某天我脫毒了，走上了情聖之路: 第四十七章 - 完 -
病左之後我同小櫻感情大躍進。
我同男生既友情就大倒退。
皆因我成為左女神最FD既男性朋友。
同時都有好多人想巴結我，套我小櫻中意啲咩。
嵐嵐都同往常一樣成日煩住我。
我每日仍然盼望見到柔柔一見。
可惜緣份呢樣野，真係會玩得你透徹。
而晴晴都係澳洲番黎，仲吩咐我去接佢機。
「更新下你狀況。」晴晴問我。
「單身。」
「hea我?」晴晴扭我耳仔。
「痛……」
我將呢段時間發生既野略略講佢知。
「唔洗柔柔啦，直接要左個小櫻啦。」晴晴決斷咁講。
「我仲中意柔柔。」
「廢。」
「係啦係啦。」
「不過個嵐嵐好有可疑。」
「你連個人都未見過就話人有可疑?」
「明明佢係柔柔表妹，但竟然成日搵你而唔係憎你。」
「佢成日拮住晒，都唔叫憎?」
「如果真係憎你就唔會成日同你番學啦，見多你一面都想死。」
「雖然我真係有諗過佢點解要跟住我。但無結論。」
「不如搵日星期一我黎接你放學會一會個嵐嵐驗證下我估既野岩唔岩。」
「驗證咩?」
「星期一你就知。」
完全睇唔透晴晴諗緊咩。
如是者到左星期一，我全日都神不守舍。
無啦啦比人接放學，我啲傳聞一定更加勁。
「小狼今日一齊走?」小櫻問我。
又黎?上星期已連續三日一齊走。
再係咁我班FD切左我都似。
加上今日晴晴係到….
「今日約左人，聽日呀。」
「你有野瞞我。」
「無呀。」
「係呢幾個月既觀察你啲微動作已經大約掌握到你咩時候係講大話。」
「哈哈……..」
「行啦。」小櫻捉住我隻手。
成班男生又擺出一副飲恨既野。
「女人! 同我放開個男人!!」
我果然無估錯，一經過中一樓層就遇到嵐嵐。
嵐嵐誇張既語調又引黎一堆視線。
我心裡只係希望晴晴遲到。
如果嵐嵐見到晴晴一定好大反應。
至於小櫻…..諗唔掂啦!!
「小狼!!」晴晴竟然攬住我頸。
做…做咩事呀!!!!!
晴晴平時唔會咁做。
仆街啦，全校都仇視緊我。
點解無啦啦會變左後宮故嫁!!!!
「放開我先。」我從晴晴既懷抱爭扎出黎。
「呢個又係咩女人黎嫁?」嵐嵐指住晴晴。
「一個發左育既女人。」
呢樣野值得拎出黎自豪嗎?
「初次見面，我叫佐佐木櫻。」小櫻遞隻手出黎。
「果然真係好靚女，我叫李海晴，叫我晴晴就得啦。」晴晴回應小櫻。
兩人握手期間我感覺到佢地之間既暗湧。
我拖晴晴行一行開。
「你搞咩呀?」
「因間你咪知囉。放心交比我。」晴晴講完就行開左
你已經令到我好唔放心….
晴晴行左去嵐嵐身邊。
真係唔知佢有咩用意。
「佢係邊個黎嫁?」小櫻問我。
「晴晴係我細個係公園識既女仔。」
「咁細個就公園撩女仔!?」
「只係咁岩一齊玩所以識到姐。」
「你啲異性緣真係……」
「肥森果啲咪仲勁。」
最後晴晴捉左我落銅鑼灣。
嵐嵐同小櫻都各自番左屋企。
「你今日有咩結論呢晴晴小姐?」
「請我食雪糕就話你聽。」
「好…..。」
晴晴一口氣就食左兩杯。
佢咁大食都可以咁瘦，應該好多女仔都會羨慕佢。
「快啲講啦。」
「柔柔同小櫻你中意邊個多啲?」
「問黎做咩?」
「答左先啦。」
「緊係柔柔啦仲洗問。」
「咁你聽住，嵐嵐其實係柔柔特登安排係你身邊。」
呢個消息令我好震驚。
晴晴繼續說明。
「我岩岩問嵐嵐佢係咪柔柔安排係你身邊，佢愕然咁望住我就知道我既推斷係正確，而且佢係一個唔識講大話既細路女。」
「但柔柔點解要咁做?」
「估計係唔想你消沈落去，所以想嵐嵐黎化替自己，估唔到佢會為你做到呢個地步。」
「咁佢咪一直孤單一個承受一切。」
「睇怕係。」
「我太蠢，竟然一啲都察覺唔到。」
「旁觀者清姐，如果你真係心中意佢就搵佢傾下啦。其實都唔需要做到呢個地步，只會兩敗俱傷。」
「多謝晴晴你。」
「唔洗多，我唔會白食你雪糕。」
估唔到柔柔為我著想到呢個地步。
我一定要搵柔柔講清楚，
我地根本無必要落得如斯田地。
我番到屋企收拾心情就wtsapp柔柔。
我︰「我已經知道左你安排嵐嵐係我身邊既事。」
柔柔隔左一段時都無回我。
我係咪太直接?
唔知柔柔而家係咩心情呢?
