某天我脫毒了，走上了情聖之路: 第四十二章 - 新學年
我屌!又遲到!!
我又係開學日遲到。
我又落車狂奔去校門。
狂奔期間見到有個好細粒既女仔係到龜速跑緊入學校。
「加速啦，就遲啦。」我對住個女同學講。
「跑唔郁呀大佬。」
「屌，拎個袋黎。」
「搶野!」
「幫你拎咋，跑啦女人。」
「我仲係女仔黎咋!!」
「我理你係咩，有咁快跑咁快啦!!」
我地終於抵達，可惜唔係按時。
「你兩個都好野，第一日番學就遲到。黃少朗你中四嫁啦，唔好帶壞啲中一妹妹啦好無?」臭口王一朝就係到囉嗦我。
「得啦。」
「你兩個去一去後台，校長有特備節目比遲到既同學。」
早會果陣……….
「估唔到今日第一日開學就有兩個同學一齊遲到。請兩位同學出出黎，黃少朗同學，黎若嵐同學。」
我同果個叫黎若嵐既女同學一齊由後台行左去校長隔離。
果刻真心想死。
「我最著重係時間觀，一個人懂得整理時間就懂得整理人生……」校長一輪嘴係到講。
果然我一入班房就全班起哄。
家樂留左佢隔離個位比我。前面既係肥森同張天欣
「你威啦，呢期實無人唔識你。」家樂串我。
「你估我想嫁咩。」
「唉，第一日番學就有豔遇。」肥森表示羨慕。
「咩你好想有咩?」張天欣扭住肥森耳仔。
感覺一切重歸正常，大家食依然一樣。
我望望wts app。
柔柔︰「你真係對中一女仔情有獨鐘嫁喎。」
我︰「我係對你情有獨鐘。」
柔柔︰「喂! 咪講好左唔講呢啲野囉!」
我︰「知啦柔柔大人。」
柔柔︰「老師黎啦。」
我︰「陣間再傾。」
果日起，我同柔柔就約定唔再當大家係男女朋友，繼續好似以前咁，用一個暑假去冷靜番，唔搵對方，當然係好難忍，有幾次真係差啲搵左佢，但我總升無破壞承諾，忍到9月1日既朝早，我地不約而同一齊sd左個早晨比對方。
當班主任入黎果刻，全班一齊表示失望。
「點解會係臭口王!!?」家樂大大聲。
「陳家樂，係咪想第一日就留堂?」
「唔係….」
「好啦，今年你地班厹有福啦，我地有一個轉校生。入黎啦。」
轉校生入黎果下，好似有櫻花跟佢咁。
全班男生都一齊進入戀愛mode。
「阿森你啲口水呀!!」張天欣推開肥森。
「對唔住。」肥森道歉。
真係…真係好靚……
臉上梨花帶雨既清澀感，冰肌玉骨既身驅，簡直引人入勝!!
靚，好靚!!!
睇怕連柔柔都可以要敗係佢手上…..
雖則柔柔係行可愛萌路線。
但呢種清澀感實在….實在係可見若憐。
「同學你可以介紹自己。」臭口王笑淫淫。
「我叫佐佐木櫻，多多指教。」
日本人?
點解會讀呢間學校，同埋佢啲廣東話好純正。
不過聲音好甜好溫文。
佢完全可以同柔柔對勘….
「我地班咪集齊左小狼小櫻!?」家樂又係到大叫。
「陳家樂你都係留堂啦。」
「饒命呀王仔!!!」
「同學你坐果到，唔好坐近黃少朗。」臭口王指示阿櫻。
結果比全班指住我黎笑。
而阿櫻向我點點頭。
我都點一點頭，估唔到佢用微笑回敬我。
靚到我個心差啲跳左出黎。
「嘩屌，佢望住我笑呀。」家樂似乎會錯意。
不過都可能係我會錯意。
一放小息啲人就走晒過去阿櫻到。
「肥森落去買野食。」
「唔得。」肥森偷偷摸摸咁行去阿櫻到。
「黎啦，你有左張天欣嫁啦，落小食部好過啦。」
「我係呢班既大佬要照顧新同學。」
「天欣!肥森話要……」
肥森掩住我把口「得啦，怕左你，落去食野。」
「家樂行唔行?」
「我需要精神食糧多啲。」
最後只係得我同肥森一齊。
「話時話，你唔去搵下新同學? 咁靚女，埋去望下都好。」
「我要遠離誘惑。」
「哈…..你都同柔柔分左手啦。」
「總之我唔可以對唔住我既柔柔。不過佢真係太靚，靚到一行埋去就會以為自己中意左佢。」
「係……佢身好似有陣人如其名既櫻花香。」
「你都有張天欣啦。」
「我只係欣賞姐。」
「唉，我連欣賞都唔敢。」
「你咪咁啦，睇下姐。」
「你都知我個人無咩定力嫁啦，我唔想搞到啲野咁復雜。」
「你真係仲中意柔柔?」
「當然…….太深刻啦。」
「不過咁呀，我地呢個年齡個男仔好快就會忘記一段感情，話唔定當有新衝擊果陣就會淡忘舊有既記憶。」
「可能掛，但我呢一刻仲係中意柔柔。」
「唉，因間隨便叫，我請你啦。」
「肥森…你果然先係我既true love。」
最後我口腫面腫咁番到班房。
一個好多人堆左係門口既班房。
斷估所有人都係黎一睹櫻姿。
肥森聲都無出就開路撞入房。
果然係肥森，無人咁阻佢。
「柔柔?」
無見一個暑假好似高左。
「小狼~」
「你又黎睇靚女?」
「係呀，可唔可以帶我入去?」
「當然可以。」
我二話不說就拖住柔柔入左我班房。
「柔柔!!!!!」子欣衝向柔柔。
「柔柔你快啲走啦，呢到好多厹。」
「但我想黎望望……」
「唔洗望隻淫狼啦。」
「喂，子欣我前世得罪你?」我不爽
「我唔係黎搵小狼，我黎係睇傳聞中既……」
心都痛埋…….
