某天我脫毒了，走上了情聖之路: 第五十八章 - 你的可愛讓我差點忍不住
上學期最後一波既活動完結後，
整間學校都進入考試既氣氛。
我房門傳來一陣敲門聲。
「係！」我應敲門既人。
小櫻小心咁探頭入黎。
「你訓未？」
「未呀，做咩？」
「我有野唔識......」
「你入黎。」
「Errr...」小櫻好似有啲怕醜。
「入黎啦，一係去你房。」
「我入黎啦咁。」
小櫻坐左係床邊。
「你又係到打機？」
「哈....你有咩唔識？」
其實佢咁勤力，分分鐘佢仲叻過我啦。
「呢題我唔識。」小櫻指住條數。
「簡單啦。」
我隨即揮筆解釋左兩次佢聽。
「好叻丫你！！！」小櫻突然港女上身。
「你係邊學番黎？」
「電視....唔中意？」
「唔係咁好囉....」
「咁呀.....あなたは最高です！！！！」
「唔好賣口乖。」
「嘩，你識聽嫁？」
「我咁多年睇動畫既經驗唔係百費！」
小櫻呆左咁望住我。
「你做咩眼定定咁望住我？」
「無呀，睇下你傻下傻下咁都幾得意。」
「咪講到我成個白痴咁。」
「我真係未見過踢波咁勁既白痴。」
「講起真係要多謝你，如果唔係你既話，我諗我唔會再上球場。」
「我都係為自己，只係純粹想睇你踢波既樣。」
「好彩無令你失望。」
「你從來都無令我失望。」
唔知幾時開始，我習慣左小櫻係我屋企，
習慣左佢著住睡群係我屋企周圍走。
更習慣佢成日係我身邊。
「夜啦，你快啲番房訓啦。」
「我都唔眼訓，不如我地傾下計，聽日又唔洗番學。」
「下？夜媽媽好似唔太好喎，我好歹都係個男仔。」
其實小櫻係咪已經當左我係女仔？
「怕咩，我比埋個膽你，你都唔敢啦。」
「咁...傾一陣啦....」
「Yeah! 小狼係最好!!!!」小櫻開心攬住我條頸。
「放......放手，抖唔到氣。」
「對唔住，興奮得制。」
「唔緊要啦，你想傾咩？」
「Ummmm....我想問如果一個男仔中意左個女仔會有啲咩表現？」
「做咩突然咁問？唔通你有左意中人？」
「無。」
「咁你問黎擺鬼。」
如果真係無又點會突然夜媽媽咁問。
「咁傾計嘛，你答我啦。」
「個個人唔通嫁喎。」
「咁就講你會點，應該大同小異嫁姐。」
「我呀.......會成日望住佢掛住佢，秒回佢Wts app，會經常主動搵佢，會願意同佢促膝詳談，咁上下啦。」
「咩係促膝詳談？」小櫻問。
「類似談心咁，即係好似我地而家咁。」
「哦～」
佢哦完之後我頓然覺得自己講錯野。
「我意思係好似我地咁傾，朋友咁傾.....哎呀！你唔好誤會，我無特別意思。」我急忙解釋。
「唉，知啦知啦。我一定唔會誤會你。」
「你明就好啦。」
突然小櫻一臉不爽咁望住我。
「做咩咁既樣望住我？」我問小櫻。
小櫻拍一拍自己額頭。
「無野啦。」
通常呢個時候話無野，即係好有野，
但最慘係唔知發生左咩野。
呢個時候最好就係轉移話題。
「其實點解你突然咁問既？」
小櫻又一臉不爽望住我。
「我最近係網上識左個男仔。」
What!!!?我有無聽錯？
「點解？……咁突然........發生左咩事？」我扮鎮定。
「你唔咁緊張。」
「我無呀。」
我哪有緊張？
「係阿玥教我。」
「佢痴左？」
「你唔好話人啦，係我叫佢教我，我見幾得意咁。」
「你痴左！？」我一掌拍落佢額前。
「好痛呀。」小櫻雙手掩住額前。
我岩岩好似真係大力左啲。
「Sorry啦，睇下有無事。」
「你睇！」小櫻放開雙手。
我用拇指輕輕捽被我拍中既位。
「下次拍還拍，唔好咁大力得唔得？我女仔黎。」小櫻扁晒，真係開心。
小櫻在撒嬌嗎？
佢而家個樣真係可見若憐。
仲埋佢條粉紅色既睡群。
突然覺得小櫻好可愛.......
「我額頭就黎爛啦。」
「哦，呀，對唔住。」
小櫻望住我微笑左一下。
好想搣佢塊粉紅色面珠登！
唔得！我要抽離下，再係咁我實會做錯事。
「係呢，個男仔係點，有無相睇？」
「有呀，佢都幾靚仔。」
「超，睇過。」
小櫻拎電話出黎。
又真係幾靚仔。
不過好熟口面，唔通識得既？
「佢叫咩名？」我問。
「叫Lancelot，無講真名我聽。」
Lancelot？
呢個名好少人用。
「你同佢每日都無間斷wts app？」我問。
「都唔係，好多時候都dead左，大家唔識應大家，不過多數係佢主動搵我。」
咁即係小櫻唔係中意呢個男仔，只係對佢好少少好奇姐。
他媽的，小櫻同咩人一齊關我叉事咩。
「啊！」小櫻打左個啊欠。
「眼訓？」
「嗯。」小櫻好似小朋友咁捽眼。
「乖，番房訓。」我掃一掃小櫻個頭。
「我今晚可以係到訓嗎？」
「你全程攬住我咪比你係到訓囉。」我挑釁小櫻。
我本係開玩笑，
但小櫻真係二話不說攬住左我。
因為太眼訓而無意識咁做？定係佢又想整蠱我？
「咁我而家係咪可以係到訓？」小櫻好似發開口夢咁。
我不是聖人，
見到咁樣既小櫻，我真心諗過不如就咁訓。
但第二日一定唔知點收科。
我輕輕推開小櫻。
「番過去訓好無？」
「又話可以係到訓。」小櫻突然變左bb聲。
你放過我啦。
再係咁，我真係會頂唔順。
「唔得，一定要番自己房訓。」
「嗯！！！！好啦。」小櫻發左一下脾。
佢應該眼訓到非常唔想郁。
結果小櫻死死氣咁番左去訓。
我都上左床訓。
我輾轉反側都訓唔到。
全身都充斥住小櫻既氣味。
滿腦子都係剛剛小櫻嬌柔可人既樣貌。
訓著前既感覺-----其實小櫻好可愛。