柔捉住我前臂。
「咁執好野去食飯。」
「嗯^v^」柔柔好開心咁點左下頭。
「不如我地轉去其他自修室溫。」一路出校門，我一路同佢講。
「無所謂呀，你話事啦。」柔柔果然好聽話。
其實我只係唔想再比家楓佢好望住。
我同柔柔食完飯之後就去左鰂魚涌既自修室。
好好彩我地竟然霸到位。我同佢坐低左之後都無再玩，好專心咁溫書。
我溫溫下就訓著左。
柔柔，我真係中意左你嗎?