某天我脫毒了，走上了情聖之路: 第四十六章 - 櫻
雨水亦一點一滴咁跟隨我既淚水落下。
我帶住小櫻跑去涼亭避雨。
雖然個身無濕透，但個頭就濕晒。
小櫻繼續表現出水芙蓉。
我拎紙巾比小櫻抹抹個頭同身。
小櫻解開佢條馬尾。
放左頭髮落黎既佢有另一種味道。
「做咩又呆左? 再唔快啲抹就會病嫁啦。」
「係…係。」
「傻仔。」小櫻微笑細細聲講。
「下?」
「無講野呀。」
「哦….咁大雨又無帶遮，應該一段時間走唔到。」
「都好呀，可以繼續借個膊頭比你。」
「喂!!!」
「講笑，你對其他女仔都係咁易面紅?」
「Errr…..」
「嘻，咁你可唔可以講你同果個女仔既故事我聽?」
我將我同柔柔既事一五一十既事講佢聽，連樂瑤同卓芝既事都講埋比佢聽。
「嘩，你都幾犀利嫁喎。」
「咪揶揄我啦。」
「哈哈，雖然你對柔柔既決定係無膽左啲，但某程度黎講都岩既。」
「但我好後悔。」
「都做左啦，不如向前看，向前行搵一個新既位置，卷戀過去唔會有新既產物。」
「咁你呢?」
「我? 之前都拍過一次，覺得佢中意我外表先同我一齊，只係想得到我軀殼，所以我就向佢提出分手。」
唔好講話得唔得到你啦，淨係做到你男朋友都發達啦。
「咁個女仔都幾犀利。」
「點解?」
「要係雲雲男生低下脫穎而出得到你芳心你估易?」
「其實都唔洗特別叻既，真心對我好為我設想已經好夠。」
「個個女仔都咁講，最咪又係中意靚仔。」
「至少我唔係，靚仔本心，通常得個睇字。」
「聽住先….」
「停雨啦。」我望望天。
「係喎，乞嗤!」
「凍?」
「唔係。」
我係袋拎左件風褸比小櫻。
「著住佢先。」
「唔洗啦。」
「著啦。」
我送著左我風褸番屋企。
「你坐邊?」我問小櫻。
「小西灣藍灣半島。」
「搭巴士啦，我送你番去。」
「唔洗，你都濕晒，要快啲番屋企。」
「上車。」我捉住小櫻既手腕。
「你真係唔凍?」
「唔凍呀你著住啦。」
我地係帶點暖意既巴士訓著左。
仲有小櫻一絲絲既洗髮香，總舥得小櫻身上都有陣櫻花味。
好香好甜。如果無柔柔，我應該會中意小櫻。
「黃小狼你流晒啲口水落我個頭到。」小櫻谷到塊面紅晒。
「對唔住，岩岩太好訓。」
「成個頭都係你啲口水。」
我第一次見小櫻呢個崩潰樣。
其實真係好核突，我唔會怪佢有呢個反應。
奈何佢已經按捺住。
最慘係岩岩啲紙巾已經用晒。
「唔講啦，byebye。」
小櫻跑番上去屋企。
唔理咁多，番屋企沖過熱水涼。
第二朝訓醒，果然真係病左。
無辦法，只好請病假。
我sd左一個簡單既wts app比嵐嵐以防佢又係到等我。
我︰「今日病左，你唔好等我。」
阿媽放低左錢比我睇醫生就番工，
家姐飛左去外國讀書，睇怕都要靠自己。
我睇完醫生食啲食藥就訓著左。
直到有人撳門鐘。
我一打開門就見到兩個人企左係我門口。
「死得未呀黃小狼?」嵐嵐一開口就咒我。
企係嵐嵐後後面既係小櫻。
「你有無好啲?」小櫻問我。
「食左藥好左好多，入黎先講。」
「打搞晒。」小櫻真係好日本咁入屋真係叫一叫。
「你地坐一坐飲杯水先，我去梳洗下。」
「自己黎得啦。」
「有無可樂?」
「自己開雪櫃拎。」
呢個嵐嵐真係老實不客氣。
我刷個牙洗過頭就出左去招呼佢地。
出左廁所之後聞到好香。
有人係廚房煮野食?
行去廚房果陣見到嵐嵐拎住罐可樂成個麻甩佬咁坐左係廳睇電視。
我都估到唔會係嵐嵐嫁啦。
行到入廚房，如我所料，真係小櫻係到煮緊野。
果然係半個日本女生!!!!
