某天我脫毒了，走上了情聖之路: 第十三章 - 問題

我完成左我果場賽事之後無留低睇餘下既賽事，成隊一齊入更衣室狂呼。

「小狼你臨尾果球係咪就係傳聞中令入正選既果招神技? 」阿豪問我。

「秘密，想知就問肥森，當時佢都在場。」我將個波卸比肥森。
我就即刻執野走，畢竟家有賢妻等緊我。

「樂瑤! 」我一出更衣室就見到佢。

「小狼。」佢好熱情攬住我。



「行啦，唔好咁夜番屋企。」

「不如我地今晚食埋飯先番去。」

我無拒絕樂瑤既請求，因為陪女朋友食飯係好正常既事。
不過距離食飯時間仲有一段時間，所以我同佢去左太古城行街。
因為樂瑤屋企人唔比佢拍拖所以好多時候我地就只可以靠番學放學見下面。
就連星期六日我同佢都無咩出去拍拖，加上佢又多朋友，好自然星期六、日既時間都比晒朋友。我真係名副其實咁陪佢行。基本上我都係一路喂住佢行。



可能因為我實在太宅，根本唔知條街有咩好行。
我頂盡都係識Nike、Adidas、U記同H&M果啲。
但其實贂黎睇去咪又係果啲，都唔明女仔點解可以行咁多次都悶。好彩佢行果陣都有同我講下野。
佢講下佢果啲FD，我又講下我果啲。
雖然行左個幾砍個鐘，但佢完全唔累。
究竟女人因為行街可以去到幾盡?
同埋可能我又踢完波既關係，我真係頂唔順。

「樂瑤，我肚餓啦。」



「咁行埋呢間就去搵野食。」又行多左20分鐘先上去大食代搵位食野。

我虛脫咁坐左係個位到。

「你去買先。」我扮晒好有風度咁講。

佢答左一聲「好」就走左。我諗佢終於覺得肚餓。
於是我拎部電話出黎望下。

原來卓芝wts app過我:「你有無事呀?」唔知點解心入面覺得好涼。
究竟係因為有人關心我而暗爽，定因為關心我既人係卓芝而令我爽爽呢?
本來想應佢，不過都係算。
始終同佢有番啲距離好啲。

「我番黎啦! 」樂瑤買完野食番黎。



佢坐低左我之後我就衝左出去。
實在太肚餓! 我諗到無諗就衝左去蛋包飯果間野到。
落完單之後，我就靜心等拎野食。
環觀整個太古城food court，令我回想起三個月前既事。
唔知佢而家點呢? 仲有為左我同佢既事而傷心嗎?
離遠望望樂瑤，其實能夠相愛真係一種緣份。
緣份無諦結我同卓芝，反而令到我同樂瑤一齊。
也許我應該要珍惜。

「467．」「467．」「467．」「467．」「467．」「467．」

我諗野邐得太入神，我完全聽唔到叫緊我個取餐number。

「黃小狼係咪唔食飯呀!!!? 」有個女仔大叫。



我個心離一離。望過去取餐果邊。

「晴晴!!!!!!」我大叫。

晴晴同我差唔多高
(我中三既時候大約得160-162高)，佢又唔係去到好靚果種但好識打扮同襯衫。所以顯生出另一種氣質。有人話係仙氣，但我唔覺囉。
佢係我仲讀緊小學既時候係公園一玩巴女仔。但搬左屋企就好少聯絡，只係之前係街撞到，交換左FB，如果唔係都認唔到佢。

「比錢果陣又睇我唔到，叫你又聽唔到，又盲又龔無鬼用。」佢指住我黎鬧。

「無見咁耐仲係咁鬼殘雞。」

「你再嘈唔好食飯，食屎啦。」佢真係頂級殘雞。



周圍既人都鴉無雀聲望住晴晴。晴晴都自知太惹人注目，於是就退後兩步，揮手叫我走。
我拎番我個飯番去我既樂瑤身邊。

「咁耐既? 」原來佢等埋我食。

我放低左個飯走去佢既旁邊，單手托住佢下巴，係佢額頭吻左一下。

「我會好好珍惜你。」我向佢微笑。

「白痴嫁咩大庭廣眾咁講野。」佢面紅紅咁講。

雖然佢咁樣野，但從佢個樣睇得出佢係好受落。
我地兩小無猜決定食完飯之後去行下海旁。

我終於都可以拖住女仔行開海旁啦!!!!!!



「你做咩係到淫笑? 」佢發現到我淫笑。

諗得太投入不知覺笑左出黎。

「覺得可以拖住你行海旁開心到笑左出黎姐。」

「口花花。」佢撓住我隻手挨住我膊頭講。

行到攰，我地就坐低左，談死風生。
也許熱戀中既情侶就係咁，坐埋一齊，簡簡單單就已經好開心。

「小狼，我想問你一個問題。」

「你問啦。」
女人來來去咪又係問我中唔中意佢果啲。

「其實……你覺得柔柔點? 」

我屌!!! 問埋啲咁既野，我點答呀!?
女人問得呢條，即係佢感覺有啲問題。
等等! 其實我同柔柔又無咩越軌行為，只係………
老實講，我有時確係覺得柔柔更細心更似一個女朋友。
我仲好記得我比人炒完芥蘭，佢衝落場睇我有無事。
柔柔確係比到一種溫暖既感覺我。
佢既笑容總係有治癒既能力。
佢臉蛋總係可見若憐。

「柔柔都係一個幾好既朋友黎，應該幾有義氣。」

「佢真係幾好。」

「作為女朋友你都唔差。」我摸一摸佢個頭仔。

我同佢對望，雙唇再次接合。











佢既笑容總係有治癒既能力