某天我脫毒了，走上了情聖之路: 第四章 - 黑色三連星?
傾完電話之後，大約係朝早六點幾。下晝大約兩點幾佢wts app我。
「我好掛住你呀!!!!」
呢個wts app令我更加肯定我已經得米!!!!只差我地未親口確立。
「我地傾左成晚電話咁快掛住我?」
「唔得咩?」
「只係奇怪點解你無啦啦咁掛住我呢個毒撚姐。」
「咁朋友掛住朋友都好正常姐。」
「你話點就點啦，不如打番陣機?」
Send wts app之後我同佢就登入左某某神域繼續打機，一直打到夜晚十二點幾。
「好攰啦!打到眼殘」我係game入面同佢講。
「我都係，想教教豬><」
我地講完早抖，佢就off左line。
而我都攤上張床到準備搵結衣。
點知電話又響起。小喇叭!!邊义個咁夜打黎!!!
原來又係希希打黎，仆你個街，你唔係女我實屌爆你!!而家口爆你就算數。
「喂?」
「對唔住呀，我訓唔著想傾電話 。」把聲嬌嗲到唔識形容 。
「做咩事?」可能真係眼訓，所以燥燥地，同埋係我既世界入面，阻訓教者，有如屌我老母，做我老豆。
「我係咪阻住你?」
妖!!知你又打黎?
「唔係呀，我岩岩都想搵你。」
「但你岩岩把聲燥燥地喎。」我意識到佢比我岩岩果句嚇到。
老實講，我燥起黎真係幾得人驚。
「聽完你把聲之後連廿四味都唔洗飲。」
「下?」
「把聲甜到下晒火，清熱解燥。」
「嘿，傻瓜。」
「傻妹。」比佢叫左咁多次傻瓜，我決定反擊!!
「其實…..我都開始中意左同你傾電話。」
「我仲以為你會覺得我好煩tim」
「Er…..一開頭都覺既，不過傾傾下又幾岩傾。」
「唉，我都估你覺我煩嫁啦，上次又燥底鬧人。」
係喎！上次因為佢打黎嘈醒左我，揹到我唔小心話左佢一句。
女人果然對呢啲野好敏感。
「唔係呀，上次燥燥地係因為我比家姐嘈醒，唔關你事。」
「真係?」
「就算真係你嘈醒我，我都唔捨得嬲你。」
「你真係。」
我越黎越想知佢係咪中意我，我好想拍拖。
我從來無見過佢個樣。
呢段時間我不斷幻想佢係點既樣。擁有一把咁甜美聲線既女仔，佢個樣會係點? 我真係好想知。
於是我決定直接問佢!!
「我有樣野想問你。」啟動! 認真模式。
「下?」
「我想問呢……其實……你係咪中意左我?」
一片死寂……………
唔通真係我諗多左……
小喇叭!!!我竟然忘記左毒撚最忌有自信。
「其實我講下笑嫁咋，哈哈!!!」頭盔模式+打破沉默之錘!!!!
「Er……ummm」
死啦!!佢開始支唔以對。呢個係拒絕既先兆。
據我多年睇大台既經驗，一定無錯!!!!!
「其實……」佢又再開聲。
「得嫁啦，我明嫁啦。」有時自己收擋，總好過人地收你皮。
「其實你幾時知我中意你?」
WHAT!!!??我用左幾秒時間去思考我有無聽錯，定係我開始產生幻覺。
「你……真係中意我?」
「係呀!!!!!」
“啪!!!!!”
「發生咩事!!?」佢驚惶咁問我。
「我以為自己發緊夢咪星左自己一巴囉。」
「傻瓜，痛唔痛呀?」
「你錫番咪唔痛囉。」
我地甜蜜傾左一個晚上。佢有問我中唔中意佢。
我都表明左我對佢有好感。
既然大家都有好感，咁無理由長時間都唔見面。
雖然佢諸多推搪，但都最後我地都決定相約係兩日黎既星期六見面。
因為佢有啲緊張既關係，佢想搵多兩個fd陪佢。
咁我都無理由單拖赴宴，
於是我決定一起身就wts app肥森同長毛陪我落油鍋。
我一起身就開左個wts app group。
我:「肥森，長毛我有搵要你地幫拖!」
肥森: 「終於浦頭啦咩? 有咩事要小狼哥求我地呀?」
我係wts app group到敍述番我同希希既事，並且搵佢兩個幫拖。
我地繼續個group到延伸呢個話題
長毛: 「有花生食我實到!!!!!」
我: 「提子就有得你食!!」
肥森:「其實有咩事上黎，你真係避唔到嫁喎。」
我估唔到一向吊兒朗噹既肥森會咁正經講野，而唔係抽水。
我地最後都無傾到啲咩逃生方案就散左會。
轉眼間就到左約會既一日。
我整左個小豬頭，T-shirt，牛仔褲+ air force。
我地男子組預先相約係太古地鐵入面既”紅碌堂”等。
「嘩!你邊位?我唔識你嫁喎。」肥森一見到我呢個脫毒look就呆目若雞咁講野
「都話左我轉q左型像。」
「一轉look就溝到女，我都要轉!!!」肥森摸住下巴咸咸濕濕咁講野。
「不如我地趁時間未到企係到估下邊個係你個希希。」
「長毛呢個提議唔錯，我和議。」我表示認同長毛。
我地三個係到周望。望左大約二十分鐘。
我發覺有三對眼離遠望住我，然後好快咁搭電梯上左太古城。
「肥森、長毛，我好似見到佢啦。」
「係邊?」肥森一路周圍望一路問我，成個痴漢咁。
「點嫁?咩樣嫁?」長毛問我。
「你地有無睇過原祖高達既TV動畫?」
「有呀，做咩?」長毛仍然好冷靜 。
「你見到馬西(紅慧星馬沙個妹妹)?」肥森開始激動上黎
「唔係呀，你有聽過黑色三連星?」