某天我脫毒了，走上了情聖之路: 第四十五章 - 安慰
我介紹左阿玥比小櫻識，無論食飯同放學都一齊。
當然有好多唔同班級既男同學都想據小櫻為己有。
可惜比小櫻一一拒絕曬。
好多女仔都欣賞佢靚得黎又唔擺架子。
唔會因為自己就隨便收兵叫男仔幫佢做呢樣果樣。
雖然仍會有人係佢背後講佢壞話。
但大部份人都對佢好評。
我仍然無同柔柔有咩聯絡，
久唔久會係校內碰到面，
但都只係點頭打個招呼，
柔柔點完頭仲會急急腳咁行開。
其實佢好似想避開我咁。
至於嵐嵐….
唉…..
佢幾乎每一日都係大廈門口等埋我先番學。
我好唔明點解佢一要搵。
我更唔明點解又係中一妹妹對我做啲咁既野。
仲要係一個勁爆粗既中一妹妹。
「餵，起身啦。」我叫醒伏係我膊頭既嵐嵐。
「未到呀，訓多陣。」
「醒啦!!醒啦餵!!」
「都話未撚到囉!!!」
識爆粗即係表示醒左。
「你啲口水又流到我成件冷衫都係。」
嵐嵐捽捽眼「邊有成件姐，淨係個膊頭姐，比我訓多陣。」
嵐嵐講完之後又挨落黎。
「你仲好意思講!你咪咁爛訓啦。」
佢無理我，依然挨落我膊頭到。
我退後，佢成個頭撞左落張櫈到。
「屌你老母訓下都唔得。」
「落車啦，訓。」
嵐嵐登大對眼推開我跑落車。
但佢竟然無拎自己書包就落左車….
我落到車之後，佢已經跑到好遠。
咁岩小櫻係我後面。
「早晨，點解你帶兩個書包既?」
「早…早晨，個書包唔係我嫁。」
「等我估下，係女朋友?」
「咪玩啦。係嵐嵐嫁。」
「成日同你一齊番學果個中一女仔?」
「係呀，佢無拎書包一枝跑左落車。」
「咁搞笑，通常呢啲行為都係啲女對爸爸先會咁做。
「下? - -」
「講笑講笑，不過一個女仔唔會成無端端同一個男仔一齊番學。」
「下話，唔講啦，我仲要拎番個書包比佢之後番上去抄功課。 」
「一齊。」
我同小櫻一齊去到嵐嵐既班房門口。
「黎若嵐你個書包呀。」我係門口叫嵐嵐。
成班中一生都好驚訝咁望住我之後係到議論紛紛。
「嘻，都估到你會拎番比我。」
我彈佢額頭「我奉旨幫你拎嫁?」
「咪咁小氣啦小狼哥哥。」
「我唔受呢套，本狼我緊要野做，bye。」
「係咪同後面個女仔拍拖番班房?」
「嵐嵐!!!」
「嘻~嘻我番入去先啦。」
嵐嵐搞到我同小櫻巧尷尬。
小櫻塊面由櫻花色紅到變左蕃茄。
係呢種氛圍下竟然係樓梯口撞到柔柔。
柔柔驚訝咁望住我，又望下小櫻。
「早晨。」
柔柔拋低句早晨就走左。
睇黎佢真係好唔想見到我。
「岩岩果個就係傳聞中既女仔?」小櫻問我。
「傳聞中?」我RR頭。
「傳聞話你上年同一個中一既女仔好熟，仲拍埋拖，但暑假就比你飛左。」
「個傳聞無錯，只係濃縮左成件事。」
「咁你仲… ..」
「到班房啦，遲下再講。」我打斷左小櫻既說話。
「咁遲下再講。」
「你做咩同小櫻一齊番學嫁?你兩個咩關係!!?」家樂又係到大吵大鬧。
家樂全日就係咁問我同小櫻係咪有新進展。
又問我係咪連嵐嵐都一齊溝埋。
我答唔係，佢又唔信。
放學既一刻，小櫻係佢個位到衝過，
捉住我前臂，拖左我出校門，
期間有唔少奇異目光。
