某天我脫毒了，走上了情聖之路: 第十八章 - 告別式

「小……小……小狼!!!!!!!? 」樂瑤驚訝咁大叫。

我仲係無出到聲。

「小狼你聽我解釋。」

其實我無出聲，等緊你講。

「小狼呀! 你聽我講啦。」佢仍然哀求我聽佢講。





但其實我乜都無做到，只係等緊佢出聲。

「其實我咪唔出聲等緊你講囉。」我終於忍唔住。

但其實有乜好解釋，都斷正啦。

「我同佢係好細個就識既朋友，因為好熟所以偶爾會拖手。」佢解釋。

聽到尾果句，我真無名火起。





「同埋你咁耐無搵我，我先搵第二個陪。」佢繼續解釋。

佢好成功將所有責任推卸晒去我到。雖然我真係有唔岩，但唔等於佢所做既野係完全合理。
我真心唔想同佢嗌。

「咁你同你朋友繼續行街啦，之後既事之後先再講啦。」我假笑左一下。

第一我覺得嗌黎無意思，第二條街咁多人我唔想比人放上網。

講完之後，佢地就行左去。




抽離左件事之後，我奇怪點解唔見左一路追住我既晴晴。

「岩岩果個咪係你女朋友?」晴晴突然唔知係邊彈出黎。

「係呀。你岩岩去左邊?」

「如果我出現埋，只會令事情更複雜。因為佢借啲意話你都偷食就仲煩。」

晴晴真係好聰明，竟然一下子可以諗到咁遠。

「咁佢係咪請你飲橙汁? 」晴晴繼續講。

「我諗係，仲要係綠帽牌。」

雖然已經拍到想分手，但點都有種被騙被出賣既感覺。





「我想番屋企。」我同晴晴講。

整整下我都無晒心情留係條街到。
晴晴怕我做傻事，死都要送我番去。

「你有需要既話就打比我啦。」我入大廈前佢同我講。

我口頭上應承左佢，但就算我有幾唔開心，我都唔會打比佢。
坐左係梳化到郁都唔郁。嘗試忍受呢份背叛既痛，好好品嚐呢杯橙汁。
學達哥話齋，真係好撚酸好撚澀。

我打左比肥森訴苦。佢叫我分手唔洗諗。

「佢自己衰左都可以將啲責任推晒落你到，仲要講到自己應份咁，飛撚左佢啦! 」肥森係電話好激動咁講。





就算肥森唔講，我都會同佢分手。
我決定今晚就講!!!
食完晚飯我都準備好心情就打比佢。
打左好多次都無人聽，應該係避我電話。
但我又唔想wts app講，我覺得呢啲野親口講比較好。
結果我成個假期都搵唔到佢。
可惜除左柔柔之外，佢既朋友我一個都唔識。
無計可施底下，唯有番學校講。

呢幾個假期就除左溫書之外，我就係到度講稿，希望將傷害減到最細。
我番到學校就係肥森、長毛佢地幾個商量對策。

「Lunch講最好，我果班lunchtime最少人。」長毛建議。





「你確定佢果陣係班房?」我問佢。

「因為佢一食完飯就會同佢兩個朋友係班房傾八婆野。」長毛呢個八公仔果然乜都知。

食完飯，我地就展開作戰計劃。
長毛出盡辦法洗開佢兩個朋友，我離遠偷望入去。
但見到情況唔太樂觀，長毛引極都引唔開兩條女。

「屌! 不如我衝入去叫樂瑤出黎算啦。」我同肥森、阿謙同家樂講。

「唔好傻，果兩條女一定知你係黎講分手而唔比樂瑤出黎。」阿謙伽利略上身。

呢個時候奇蹟出現。樂瑤自己行左出黎，去緊廁所方向。
機會黎啦飛雲!!!! 我立即就跑過去。





「八婆! 請尻我飲橙汁!! 」我兜巴車埋去。
當然!!!!!呢一切係我幻想出黎。

我跑過去，拍一拍佢膊頭。

「樂瑤，我有啲野想同你講。」

樂瑤雙眼通紅，一路遙頭一路向退。

「我唔想聽! 」樂瑤飲泣大叫。

「對唔住呀分，我地都係分手啦。」我終於狠狠咁講左出黎。

樂瑤大聲係到喊，佢兩位姊妹都衝左出黎扶住痛哭緊既樂瑤。
佢地示意我快啲走，我就轉身離去。
當我離去既時候，我竟然流下一滴男兒淚。

「小狼。」行到樓梯口既時候，見到柔柔係到。

我向佢微笑左一下就無理佢繼續行，我實無心情同人講野。
始終都叫一齊過，縱使情意不再濃，但總有一絲既感情。

柔柔跟到我上班房就離開左。
肥森佢地都無騷擾我，由我自己靜下。
唯獨卓芝係我隔離嘈淵巴閉。
當我望去佢果邊，準備鬧佢既時候。
佢講左一句鍋心既說話。

「我永遠都會企係你果邊。」佢哄到好埋好埋咁同我講。

而時間，再係呢一刻停止左。
佢眼裡只有我既倒影。