某天我脫毒了，走上了情聖之路: 第二十章 - 試後角落
****「再見啦，嵐嵐。」****
「醒啦小狼!」柔柔拍醒我。
「sorry唔小心訓著左。」我捽一捽眼。
「你訓到發開口夢囉。」發夢? 岩岩發既夢好似唔知幾時都發過一次。
但唔太記得個內容講乜，只係記得果種心痛。
同依稀記得有一個對我好重要既人要離我而去。
「喂。」柔柔見到我呆晒就拍下我。
「噢，攰得制tim。」我係到傻笑。
「咁不如番去。」
「溫多陣啦。」我同柔柔講。
溫溫下書收到卓芝既wts app。
「仲話你地無野?」
「咁岩一齊溫書姐。」我覆佢wts app
「佢一入圖書館就衝過黎你到，你地仲唔係約埋一齊?」
一言驚醒愚昧人!
今朝柔柔行入黎既時候並唔係第一時間搵位坐。
雖佢係搵緊野，但一定係搵緊人，因為當時空位有好多，用不著望咁耐去搵。
雖則佢有嚴重既選擇困難症。直至佢係見到我先無再兩頭望。
所以佢特登黎撞我既可能性好高。我望一望柔柔既方向，咁岩佢都望左過黎。
我忍唔住用住手搣左佢塊包包面一下。
軟綿綿得黎仲好滑好有彈性!!!!!
真係好似綿花糖!!!
「嗯>.<」可能大太力佢嗯左一聲。
「Sorry，係咪好痛?」仆街，佢塊面比我搣到紅晒。
「唔痛呀…」佢摸住自塊面。
望真啲，原來佢唔係比我搣到紅晒，而係怕醜果隻面紅。
「以後我會搣細力啲。」我對住柔柔講。
溫多一個鐘我地就離開，畢竟柔柔唔可以成日太晏番屋企。
我番到屋企既時候，仍然係一個人都無。
家姐去左補習同溫書，父母又要番工。
所以完全無溫書既意欲，直接登入左召喚谷。
直至屋企人番黎先開始溫番書。
你試下你考試期間仲係佢地面前打機，睇下佢地煩唔煩你。
不過我呀爸呀媽天生係大喇叭，基本上嘈到溫唔到書。
成個考試期間就係咁過，每日考完之後就同柔柔去自修室溫習第二日要考既科目。
考完試果日我無同柔柔一齊，我同肥森佢幾個去左打機。
係網吧打完再各自番屋企連機再打通頂，完全進入忘我狀態。
早知唔打通頂，番到學校好似虛脫咁。
一坐埋位我就撻左係張枱到。
隱約見到肥森佢地幾個都同我做埋同一個動作。
「琴晚做偷黎?」卓芝問我。
「琴晚同肥森佢地幾個打機打通頂。」
「仲以為你同你個柔柔搞到咁夜tim。」
「咪傻啦，我同佢有咩搞?」
「點知你地呀，唔講唔知仲以為你兩個拍緊拖tim呀。」
「我同佢只係兄妹關係。」
「兄妹洗唔洗日日都去自修溫書呀?」
「我同佢咩關係其實關你咩事呢?」我開始唔耐煩。
「無! 想你小心啲唔好亂黎姐。」
「小姐你又唔係我女朋友，你咁緊張擺撚呀?」唔夠訓已經特別燥，仲要比人煩。
卓芝咩都無再講，拍左一下枱就衝左出去。
「望咩姐? 未見過女人有親戚探呀?」
「望你比車車死呀!」條友突然勁串企起身指住我講。
我一句「你老母臭西!」成張櫈車埋去。
個男同學掩住個頭係到呻吟。
肥森同阿謙出盡力禁實我。
「無事，無事，呢個係為慶祝考完試既特別表演黎。」家樂嘗試幫我打圓場。
其實家樂啲行徑有啲似”狂野時速”果個好多野講既黑鬼。
肥森同阿謙見我冷靜番啲就放番開隻手。
家樂就幫我拎番張櫈番黎。
「唔該家樂。」我同家樂講。
「客咩氣，我係你地大佬黎嫁嘛。」家樂再一次不知天高地厚。
「肥森你地應該無力再禁住我嫁可?」我奸笑住咁同肥森阿謙講。
「哎呀! 隻手好酸軟呀!」肥森大聲講。
「做野啦。」阿謙講。我捉實左家樂對手。
家樂不停係到遙頭。
「Hey boss! Let’s play with the corner!」我用英文好大聲咁同家樂講。
肥森同阿謙一人捉住佢一隻腳。
全班都係到起哄!!
