某天我脫毒了，走上了情聖之路: 第十七章 - 綠帽橙汁?

佢坐左上我大脾上面攬住我。
作為一位雄獅，又點會無反應。
我用我緊餘既理性將佢搬番落黎。

「你唔中意? 」樂瑤悲傷咁問我。

「你咁既身材點會唔中意。」

「咁點解………?」





「既然大家感情都淡左，無謂一時衝動而做呢樣野。」我無等佢講野。

佢dup低左頭，沉默地表示認同。之後佢就離開左我屋企。
我無送佢落，唔係因為病到無力，而係我唔想再糾纏落去。
我覺得我同佢既關係，應該要走到盡頭。我執番好間屋，就番左房訓。
自此之後，我同佢關係進入冰河世紀，無再搵大家。
生活同以前單身果陣無分別，只係多左柔柔咁解。

呢個時候應該係同柔柔培養感情既機會，但我無咁做到。
因為呢啲非常時期，好容易令人誤會柔柔係拆散我同樂瑤既兇手。




所以我柔柔都保持一段距離。好快就放聖誕假，假前既最一日亦即係聖誕聯歡，我都無同樂瑤走。
只係去左同肥森佢地去踢波，不過我覺得咁樣仲開心。
也許呢後感情就這樣逝去比起一刀切更好。踢完波之後我同肥森坐左係足球場旁邊傾計。

「放假有咩做? 」肥森問我。

「無呀，打機同溫書囉。」

「樂瑤呢咁? 」





「唔知佢喎。」

「我唔係問你知唔知佢有咩做! 」佢敲左我個頭一下。

「好痛呀!」

「你成個假期都唔諗住搵佢? 」

「睇下點啦。」

「唉，點解你地會搞成咁? 」肥森嘆氣。

「我都唔知，可能大家都只係一時衝動呢。」

「你捨得呢份感情就咁逝去? 」





「的確有唔捨得，但又唔想去挽回。」
「我地對戀愛只係有種好奇、有份期望。也許我同佢純粹為拍拖而一齊，根本唔係真心中意對方。」我繼續講。

「你真係諗清楚? 」肥森再問我。

「嗯，一齊都無意思。」因為要番屋企食飯，我地都無左傾落去。

聖誕假正式開始，放縱既毒撚生活再次展開。
不過久唔久都要溫下書，鬼叫放完聖誕假無耐就要考試。
但我無諗過呢個假期會發生到我預想不到既事情。
大概十二月二十三日我收到一個無save既電話number。

「喂，狼哥! 二十五號有無野搞? 」對面既女仔聲講。





「你係……? 」我問佢。

「我係晴晴呀!! 」原來係晴晴打黎。

「你點會有我電話既? 」

「你咪理，咁你二十五號得唔得閒? 」

「得呀，做咩? 」我好疑惑咁問佢，驚佢整蠱我。

「耐無見咪約下你囉。」最後我地約左二十五號既十二點出銅鑼灣見下面。

之前都有提過我同晴晴係細個係公園到識，後來我要搬所以先少見左。
對於同晴晴出街我又無乜特別既期望或幻想。
可能因為細細個就識掛。況且佢都唔會揀我呢啲小柒頭。




平安夜我無出到去，淨係留左係召喚峽谷。
我都忘記左果晚收集左幾多個人頭。
仲以為今年會有個不平凡既平安夜。
點知有女朋友都係要一個過。
唔知佢係到做緊咩呢?我拎部電話出黎諗住wts app樂瑤睇下佢做緊咩。
但我為乜要搵佢? 只想解一時既寂寞?
最後我都係放低電話。

聖誕既晨光將我曬醒左。
我捽一捽眼，原來琴晚不知不覺咁訓著左。
我望望個鐘，仆街! 十一點!
我即刻衝左去廁所刷牙同洗頭。
求其換件衫著件褸就移左出門。
好彩我屋企去銅鑼灣唔係好遠，頂盡遲十分鐘。





「喂，係邊? 」我打比晴晴。

「係地帶門口等。」佢好爽快咁指示我。

行到去地帶門口，見到有一個著長窄腳牛仔褲加一件深藍色既有帽拉錬外套。
嘩! 同我襯到一絕。因為我都係咁著，只係牛仔褲唔係窄腳。

「大佬! 」晴晴見到我行緊過去。

「喂! 李海晴!!」我拍打佢手臂。雖然咁耐無見，佢依然仲係咁男仔頭。

謹次於女神既樣貌，極粗魯既動靜。
如果我遲幾年先識佢，我諗我一定會中意佢。
可惜識太耐，已成兄弟。我地行完地帶就去左搵野食。
我問佢點解約我，佢話佢好得閒無野做咪見下我呢個老朋友囉。
唔記得講晴晴佢係單身。

「小狼我好急尿呀!!!!」佢扯一扯我頂褸帽。我同佢食完野之後去左行世貿。

女人去廁所真係好鬼耐，我成個傻佬咁望住個廁所門口。
突然電話響起。家樂?

「喂! 小狼小狼!! 你要冷靜啲聽我講! 」家樂好緊張咁同我講。

「你講啦。」肯定家樂又想整蠱我。

「我見到樂瑤同個男仔拖住手咁行街。」

「哦。」我無佢咁好氣。

「我講真! 」

「咁你係邊見到佢?」

「sogo，行緊去世貿。」

世貿? 咪即係依到!?
我同收左線，我就向世貿門口行過去。
咁岩晴晴都去廁所出黎。

「你去邊呀? 」佢一路追住我一路問我。

但我無理到佢。一直行一直行。
我個心好亂。明明講過大家已經感情不載。點解會有呢種心酸?
唔通我真係中意左樂瑤?
個心好痛，個人行得越黎越快。
當我行到電梯口，我呆目若雞咁停左係到。

「小……小……小狼!!!!!!!? 」









「我地對戀愛只係有種好奇、有份期望。也許我同佢純粹為拍拖而一齊，根本唔係真心中意對方。」我繼續講。