「哎呀，睇黎有人要傷心啦。」
「我唔係咁既意思呀，只係我要見小狼隨時都可以….」
見到柔柔面紅既樣就知柔柔同我一樣，仲係中意對方。
「怕左你兩個，唔好再係到曬恩愛。」
「唔好誤會，我同小狼….已經….唔係男女朋友…..」
「咩話!!?小狼同阮芯柔分左手!?」唔知邊個聽到之後大叫。
全場係到起哄，有部份人走向柔柔。
「點解既?」
「係咪個毒撚對你做左啲咩?」
「條賤撚咁仆街飛你?」
「條仆街玩靚妹好鳩。」
啲人真係有咁盡講咁盡。
柔柔無奈咁望住我。
「全!~部!~同!~我!~收聲出番去!!!!」肥森突然咆哮。
全場都靜晒，好守規矩咁離開。
「柔柔你都番班房先。」肥森望望柔柔。
「乖，番班房先，因間放學黎搵你。」我摸摸柔柔個頭。
「嗯!」
「仆街你嚇親柔柔!!!」我指住肥森。
「我都唔想，我幫你解圍仲咁多野講。」
「係啦係啦。」
估唔到新學年就如此混亂。
而家大家都知柔柔係單身，一定有好多會對柔柔出手。
真係唔想有人接近柔柔。
不過無計，當初放棄既人係我。
「因間放半晝有咩做?」家樂興致勃勃。
「我要搵柔柔。」
「我要陪天欣。」
「肥森要陪我。」
「既然你地都唔得閒，睇黎我只可以搵小櫻。」
「隨得你。」
家樂真係慘，好似永遠都無人理佢咁。
放學果陣，柔柔真係係校門等我。
多麼懷念既一刻。
「做咩突然間搵人?」柔柔面紅。
「因為好似好耐無見。」
「今朝先見完。」
「咁係今朝既事。」
「唔得嫁唔得嫁，啊…..」
柔柔發出一啲無奈既叫聲。
好可愛，想咬佢塊面。
我搣!!
「嗯~>.<」柔柔無反抗。
「依然都係咁好搣。」
「好痛呀。」
「sor耐無搣大力左。」
「唔准再搣我。」
「下，點解?」
「你咁樣我會好辛苦。」
「丫….又係丫可。對唔住。」
“噗”
柔柔突然攬住我。
「攬攬。」
我個心完全比嬌嗲既柔柔融化左。
「無下次!!」柔柔扮嬲。
「okay。」
「罰你無得同我食晏。」
「下…..」
「因為我約左表妹食。」
「表妹?」
「你都識嫁。」
「佢到啦。」
我轉身望向後面，差啲屌左出聲。
「咩又係你?」個女仔指住我。
「呢句應該係我講先岩。」
「妖! 同你講野都晒氣。」
「我都係諗住幫你先遲到。」
「你幫倒忙我都未同你計!!!」
「你個死靚妹!!!」
「好啦唔好嘈啦。」柔柔制止我地。
「表姐我地快啲下，唔好理啲死厹，死厹你唔好再痴住我表姐!!」
「嵐嵐呀! 對唔住呀小狼。」
個女仔拉走左柔柔。
唉，仲以為可以同柔柔食飯tim。
諗起岩岩比柔柔攬住真係好幸福….~_~
估唔到落到車站竟然比我撞到小櫻。
「小狼?」小櫻向我打招呼。
不禁令我諗起某套動畫。
我絕對無個男主角咁靚仔。
但佢絕對有女主角果種美。