黃鼠狼特務Agent of Weasel(搬家原故,本站停止更新): 章六:不速之客

                     -------------------黃鼠狼特務Agent of Weasel-----------------------------

                       ----------------------- 章六:不速之客--------------------------

隔日四點十五分,到約定他們的時間了.站在真蔭公樂園入口前的我依然不見人,他們又要遲到了.....
 算了....約人出去必定有人遲到是常識吧.

      到四點二十八分才有人來.
「其他人呢?」穿著球衣的吳廷發汗流狹背的趕了過來:「sorry啱啱忍唔住踢左幾下波.」
「唔知佢地丫唉...但係好奇怪喎,入面咁冷清嘅?平時都好多人嚟挽㗎喎.」我望著真蔭公樂園的櫃檯,職員的面色也有點古怪.




      接著又見到兩個走得瀟灑的身影,是伍莊正和余閃,遲了到還走得這麼瀟灑....
     屌,少了時間玩了.
    有些怨氣的我沒有開口罵,只是招手叫他們過來.

「喂想挑戰乜嘢先丫!!」吳廷發邊抺汗邊説.
「梗係籃球機,Basketball啦!!!唔好意思呀伍莊正同秦世樂~講籃球你地都唔夠我地鬥!!!」余閃一講到籃球,鬥志便馬上燃起了.
「真係?試過先知~」伍莊正向余閃挑機.
「喂大家,入面好似有事發生左喎....」我說.
「嚟啦!!!Let's get battle!!!!!!!」他們似乎聽不到我的話,就這樣衝向籃球機.





「仆街喇........」余閃驚惶的道.
     在籃球機前的,是韓傲清和馮佩妮,他們正在觀看手下虐打一個叛徒.
​「二五仔!!唔俾D教訓你你係唔知驚㗎!!!」手下不斷用鐵棍毆打叛徒:​「講!!係邊個指使你嫁禍清哥嘅!!」
​「講出嚟我會死㗎!!!」

「趁佢地未見到我地....快D閃啦...」吳廷發輕聲說.
「好...」
     我們趕快朝出口逃去.

​「豈有此理....你死關我撚事呀??」手下朝他的手指痛打:​「講呀!!!!」




​「係....係死鬥哥!!!」
​「死鬥哥!!??喺清哥面前你夠膽喊死鬥哥!!!???吓!!??」手下繼續施虐.
​「夠喇!!停手!!」韓傲清喝止手下:​「再打就會殺死人,你係咪弱智㗎!!」
​「對唔住清哥....」

​「仆街...條友冇左呼吸....」馮佩妮觸摸叛徒的心口位:​「心跳都冇埋....」
​「你條閪蟲殺左人喇!!!依家點算呀!!」韓傲清看到了我們四個的身影:​「喂!!!!!!!!!!你地四個!!!!」

「你地係咪見到D唔應該見到嘅嘢??」韓傲清又說.
「唔想死就轉個身過嚟.」馮佩妮說.
     他們三個轉回身來,而我卻不轉身.
「清哥!!我地又點會講出去?」吳廷發乾笑著向韓傲清說,打算為我們解圍.
手下走向吳廷發:「真係?」
「真係丫!」余閃和伍莊正連忙點頭附和.
「俾我知你地爆響口嘅話,你地必死無疑.」韓傲清把目光移向我:「喂背對住我地嗰個!!!!」




「秦世樂快D轉身啦!」余閃緊張的叫我,我並沒有理會他.
「你係咪想佢地三個同你陪葬呀!?」馮佩妮怒了.
「唔唔唔唔好呀!!!」伍莊正更害怕了.
「哎喲你個friend仲唔肯同我地見面喎,即係咩意思?」手下向吳廷發吐煙,吳廷發即將爆發了.
「秦世樂快D轉身啦!!!發哥就嚟爆㗎喇!!!!!!!!」余閃越來越緊張了.
      一旦被韓傲清認出我的話.....那就糟糕了..但是我不轉身的話,他們三個就要遭殃!我們也知道一旦吳廷發爆發的話......情況便會更加惡劣——————
 
   終於,我選擇繼續隱藏身份.
​「啊呀呀!!!!」吳廷發按捺不住,勾拳揍向手下,余閃和伍莊正趕去拉住他.動作十分狼狽.
​「吳廷發!!你出手打我D人係咪想死呀!!!」馮佩妮迫近吳廷發,卻見到有警察從門口走來.
「小心你地言行舉止.」韓傲清拖住馮佩妮的手:「我地走!!!」説罷,他們逃走了.

     現在真蔭公樂園只剩下我們四個.
「咁.......仲挽唔挽呀?」我問.
「仲有心情挽咩?」余閃冷説,然後就這樣離開.




「挽你老母啊呀!!!!!!」伍莊正向我罵道,跟吳廷發一同離開.
      看來我是被討厭了.算吧,反正我也不需要友情這些可有可無的東西.