第二日既放學去左柔柔班房搵佢。
我一定要講清楚，無論咩事，我已經受唔住無左柔柔既時間。
我唔係需要人去代替柔柔，我只係需要柔柔。
「柔柔。」
「小..小狼?」
「跟我黎。」
「小狼….好多人望，你放開我先。」
「唔得，我唔可以再放手。」
我已經受夠失去你既痛。
我拖住柔柔旁若無人咁衝出校園。
將柔柔帶到去一個公園。
「我已經知道你同嵐嵐既事。」
「嗯。」
「我唔係需要一個代替品，阮芯我只係需要你。」
柔柔碌大隻眼咁望住我。
「我已經唔想再承受無左你既痛。」
「小狼，我聽到你咁講我真係好開心。真係好開心。」
「柔柔其實我仲係好中意你。」
「雖然好開心，但我都好嬲你。」柔柔低下頭。
「下….」
「聽到你咁講我真係好嬲你，但又好開心，因為我都仲係好中意你，但同時都好嬲，因為你真係好自私，你淨係諗你自己，分手果陣又係咁，而家又係咁。你從來自己諗到咩就做咩，完全唔顧人既感受，你今日突然醒起好珍惜我，如果有一日你又醒起一啲事又話唔可以一齊咁點算? 同你分開我真係好辛苦，我真係好想嵐嵐代替我，什至代替我去承受你既感情，嵐嵐比我堅強比我開朗，佢一可以比到小狼你幸福。」
「柔柔我唔會再掉低你。」
「但你已經掉低左。」柔柔已經忍唔住流淚。
「唔係，我一直一直都放左係你心上。」
「你只係單方面比自己知，你有無諗過其實我唔知你心入裡諗緊咩? 其實我完全無心理準備…..什至連預防同爭取既機會都無就無左你。」
「對唔住呀。」
「小狼，我愛你，但我都憎你。」
「柔…柔…..」
「你可唔可以唔好再搵我? 我唔想轉校。」
「柔柔…..對唔住，原來我一直…」
「對唔住呀小狼，我地係到緣盡啦好嗎?」
柔柔無等我答覆就轉走左去。
唔會係真…..
絕對唔會係真…..
我同柔柔明明係命中注定既一對。
無可能會發生啲咁事。
係我….係我一手催毀我同柔柔既感情。
我一直都係到諗自想點。
柔柔一直都聽講，但我一直都無顧佢感受。
一直都無…….
我腦海一片空白。
崩潰到連喊既意識都失左。
呢啲係咪物極必反?
我仍然相信眼前既事物唔係真。
仍然相信柔柔唔會離開我。
「小狼!!!!」
小櫻從攬住我。
「你做咩衝出馬路!?」
(郭師︰讀者們不防幻想下小櫻係亞絲娜把聲，我覺得幾襯。)
回過神黎，原來我不自覺咁行左出馬路，
仲差啲比車撞到，
好彩小櫻及時拉住我。
「小櫻….無啦…..」
「咩都唔洗講，我聽到晒。」
我面向小櫻。
「小…小櫻……」情感突然爆發。
「放聲喊啦，我係到呀。」
小櫻抱住我頸將我頭放係佢膊頭上。
「啊!!!!!!!!!」
我放聲大喊。
我已經唔想忍…係已經忍唔住。
「係我錯，係我一手催毀晒所野!!」
「無人預想到結果會係咁，你已經盡晒力啦，係咪?」
「小櫻我好自私一直只係諗自己。」
「你只係做自己認為岩既事姐。」
「小櫻你根係本係到寵容緊我。」
「只要你開心昸話，我唔介意一直都寵容你。」
我同小櫻對望對方。
「抹番下塊面先啦。」小櫻遞上紙巾。
「呢個時候應該係男女主角擁吻對方，而唔係遞紙巾。」
「哈。」
「哈。」
之後我地一齊係到大笑。
「識講笑即係無事啦。」
「多得你。」
「講到好似我破壞左你既悲劇氣氛咁。」
「的確係，不過如果唔係你我已經坐緊白車。」
「你唔記得我講過會守護你嫁嘛。」
「啊!!!好羞家! 要個女仔黎守護。」
「你咁講太唔公平，無論咩人咩生物都有佢守護一樣野既權利!!!」
「知啦知啦。話說點解你會係到?」
「岩岩見你衝出班房，肥森叫極你都認人，我咪跟住你囉。」
「跟蹤人仲偷聽人地講，惡趣味丫你。」
「咩…咩喎!! 哼!! 早知由你比車車死好過。」
小櫻紅起塊面拎袋走人。
「啊!! 唔好嬲啦。」
「叫聲我小櫻姐姐黎聽下先。」
「小櫻姐姐….」
「小狼乖。」小櫻摸摸我頭。
就係呢一日，我同柔柔既關係正式完結。
本想相愛在未來，但睇怕無咁既機會。
我可能心裡仍然愛佢，
但已經唔可能再實踐，
又可能我呢啲並唔係叫愛，
只係想擁有柔柔，
不過愛既定義係咩?
想對方幸福?
如果確認左真係愛，
又應該用咩方式表達同實踐呢?
也許真係要有經歷先學得識愛人既方法，
也許愛本來就係一生既功課。