某天我脫毒了，走上了情聖之路: 第三章－朋友

自果次傾完電話之後，雖然無再傾第二次電話。但就每日都會從不間斷咁wts app。
我同佢既關係亦起左微秒既變化。

「唔打啦！」佢係game入面同我講。

「點解唔打？」佢平時會不停chur住打副本致通頂。

「我想訓教啦！」

「咁早？你係咪唔舒服？」佢平時無4點都唔會收手，但而家只係12點幾咋喎。唔通係女人果幾日？





「你咪理我，總之我而家唔想打！中意聽日先打」

雖然隔住個芒，但我都感受到佢果陣“燥”力。女人果幾日………真係好恐佈。

佢off左之後得番我一個。
不過以我既實力單刷無難度，係水方面要食多一兩支姐。

順帶一提，因為我同佢經常出雙入面咁刷副本，公會既人已經公認我同佢係兩公婆，呵呵！
如果真係都係咁，你話幾好呢！？一言驚醒洛克人！既然我同佢既關係咁，點解我唔打蛇隨棍上？




真係將佢變成我既真實fd咪有機會囉！？我頓時覺得自己好蠢。

諗就易姐，要點先可以令佢變成我真實fd？直接約佢？
你知唔知毒撚其中一樣最弱既數值係咩？除左樣以之外，就係“吉屎”！你叫我去拮篤屎可能仲易過約女仔出街！

正當我係到自怨自艾既時候，“暴風雨中的光輝”又再響起
屌！嚇鬼咩，平時得呀媽會打比我，邊個咁夜打黎？未到3點未有夜尿痾喎。
因為細個有通靈眼既關係，所以好怕“果味野”。
正如你真係見過鬼，你真係會怕黑一樣。我戰戰兢兢咁望個芒睇下邊個磨碌咁夜打黎嚇勁我！





咦！？Caster？咁夜打比我唔通有事，不過我決定嚇勁佢！
我拎起部電話禁個綠色掣，係佢出聲之前，我提昇我既魔力，
求達哥借魔力比我洗出一招“毒撚咆哮彈”「轟呀！」
對方使出一招“港女怒吼”！即係尖叫………
呢鋪真係自作自受……