「Corn爆佢!! Corn爆佢!! Corn爆佢!! Corn爆佢!! Corn爆佢!! Corn爆佢!!」
卓芝咁岩一番到黎就見到我地準備corn家樂。
佢望一望就知道發生咩事。
「Corn爆佢!!」卓芝都參與起哄。
可惜就Corn到佢既時候，竟然響起課堂鐘聲。
家樂就一臉執番身彩咁樣逃跑番去自己個位到。
但我同肥森阿謙打左個眼色，食完飯之後就會處決家樂。
呢幾日番學純粹為派卷同對卷，但又要番全日勁麻煩。
講番處決家樂單野先。
食晏既時候我地好好咁比家樂話事。
家樂好單純，佢真係唔察覺呢餐係佢既”最後一餐”
即係TBB啲死囚死前會有雞脾食咁解。
家樂食得仲鬼死咁開心，佢心情好好咁番到班房。
當佢見到班房異常地齊人既時候，佢再笑唔出。
肥森既號召力果然驚人，一個wts app即刻齊晒人。
家樂試圖強行突破，但無運動細胞既佢根本無可能突破到校隊皇牌後衛同跆拳道黑帶既防線。
我同肥森推左佢落地。家樂不斷各我地求饒。
「人黎! 行刑!」肥森號令我地。主帥一聲號令，我軍蜂擁而上。
「Corn爆佢!! Corn爆佢!! Corn爆佢!! Corn爆佢!! Corn爆佢!! Corn爆佢!!」角落軍勢號大。
因為太哄動既關係，其他班都黎左食花生。
我地都好快手就將家樂搬到去班房道門到，
我地張開佢對腳，撞落去到門到。
當佢對腳夾住左道門之後，就將佢個上下咁郁。
「啊!!! 你班禽獸!!」家樂不發出厲既慘叫。
「大力啲! 撞爆佢春袋! 條褲唔磨爛咪比佢走! 」隱約聽到有人咁講。
呢班死契弟完全無人性到一個極點。
磨到咁上下，肥森眼見家樂啲EQ差唔多用晒就停左班禽獸。
「你班粉皮出賣我!!!」家樂係咁屌尻我地。
我同肥森阿謙係咁笑。
不過兄弟就係咁，你整下我我整下你，但又唔會真係嬲大家。
諗起三年後要同佢地各散東西真係好唔捨得。
放學既時候，見到卓芝一個走。
「喂! 你個家楓無同你接你放學咩?」我拍一拍卓芝膊頭。
「佢番左鄉下兼去旅行下啦已經。」卓芝嘆氣。
其實番埋幾兩三個星期就放新年假。
加上家楓鄉下並唔係係中國其中一達地方。
佢每逢新年都會番澳洲。
所以卓芝一到新年就會好寂寞。
只係我無諗過今個新年會改寫我同佢之間既命運。
「你個柔柔呢?」卓芝問我。
「柔柔不是我的。同埋佢都有佢既朋友。」
「真係好，可以有自己朋友。」家楓一路以黎都管得卓芝好嚴。
卓芝既世界淨係可以有家楓存在。
「難得佢唔係到，你陪我行一陣可以嗎?」
「哦，好啦。」我同佢本身都幾熟，就算同佢行下都無咩大不了姐。
我忍唔住用住手搣左柔柔塊包包面一下。