「你出去坐等我黎啦。」我指示小櫻。
小櫻推走我「病人就應該出去坐。」
「但過門都係客。」
「我嬲嫁啦。」
「好啦...」
我坐左係嵐嵐隔離。
「點解會咁?」我問嵐嵐。
「咪就係呢個麻煩既女人知你病左就跟住我番屋企。」
「佢又知你同我住同一棟?」
「我點Q知。」
「咁所以你就帶左佢黎。」
「係呀煩。」
「咁你可以走啦。」
「我點可以番低你地一男一女，點知你會唔會對人地做啲咩?」
「你覺得我唔會連你都......哈哈。」
「變......變態，連我未發育都唔放過，你遲多兩年我都唔怪你!! 戀童怪魔。」
「你真係信?」
「你個樣又麻甩又咸濕，會做呢啲咩出奇!!?」
嵐嵐跑向小櫻「小櫻姐姐，小狼佢變態嫁!!」
「喂!!黎若嵐!!」我衝前截住嵐嵐。
我同佢打成一片。
「黎若嵐咪亂講野!!」
「救命呀條精蟲獸性大發呀!!」
「你兩個搞咩呀?」小櫻伸個頭出黎。
「救我呀小櫻姐姐...」
「佢都病緊你就唔好玩人地啦。」
「咩喎，咁佢個樣on99咁咪整下佢囉。」
「好心你唔好講咁多粗口啦，生得咁靚都無用。」
「咩喎...即係識幫住小狼。」
「小櫻呢啲先係人話。」我拮嵐嵐。
「哼! 恰人既，我夠鐘番屋企啦。」
「咁晏，你屋企又鬧你。」
「都係你唔好。」
「知啦，走啦。」
嵐嵐走左之後得番我同小櫻兩個人係屋企。
「我岩岩煮好。」小櫻遞左碗粥比我。
「真係唔好意思呀...」
「係我自把自為要煮之嘛，趁熱食。」
「好好食呀!!!」
真係無諗過呢個年紀既女仔會有咁既水準。
果然係受過日本教育!!!!
「慢慢食，咁樣會噎親。」
「噎死都抵呀。」
「咪亂講野啦。」
「你唔食既?」
「我唔肚餓呀。」
「買材料啲錢幾多呀?」
「唔洗啦，當係賠罪。」
「賠罪?」
「因為你借件風褸比我先病。」
記得好似以前都發生過同樣既事。
上年冬天我都試過借件褸比柔柔，
之後又好似而家咁病左。
佢仲係咁問我有無事。
如果柔柔知道我而家病左，唔知會有咩反應呢?
「小狼?」
「對唔住我又諗野諗到入晒神。」
小櫻行過黎我身邊攬住我條頸。
「做.....做咩? 咁樣會傳染你。」
「我唔介意同小狼有同一樣既病，同一樣既痛。」
「下? 點可以整病你?」
「小狼你內心總係一個人，縱使有肥森有家樂，但你咩收收埋埋唔想人擔心你，然後由得所有人誤解你。」
「肥森同家樂都理解我，其實佢地知。」
「真係?」
「係呀。」
「咁我可唔可以知埋一份呀?」
「你唔係已經知道啦咩?」
「唔只以前，連以後既事都係。」
「點解咁想知?」
「因為係你。」
「點解要係我?」
「唔想講。」
「我只係諗唔明，你又係咁，卓芝又係咁，柔柔又係咁，遲下可能連嵐嵐都。」
「我唔知佢地點諗，起初到你啲傳聞我都好討厭你，因為我唔中意玩弄感情既男仔，但上次話你知聽我利用你就唔同左諗法。我認為你一個用心聆聽既人，即使你知我利用你，但你願意聽出我背後既原因而唔嬲我，仲介紹朋友我識，如果唔係我根本無咁快融入到學校。所以我覺得你都好值得被人了解，被人守護。」
「我呢種人真係可以咩?」
「唔係可唔可以，而係我既選擇。」
「多謝你小櫻。」
「以後發生咩事都可以同我講。」
「我好濫情，你唔怕我會中意你咩?」
「咁到時我都中意你咪得囉。」
小櫻真係好善解人意，
我都好想自己去中意佢，
既善解人意，又煮得一手好飯。
仲要美若天仙。
可惜我心入面已經有柔柔，
縱使我地已經無再搵對方，
什或已經好少見面，但我仲感覺到自己仲中意佢。
人離開了，感情還在。