「去邊?」我問小櫻。
「因間你就知嫁啦。」
小櫻奇奇怪怪咁捉左我去搭車。
無論我點問佢，佢都唔肯答我，淨係話去到就知。
不過佢咁拉我出黎聽日實比人係咁問話。
我望望小櫻，雖然係佢拉我出黎，但佢好似好緊張咁。
最後佢帶左我入一間拉麵店。
「點解帶我黎呢到?」
「你坐低先。」
「聽講你好中意食拉麵，呢間係我爸爸開既拉麵鋪分店黎，隨便食，我請。」
「唔洗啦，咁樣唔太好。」我企番起身。
「你坐低食啦。」
「好好，你講個原因黎聽下先，始終無功不受祿。」
「當係答謝你介紹左阿玥我識。」
好明顯小櫻係到講緊大話，把聲都震埋。
「我接受呢個原因。」
「咁你快啲坐低叫野食啦。」小櫻好開心。
「日本人係咪好中意請人食拉麵?我見啲動畫成日請人去食。」
「都未必既，只係日本有好多拉麵店又平又好食又唔洗點等位。」
「原來係咁。」
「快啲食啦。」
呢間店既拉麵真係好好食，果然係源自日本。
我一口氣食左兩碗。
食完果陣發覺小櫻係到眼甘甘望住我。
「我食到成面都係?」
「唔係呀。」
小櫻一路望一路微笑住。
搞到我心如鹿撞，唔知點好。
「係咪好好食?」小櫻問我。
「係…..sor岩岩食到忘曬我，唔小心食左兩碗，我自己比番一碗得啦。」
「唔洗啦，唔通去自己鋪頭食野都要人比錢咩。你當比下面我囉。」
「咁好啦….」
「你唔洗太介意，你想食我地可以再黎。」
「真嫁!!!?」我心心眼。
「嘻~」小櫻好甜咁笑左一下。
「對唔住呀我又忘曬形。」
「我就係欣賞小狼既直率。」
好….好興…成塊面都好興…………
「小狼?」
「係!」
「你塊面咁興既?」小櫻摸一摸我塊面
「岩岩食完面熱熱地姐。」
「我叫佢教大啲個冷氣。」
「唔洗啦，食完不如出去行下。」
再留係到我真係驚心臟病發死。
「去邊呀?」小櫻問我。
「番屋企，你仲有地方想去?」
「係呀，你可唔可以陪多我一陣?」
「可以。」
小櫻今日搞咩，又請我食野，又叫我陪佢。
唔通佢想溝我!!!?
我地步行去維園。
小櫻間中對住我微笑，講下佢係日本既野。
入到維園之後佢坐左係個鞦韆上面，成個小朋友咁。
但原來佢係唔識自己打….
「小狼你可唔可以推我?」
「原來你唔識打?」
「係….係咪好咋?」
「唔係呀，好多人都唔識。 」
「哎，唔好咁高。」
「sor….」
「係呢…..你仲係咪好在意今日個女仔?」
「你指柔柔?唔係啦。」
「我真係?我見你見到佢之後就無曬心機。」
「真係唔關事。」
小櫻突然落左鞦韆，轉身面向我。
用雙手托住我面。
「唔好再自己呃自好嗎?」
「無呀。」我望地避開小櫻視線。
小櫻強行將我視線拉回去佢雙眼。
「唔辛苦咩?」小櫻溫柔咁問我。
鼻頭微微酸一酸。
小櫻堅定既雙眼話緊比我知，我唔講佢係唔會放我走。
「其實我真係好辛苦……」
講完呢句之後，我既眼淚不自覺流左出黎。
聲音開始沙啞。
無錯，我真係好辛苦。
我真係好掛住佢。
眼淚好似收唔到掣咁。
小櫻將我個頭放左係佢膊頭。
「覺得辛苦就喊出黎啦。」
雨水亦一點一滴咁跟隨我既淚水落下。