某天我脫毒了，走上了情聖之路: 第五十九章 - 慶幸你在我身旁

開眼，原來已經下午十二點。
我好少訓到咁晏，除非我訓唔著。
成晚個心都好唔舒服，完全訓唔到。
我見無晒睡意就出去刷牙。

一出房門就見到小櫻。

「早晨。」小櫻禮貌咁向我打招呼。

腦海突然閃過昨晚既小櫻，




令我不禁尷尬起來。

「早......早晨！」

講完，我就衝左入廁所。
呼吸變得急速。

我搞咩？
點解見到小櫻好似有種唔自然既感覺？





一朝早屋企人已經出晒，
只剩下我同小櫻。

我刷完牙走出廳，
見到小櫻坐左係一份早餐既對面。
明顯果份早餐係為我預備。

小櫻望到從廁所出黎既我。

「我整左早餐呀。」小櫻向我微笑。





腦海又浮現昨晚既佢。

「哦.....」

我身體有種唔自然既感覺。

我坐低並準備享用呢份早餐，
但有種奇怪既感覺，
我枱頭見到小櫻凝視住我。
我竟然怕得立馬低下頭。

「點解你今日好似怪怪地咁既?」小櫻問我。






小櫻起身用手摸我額頭。

「咁興既？你又發燒呀？」

「無，我無發燒。」

「咁興仲話無發燒！？」

小櫻衝入廁所拎探熱針。

「我真係無。」

「咁點解咁興？」

「我都唔知。」





「唔知就擘大口。」小櫻隊支探熱針埋黎。

「唔要！！」我邊跑邊拒絕。

直接跑入自己房同時閂門。

「啊！夾到呀！」小櫻大叫。

我好似夾到小櫻隻手。
我立刻開番門睇下小櫻有無事。

「你點呀？」

開門之際，小櫻二話不說雙手抱緊，口裡咬住探熱針既尾部，




然後將探熱針直接放進我口。


此舉動令我受寵若驚。
從來未試過同小櫻咁近距離。
但小櫻好似未意識到佢既舉動令我十分尷尬。

小櫻放開咬住既探熱針，而針仍然留係我既口腔內。

「而家計時，一分鐘。」小櫻望望鐘。

小櫻專心地望住掛牆鐘。
.
.
.




.
漫長既一分鐘終於過去，
小櫻伸手取去我既探熱針。

「咁高燒既！？」

「下？無可能。」

小櫻遞支針我睇。
果然度數很高。
但明明無病，點解好似發緊高燒既度數？

「但我真係無病。」我繼續向小櫻解釋。

小櫻堅持唔信，要我食藥。

「再探多次。」我要求。

果然今次去番正常既溫度。
雖然小櫻百思不得其解，但佢只能接。

我亦百思不得其解我既體溫會突然標升。
而小櫻岩岩既舉動更令我在意。
令我更無法面對佢，
只要同佢既視線對上就覺得好尷尬。

我食完早餐就番左房同肥森相約在召喚谷。

「咯咯。」

應該係小櫻叩門。

「係，入黎呀。」我無手開門比小櫻。

「噢，打緊機？」

我點點頭。
小櫻一副明白世事既樣子就出番去。

小櫻雖住係到唔長時間，但已經大概掌握到我地一家既習性。
佢亦知道我帶住耳機打機既時候我多數同肥森連緊線。

「岩岩果個係小櫻？」肥森問。

「係，快啲幫拖我就死。」

「趕緊黎頂住，你唔洗問做咩事？」

「唔洗，佢岩岩個樣話左我知佢肚餓，打埋呢鋪搵佢食晏。」

「嘩！一齊住係唔同啲。」

「咪多左一個之嘛，有幾唔同？」

「好大既口氣，有個咁靚既女同你一齊住，我唔信你咩都無發生過。」

「……….」我諗起今朝同琴晚既事。


「喂！你死啦！」

「咩死！？」我大驚。

「我係話你隻人死左呀！」

「係…..係喎……..」

「你相當有嫌疑…….」

「啊，完場…..」

我知肥森一定會追會問落去，
但我都唔知點答佢好，連我而家係點都未知。

「遲下再傾你同小櫻既事。」

我諗我都係走唔甩…….

關上電腦走出廳，已經見到換好衫既小櫻。

「你想出去食？」我問小櫻。

「嗯，我想出去行下。」

「你等我一陣。」

我花費左十五分鐘就整理好意容。

「今日做咩想出去食？」

平時小櫻會自己煮。

「今日無心情煮。」

M到嗎…….？

「我想食茶木呀。」小櫻嬌氣地說。

前文都提過我對食係無乜執著。

唔通佢係因為M到而想食甜野中和下？

行行下突然有個大面係我前方。

「佐佐木小姐你又想點？」

「應該係我問你，又係到諗緊咩?。」

「無，繼續行。」

「奇奇怪怪咁……唔理〜」

小櫻轉身就行係我前面。
望住小櫻既背影，我不奇然地會心微笑…….
我唔知原本，但我當時只係覺得好安心。