某天我脫毒了，走上了情聖之路: 第二章－第一個女仔

up晒啲相之後，再用同一個方法去識女仔。
係識到幾個既，不過唔係我杯茶。玩到悶悶地，就去左玩啲濕勁online game（某某神域）。
多日無on過，公會啲仍然好嘈，完全搭唔到嗲。
招人打副本，班“爛坦”又掛住吹水。唯有組街團打。
等到條頸就黎長過黑腸，終於組到人。成條team都係女角，唔知堅係女角定係死人妖呢….
打既時候，我發覺佢地一定唔係人妖。打到成個新手咁，如果同男玩家打既話一定唔會打得咁辛苦。
之後隊中既女補師Caster密語我「Lancer（我game名），全靠有你咋！」

我：「唔好咁講，你地坦得好又補得快姐」算你識貨！成班豆腐坦、貧乳奶媽，要我打手兼職坦，我水錢都蝕埋。





Caster：「唔係囉，你好似仲硬過個坦咁囉。」

我無應佢，佢繼續講「不如下次都一齊組隊打呀！」

仲有下次？我都想輕輕刷下副本姐。

「得閒都可以打下既。」我無奈咁答佢，太決絕好似好衰咁。

之後我同佢keep住傾下大家玩左隻game幾耐。原來佢地係成班宅女黎，行街行到悶又唔想洗錢，
所以最緊先打機。如果佢地真係成班都係女，我呢鋪仲唔係“桐人”！！






“但原來呢個係噩夢既開始”




自從果次之後Caster佢地轉左黎我地既公會，我同佢都特別好傾，最後仲交換埋wts app。
就算絛打機，佢久唔久都會wts app我。





「今日刷副本＝3＝？」Caster wts app我

「唔啦，煲緊動畫。」

「哦…..」

「做咩？掛住我-v-？」我挑逗佢

「咪自戀啦變態佬- -」

「既然無人牽掛，何必回去那孤寂的世界呢？」

「妖！你on就on啦」

「求我！話掛住我吧！」





「唔掛 唔掛 唔掛 唔掛 唔掛 唔掛 唔掛><！」

「哦……bye」

之後佢就無覆我，
隔左一陣

「我掛住你啦，你快啲on啦」

超！你講一句我就即on我同兵仔有咩分別？我一於等多陣先應佢，加上我睇到最緊張果part，唔想停住。
突然08小隊衝左入去我耳膜－電話響

「喂～」我chok一chok聲





「喂也！識聽電話又唔覆人wts app！」一把扮嬲但又甜既聲音完全攻陷我左邊耳仔。

呢次係我同佢第一次既通話，我真係無諗過佢會打比我。

「Errr…….睇……睇緊動…動畫所以未覆」未到回魂夜，未回到魂答佢野，加上未同女仔講過電話所以好緊張。

「哦….咁無野啦，bye！」

「咪……咪住！」仆你個街，口疾疾tim

「你係咪睇緊h漫呀？」佢疑惑咁問我

「咪痴啦！屋企咁多人點睇呀！？」

「你口疾疾咁，好難唔疑惑你喎」雖然語氣好衰，但把聲好鬼甜！





「我……」講講下比佢搶q左個發言權

「我知啦！緊係毒撚第一次同女仔講電話丫呢！」佢得戚到彷佛睇透世事咁。

「係又點姐？」我惱羞成怒咁答佢

「哎也也！唔好嬲嬲啦，最多姐姐鍚番你」佢呢下挑逗聲令我毛骨悚然悚然，由耳仔直達去另一個頭到！

「……」我完全比唔到反應，呆左係到
全場靜止左大約三秒，我用左二秒時間將啲血谷番上個人頭到，然後再一秒黎冷靜自己同思考如何扭轉戰局！

「唔想錫就算！慳番！」佢見我沉默左一段時間終於忍唔住出聲。

「我可唔可以抱起你黎錫？」我把口快過個腦咁爆左呢句出黎。




死啦你會唔會覺得我變態佬嫁？屌！我做乜尻呀！

「Errr……我想訓教，我地聽日再傾啦。」佢呆左兩秒之後比左咁既回應我。

「哦…咁好啦，早抖啦」

「早..早抖」佢仲疾晒口咁講。唉！奶晒野，毒撚切記有自信！
講咩逆轉戰局呢d on9野姐，而家直秒尻左人地，真係唔方唔玩撚啦。
我自屌自哎咁過左十分鐘。

「叮！」wts app響左一下

「Sorry呀，你突然間咁主動，我一時反應唔到。不過同你傾電話都幾開心，你把聲好好聽。」

Yeah!!!!呀媽我得左啦！！！第一次無囡囡抗拒我！