某天我脫毒了，走上了情聖之路: 第五章 - 逃脫
「有呀，咁又點?」肥森問。
「我見到有三個個樣好似黑色三連星既女仔望住我。」我驚恐咁望任住肥森佢地 。
黑色三連星係咪由三個燕橫肥既麻甩佬組成既三人組。
「咁爆!!?」長毛恥笑我。
「不如走啦咁。」肥森笑住講。
「咁好似好衰咁喎。」我心有愧疚咁同佢地講。
老實講，我只係十五十六。
當我講完呢句既時候，就收到希希既電話。
「喂?」
「喂，我地到左啦，你地係邊呀?」希希開心雀躍聲音真係好暖心。
「我地而家係太古城中心果個出口。」
「噢，你地上黎zara門口就見到我地嫁啦。」
收左線之後我地三條友就上去。
而我懷住戰戰兢兢既心情上路……
上到去我見到Zara門口企左三連星係到，我忍唔住轉舵向另一個方向逃走。
呢個時候，肥森同長毛意識到我笠晒水，
就一人鉗住我一隻手，夾生拖我去Sara門口行刑。
正當我被拖行既時候，我見到三連星向我走近………
「小狼? 我係希儀呀。」
「嘿……」肥森隱約奸笑左一下。
我真係好想用天馬流星拳打爆肥森條死磨碌!!!!
「Hi………」點到好，禮貌上都要打個招呼既……
「小狼~我肚餓呀。」希希又用佢果把聲黎講野。
我屌!!!簡直係聲音欺騙案!!!
「你想食咩?」
「屌，佢想食撚左你。」肥森係我耳邊細細聲講。
我跟手就鬆左佢一㬹，示意佢收聲。
「大食代?」希……希儀答我。
大食代即係太古城H&M果層既food court。
搵到位之後，我地示意佢地三個女仔買野食先。
佢地走左之後，我立即抱頭痛哭。
「中間果個都ok呀。」長毛講緊既野希希。
「O咩K呀，佢個額頭仲大個壽星公果個呀!!!」我開始控制唔到我既情緒。
「狼哥，未睇個相你都夠膽溝完再約出黎，你不如當解放軍啦。」肥森講。
果頭講完呢頭黑色三連星再度現身。
「寶少，你三粒星番黎啦。」肥森繼續抽水mode。
佢地三個好開心咁坐低左之後，我地三個就分頭去左買野食。
我當然係買我最中意食既蛋包飯!!!!!
正當我行番去既時候，我離遠見到長毛同佢地傾得好開心。
我心諗: 「長毛咁受落，佢地中意長毛就好啦。」
說時遲，那時快，我已經坐番係長毛隔離。
「咩原來你係學校咁kai嫁?」希希指住我講。
小喇叭條仆街仔又講我壞話。
當肥森番到黎既時候，見到我地幾個有講有笑。
「喂，相處得唔錯呀，諗諗佢吧！」條陰濕仔又係我耳邊細細講。
我終於忍唔住呢條死磨碌係咁抽水，我一掌就星埋去，佢成舊雞噴左落人地到。
「Sorry!」肥森見整到人就道歉。
食食下既時候，希希不斷製造話題想我開聲講野。
但其實我仲有食慾已經好叻嫁啦，唔好逼我啦。
我無辦法低下，我開始講一啲佢地入唔到既話題。
我地三個都係高達迷，於是我地勁講高達。
肥森同長毛都意會到我既目的，都非常配合我。
突然!!!希希講左句:「口渴tim!!!」開始想伸手拎我杯可樂既時候，
我用比獅子座艾奧里亞更快既光速，一手拎起杯可樂，成支飲筒隊左落長毛個口到。
長毛好識做到咁吸左一啖可樂。
希希見我杯野有其他人飲過，只好知難而退飲口水。
但餐飯就食完，我見佢兩個朋友好似想用方法令我同希希獨處。
所以一定要諗方法甩身。
「小狼，你地因間有咩做?」
希希一問，令我打左個突。
事關我仲未諗到甩身方法。
「睇戲。」坦克肥森再度降臨!!!!
「係呀，我地幾個買左飛睇戲。」我唔會浪費肥森呢下完美樸救。
「哦，你地睇咩戲?睇幾點?」希希神色轉黑咁問我地。
「Avengers，3:30，不過無晒位。」長毛你係亂up定你一早check左?
「噢，咁由佢啦。」我諗希希應該係對班復仇者無興趣。
換轉係你，有心死跟既話點會唔要求一齊睇?
「係喎!我地都差唔多要行 。」長毛望望錶。
之後起行並拜別我人生中既經典: 黑色三連星。
拜別之後，我地去左UA睇下有無飛買。
「嘩!!3:30真係有avengers喎!!」我驚訝咁望住長毛。
「其實我本來諗住今日睇。」原來長毛真係有備而來。
三個男孩子一齊睇avengers都係一種浪漫黎既。
睇完套戲我地都各自番屋企，去到地鐵站既時候，肥森好認真咁同我講
「如果你真係對人已經無意思就講清楚佢，唔好拖，越拖只會越傷。」
我印象中，肥森係無戀愛經驗。
就算無都知感情既野，越拖真係會越傷。
我番到屋企就wts app希希
「Sorry呀，岩岩要睇戲，dum低左你地。」其實我真係好虛偽。
「唔緊要，套戲好唔好睇?」
「好呀」
「原來你真人都真係幾怕醜嫁喎。」
「係呀，毒撚丫嘛。」
「唔緊要啦，我中意咪得囉」
我諗起肥森既說話「越拖只會越傷。」
於是我鼓起勇氣。
「對唔住，我真係唔值得你中意。」
我……真係好內疚。
「我明白嫁啦。」
「其實……你都唔係第一個。」希希繼續wts app我。
其實我單單係一個毒撚，仲係一個又毒又賤既狗公。
「Sorry ah」
「嗯……」之後佢就block左我。
無論係網絡世界定現實世界，我都再無見過佢。
只係係日後既女朋友中輕輕聽到過呢個人既消息。
對唔住………梁希儀