-----------------------------------------------------------------------------------------------
   五點三十六分,一如以往地MissLam也會在這時候乘地鐵回到葵芳.戴好藍芽耳機和智能眼鏡後行動便開始.
  因為我的樣貌較像女生,所以宅聰和范探員也叫我易容成女OL...好吧,為了任務....我接受...

    往油麻地線上,MissLam站在6號月台,而裝成女OL的我則站在7號月台.
「嘩你扮OL都好似喎秦世樂~」宅聰入侵港鐵的閉路電視系統,看到月台的情況.
「屌點解成日跟蹤人都要扮女仔呀......」我輕聲吐糟.
「秦世樂,記住千萬唔好俾佢發現到你知唔知!?」范探員真的很嘮叨,明明不是第一次進行跟蹤了他還要提我這些基本知識...
「鬼唔知咩.....」我說.
     此時,MissLam的手機響了.
「喂宅聰俾我地聽下佢講乜.」
「OK.」





「喂~」MissLam説.
電話裡傳來一個男聲,應該是她的丈夫:「到左邊丫老婆~?」
「啱啱先收工咋嘛!掛住我丫~?」MissLam甜蜜的回答.
「嘻嘻仲記唔記得今晚我地個造人計劃呢?順便...試下新招式?鑽木取火,仲有蛟龍得水~」男的幽默地說.
「好衰㗎你!!講呢啲~」MissLam低頭害羞的笑著,還在玩弄自己的長髪.

     列車到了,我跟著一群人擠進車廂裡,忽然我感覺到有人朝我看來,是個四五十歲的中年男人.他打量一下我再向我微笑.
「哈哈哈秦世樂有條麻甩佬咸濕你丫~」范探員和宅聰也大笑起來.
「明明我就係男人,反而俾男人咸濕...屌那閪咩..」
「唉犧牲吓喇鬼叫你係唯一一個可以出外勤嘅人咩~」
     到了九龍塘,一大群的水貨客湧入,擋住了我監視MissLam的視線.我隨即朝六號車廂走去,但一個個的拖篋令我寸步難行.
「唔該謝謝....」我向那些水貨客說.
     他們瞄了我一眼,又裝作聽不見.
「係我就一腳踢落去喇!」右旁的白領向我説.我也想這樣做,但是無謂打草驚蛇吧,我只好站回原地....仆街水貨客.......





「喂你地班水貨客真係丫!!!!人地已經出聲要你地借開你地就扮聽唔到!?容忍有限度㗎!!!!!」那個白領為我出頭.
「典呀!!!???狐膠興呀!!!!??食屎啦奶地班香港狗!!!」水貨客們不認錯的同時還要含血噴人.
「狐狐狐狐你老母啊呀!!!!阻住人仲要聲大夾惡!!」後方一個老婆婆也為我抱打不平.
「你地班蝗蟲收皮喇!!」八號車廂又一個老伯大聲罵道.
「操你媽的B!!!香港狗!!!!」
    車廂隨即引起一場騷動.MissLam也望過來了,我卻站在一旁不作聲看著這場中港矛盾.
宅聰諷刺我道:「恭喜你呀秦世樂你俾林旖旎發現嘅機會率又上升左喇!」
「你估我想㗎?.....」我無奈地説.
「咦?」宅聰好像發現了甚麼.
「咩呀?」我問.
「五號車廂有個人間唔中就望下MissLam,有D古怪,我覺得佢都喺度監視緊林旖旎.」他說.
「咁樣監視好容易比目標發現㗎....」范探員道.
「俾我睇下?」
「我立即將影像傳送去你副眼鏡度.」他說完不消兩秒,五號車廂的畫面便顯示在我的眼鏡上.
      那個人戴住鴨舌帽遮住整塊臉,似是故意掩飾身份的.而這人左手戴著的銅色手鍊好像在那裡見過....我記起了,這和當晚在酒店把監聽器裝在門柄那個女手上戴的手鍊一模一樣.
「睇返當晚喺酒店條片,我懷疑佢係當晚喺酒店將監聽器裝喺門柄嗰個女嘅.留意下條手鍊係咪同款?」我說.
「Check左喇,就係同一條鍊,呢條仲要係名牌手錬㖭,最少都要7000蚊.」宅聰道.
「手法唔熟練,又戴住同一條鍊,我肯定佢就係當晚嗰個女嘅.」范探員道.
「佢嘅目標都係林旖旎....私家偵探?」楊澤聰猜度她的身份.
「或者係特務.」我望著螢幕上那女的説.
「陣間林旖旎要轉荃灣線,到時睇下嗰個人會唔會跟埋去就知佢係咪跟蹤林旖旎.」范探員又提點我:「一樣,你都唔好俾佢地發現你嘅存在.」