「你做咩無啦啦嚇人呀？」又炆又笑唔知佢想點

「以為你夢遊亂打電話想叫番醒你姐」

「你係咪睇ttb睇太多呀？」

「係啦係啦。咁你做咩打黎，有唔開心？」

「嗯…」突然啟動細路女模式





「有咩唔怕講喎？你願講我願聽。」

「無呀，我見好耐無同你傾電話咪打比你囉！」

「哦！～原有人愛上左同我講電話。」我輕佻咁講出呢段暗爽既說話

「我無野做咋！」又黎傲嬌mode，不過老子就是愛傲嬌！！

冷場左一陣，
「喂！你有無拍過拖？」佢突然問我

「八掛啦你！」

「唉！一睇就知你係食女王啦。」





「說話唔可以咁講，我只係一個小毒撚黎！」

「把口成日浪過油，又Jel晒頭都話自己係毒撚？」佢見到我wts app profile pic張自拍相有Jel到頭所以咁講．

「我只係內毒，你幾時見過我出街？」

「咁又係，你的確日日都係屋企打機，頂盡都係晏晝買個m記番黎食」
佢恍然大悟之後就繼續追問我。

「咁你即係有無拍過拖姐！！！？」

「你做乜咁想知？」

「想知咪想知囉！」





「一係你講我知，我就講番比你知」

「黑人憎！有呀！」

「係！？幾多次？邊個追邊個嫁？」

「你咁多問題嫁！你答左我先。」

「我？話明毒撚又點會拍過拖呢？」

「下！？真係無嫁？你個樣唔似喎！」

「無拍過拖姐，應該有中意人啦掛。」佢繼續追問我





我求其咁敷衍左佢幾句，話我以前好毒，好快就比人拒絕左，無咩特别。

「你成日話你以前好毒，不如你send張相黎睇下。」

「咁你check wts app。」我見佢都好接受我而家個樣，send比佢睇應無問題掛。

即係你會唔會因為波多野結衣同上原亞衣以前係豬排而唔會再J佢？

「嘩！！你整過容？」佢睇完張相之後，超驚訝咁叫左出黎。

「有整到容就唔會咁既樣啦」

「其實你都幾慘，因為樣太毒比人block所有野連fd都無得做。
但你而家靚仔左咁多，唔怕無要人啦！如果性格再外向啲，分分鐘變埋食女王。」

「就算我變到幾靚仔都好，我都唔會玩弄感情囉，我始終覺得女仔唔係用黎玩，係愛黎錫。
如果我有幸真係拍到拖，我一定會好錫我女朋友！」

「做你女朋友真係好。」


「你有心既話，本大爺可以考慮下=__,=」

「我唔中意毒撚嫁喎!!」

「為左你，我願意唔再係一個毒撚。」老老豆豆，我把聲係幾好聽，chok埋聲既話，真係冧到女。

「你…你講咩話?」佢疑惑又帶點怕羞。

「真心既說話，只能講一次。」我繼續冷係深情咁講野。

「唔講就算!!收線啦咁!!」

「凡事總有例外既……」為免佢真係cut線，我唯有就範

「超! 無原則就無原啦你。」佢自己奸計得呈，就開始囂張。

大丈夫能屈能伸，鬼叫而家係我溝你咩

「無計啦，有啲人總係值得同佢講好多真心話都覺得好舒服。」

「口花花!!」

「我從來都唔易信人，莫講真心說話，有時就連一啲自己感受都未必會講出黎。」

可能夜爛人靜既關係，唔小心講左自己既真實感受出黎。

「點解唔信人?」

「因為我唔會再受傷，我以前比自己既朋友杯葛同欺凌，又因為自己個樣被拒於千里之外。令我覺得好挫敗。」
雖然我有好多朋友，但絕少能夠講心事，可能受住今晚既氣氛影響下，令我好想抒發出黎。

「傻瓜，你有我嘛。」佢突然用一把好溫柔既聲安慰我。

我好錯愕，因為從來無人試過用呢種聲同我講野。
呢一下令我心動了，個心跳得好快，唔通……我中意左佢?

「你以後有咩都同我講。」我久未回應，佢嘗試打破沉默。

「咁不如我地唔好只做網友!!今日起我地不如真實既朋友,好嗎?」

呢份溫柔打左入我心到，令我激動起黎。

「好呀!」

「你好!!我叫黃少朗。」一聽到佢既答應，我立刻介紹自己。
其實我都唔知點解我要介紹自己。

「哈哈，我叫梁希儀，你可以叫我做阿希。」
個名都幾好聽。

「我可唔可以叫你做希希呀?」

我覺得用疊字黎個女仔份外有種可愛同親切感。

「無所謂呀，我叫你小狼得唔得?」當佢講完小狼既時候，佢不屑地笑左一下。

唉，果然啲人聽到我個名，就自動將少朗變成小狼。

「Ok呀，個個人都係咁叫我。」

「咁我地以後就係”朋友”啦!!!」佢好開心咁笑左出黎。

「傻瓜，你可唔可以唱歌比我聽呀?」佢一路甜笑一路講。
老實講，我真係比佢既聲線吸引住。

「點解無啦啦想聽?」
佢話我把聲好聽，同埋突然想聽歌。於是，我把握呢個機會唱左首深情既歌佢聽。

找不到人說心裡的寂寞
找不到人懂怕黑的折磨
找不到命中注定在一起的那個人
很多人都像我　一個人過生活

愛只有簡單筆劃　卻比想像複雜
恨安定愛變化　我愛過幾個人
也被愛過幾遍　卻還是沒能將幸福留下

愛是不可數的嗎　為何我還相信
它不是獨行俠　我在等一個人
在等我的永恆　告訴我愛不單行別害怕
「真係好好聽，如果晚晚有人唱歌哄我訓就好啦。」
聽完首歌之後，佢成個人冧晒。係我果刻我知道佢已經中意左我。

「傻妹，中意聽，我之後再唱你聽。」

不經不覺我同佢傾到天光。係呢段時間入面，我都唔知佢叫左我幾多次傻瓜。
老實講，係呢次傾談入面，我對產生左大大既好感，而我相信我已經俘虜左佢個心。
 
 
果刻我完全無諗過佢係我第一個傷害既女仔。