某天我脫毒了，走上了情聖之路: 第八章 - 飯局

我不斷回想朝撞到果位女同學。
唔知我同佢有無緣份呢?
自己一個係堂上FF到嘴角含春。
「你做咩係咁係到淫笑? 」卓芝伸個頭黎同我講。

見佢問，我又想搵人分享下。
我將成件事講左比佢聽。

「死變態，中一妹妹你都岩。」佢大聲到周圍既同學望晒過黎。





「你咪咁大聲啦! 更何況我又唔係要做啲咩，我淨係覺得佢可愛之嘛。」
因為緊張得制，我一手掩住左佢個嘴。
原來佢塊面好滑好彈，個嘴仲好軟。
唔知係咪我錯覺，我好似feel佢錫左我手一下。

「黃少朗!!!! 咪係我堂上玩強姦! 」卓號”臭口王”既數學科王sir大叫。

佢之所以叫臭口王係出名講野衰格，又講晒粗口，佢唔會好似其他老師咁扮斯文。
做人真誠係佢做人原則，雖然口臭但對我地每個都好好。





我聽到臭口王咁講之後，我就即刻放開手，而其他同學就當然望晒過黎。
而卓芝就紅都臉晒咁眼甘甘望住我。
為免尷尬，我將個頭令番去黑板，避免有不必要既交流。
「你唔同左好多。」卓芝見我無出聲就同我講。

「個樣靚仔左囉。」我望過去笑一笑。

「你以前好驚女仔，更加唔會主動觸碰女仔，更唔會提啲咩愛情野。」卓芝有小小激動。
其實我好唔明白點解佢會講呢番說話。





「無論發生咩事，我永遠都係你果個小狼。」我再一次向佢微笑。

佢只係甜笑左一下就再無講野。
而我心中只係祈求唔好有人將呢單野報串比家楓知。
因為我仲想係呢間學校生存。
不過我仍然好在意佢岩岩果番說話。
聽落去好鍋心，感覺我係佢心入面佔左一個重要既位置。

數學堂之後就係lunch，因為數學堂要分班上堂，所以要番班房放低啲書先出去食。
卓芝當然同家楓食，我就緊係同肥森，仲有幾位同班同學，家樂同阿謙一齊出去食。
當我放低書既時候，有人大叫我

「黃小狼! 有女搵你呀! 」家樂大叫。
多得家樂，我又成為全場焦點。





「喂! 」我行到班房門口，有人大聲叫折停我。

「噢，係你呀? 」死火! 突然醒唔起佢叫咩名。
「你搵我做咩? 」我繼續講。

「一齊食飯? =3=」佢嘟起個金魚嘴問我。

「Er……」我望一望後面班兄弟……
「偽毒可恥! 」
「偽毒可恥! 」
「偽毒可恥! 」
佢地既眼神好似識send msg咁。

「行啦! 」樂瑤捉住我手腕拉左我出去。
第一次比女仔捉住我手既感覺……




『怦…怦怦』心跳突然加速。但有種說不出的不安。
畢竟無啦啦比個唔熟既人捉住行個感覺好差。
我慢慢咁鬆開佢隻手。
「你想食咩? 」行出校門既時候我問佢。

「耀文茶記? 」

「好呀。」

去到茶記坐低睇食咩既時候，竟然比我見到家楓卓芝。
「你同女朋友一齊食飯? 」家楓走埋黎問我。
我顯然見到卓芝有啲不爽。

「我同朋友食之嘛。」我馬上就澄清我同樂瑤既關係。





「咁不如一齊坐，多啲人熱鬧啲嘛。」家楓平時唔主動同我同枱食飯。

呢個舉動真係呀豬呀狗都知啦。
一來想話比我知卓芝係佢女朋友。
二來想比卓芝見到我同第二啲女性朋友都可以好fd。
你可以話我機心重。但我只相信家楓為左卓芝咩都會做得出。

成餐飯家楓不停係到講野，又係樂瑤面前係咁讚我，而樂瑤係咁撩我玩同講野。
不過樂瑤笑上黎真係好似GEM。
我周不時都有望下卓芝，發覺佢成餐飯總係悶悶不樂。
好想問佢咩事，但家楓又係到，都係上到班房先問佢。

番到學校之後，家楓死都要送卓芝番班房。
「咁我送樂瑤番班房。」我同家楓講。
樂瑤好開心，對眼發晒光咁望住我。




我唔係真心想送佢，我只係廢事眼冤。

「Woo!!!!!」當我地行到班房就傳黎一陣歡呼聲。

「拜拜。」樂瑤笑左一笑就轉身番左入房。

我向佢揮一揮手拜別佢之後，就有個人係佢班房衝出黎。
「小狼!! 」長毛衝過黎捉住我手臂，拉埋我一二邊，
「你果次係咁問我野，你唔係想溝佢丫嗎? 」長毛問我。

「你咪遲住，我要上番去，我放學再同你講。」
長毛無奈咁碌番入班房。

一番到自己果層就比肥森佢地係咁審。
我將成件事講番比佢地知。
「係咪家楓叫條女埋黎身，等你有女就離遠卓芝咋? 」阿謙柯楠上身咁講。

做完一個無結論既討論之後，我番埋撩坐係我隔離既卓芝講野。
但係我點撩佢都無出聲，好似嬲左我咁。
我都無乜癮，無再理佢。都唔知佢嬲乜。

放學既時候，我都同長毛交代番成件事。
「佢既行動好明顯係對你有意思喎。」長毛講。

「咁我都有啲好感既……」我答佢。

「咁你會唔會試下? 」長毛問。
長毛呢個問題問得好好。
佢個人咁開朗，同佢一齊應該幾開心，加上又幾靚女。
但愛情……真係有得試嫁咩?




愛………可以試嗎?