      到了太子站,一大半的乘客也離開了,MissLam仍然沒有動靜.
「乜事丫!?佢唔係要轉車返葵芳㗎咩!?」范探員疑惑地問.
「范sir.....我仲洗唔洗跟住佢?」我問.
「繼續跟,林旖旎唔落車,你都唔好落車.」
「好......」

-----------------------------------------------------------------------------------------------
      **呢度係觀塘線嘅尾站,多謝乘搭港鐵,請各位乘客落車**
  到了油麻地站,除了幾個睡過頭的之外,其他乘客也通通離開了,而MissLam依然沒有動靜,在五號車廂那女的卻離開列車.
「我懷疑佢已經發現有人跟蹤佢.」范探員道.
「唔撚係呱....」我望著地下説.
忽然,MissLam望過來向我輕笑一下——————然後起身步出車廂.
「佢點會發現到你㗎!!??」宅聰有些愕然.
「屌那閪.......你啱左.....我唔洗再跟佢喇呱?」我無奈地說.
「唉,林旖旎擺明喺度挽我地.....冇需要再跟喇...任務結束.」范探員歎了一口氣,
「我要去跟蹤嗰個女嘅!我要知道佢究竟係乜人.」我站起來說.
「個女嘅仲喺大堂行緊,未走出港鐵站.秦世樂你快D上去啦,出左港鐵站之後我幫唔到你喇.」楊澤聰道.
「秦世樂!唔好去跟嗰個女嘅!!!!呢樣唔係喺我地計劃之中!!!.」范探員道.
「佢有可能係失聯臥底,我要知道答案.」我一意孤行要跟蹤那女的.

-------------------------------------------------------------------------------------
      我偷偷的跟著那女的走出港鐵站.由於她背對著我,我仍然未能看到她的真面目. 
「喂秦世樂你認唔到佢係邊個?係咪高照中學㗎?」宅聰問我.
「你話呢?我淨係睇到佢背面咋.」
「秦世樂!!!你咁樣好容易暴露身份㗎!!!」范探員不斷勸告我卻被我無視. 
     那女的加速腳步,像是要躲過跟蹤一樣,是發現被跟蹤嗎?
走過三個街口後,她步入後巷.我靠在牆邊探頭窺看後巷的情況,那女的消失了.

     我從手袋掏出手槍,慢慢踏入這充滿著塗鴉的後巷.
「秦世樂,任務結束!!」范探員叫我離開,我沒有理會.
「我要知道嗰個女嘅究竟係何方神聖!!」
「聽唔聽到呀!?秦世..」
    我直接把藍芽耳機拔掉.
   難得有機會找到可能是失聯成員的線索,我絕不能輕易地放過.

     突如其來的一腳把我的手槍踢走————————是那女的,她此時已戴了一個面罩.
  我右勾拳送上,她巧妙地前滾翻到我後方,再以左腿橫踢,我左手擋住她的小腿,她再左直拳揍上,我側身避過,一個右膝撃向她,她收縮腹部肌肉減輕傷害,再抓住我的右腳向上翻.為免跌倒,我雙手撐地來個後空翻.她追上來踢牆跳再下勾拳揮向我,始料不及中拳的我打算以橫削掌朝她的太陽穴砍撃,她閃躲後劈撃我的頸動脈三角位,又朝我腹部把我踢到後方.
   我爬起來後,她擺出一道武功姿勢,我看得出這是虎鶴雙形拳.
她先來一招右手排破,我不斷的閃避等待時機.

   她出下一拳的同時,腋窩處也毫無防備地顯露了————————我馬上一記擺拳朝她的腋窩處揍,誰料她反來一招左鶴頂法打走我的拳,再抓住我另一隻手,來招還魂飽鶴朝我的太陽穴痛撃,我彎腰避開退後三分.

「你到底係咩人!?」我問.
    她右勾拳揮來,我以左前臂格住.
「Z小隊?定係S小隊?」我再問.
    那女的默不作聲,使出左拳揍擊我的下顎.
她調節面罩上的變聲器:「呢D嘢係我問你先啱.講,點解要跟蹤我.你係邊個!?」

    未確定她的身份前,我也不敢輕舉妄動,暴露身份.萬一她不是黃鼠狼特務的話,那向她表明身份絕對是件壞事.可是,她極可能是失聯特務.
「當晚喺酒店將監聽器裝喺門柄嘅,就係你呀係咪?你嘅目標係邊個!?林旖旎定係李昌華?」我説.
「你唔答我,我都唔會答你.」那女的撿起在地上的手槍指向我,並準備扣動板機:「再見.」
「如果你嘅目標係李昌華嘅話.....我都一樣.」我説.
     她停下了動作.
我繼續説:「如果你係查緊天幕計劃嘅話,我都一樣.」
 她把手槍掉到一旁:「你到底係咩人......」
「你係咪都係黃鼠狼特務?」我直接問她.
     她沉默了一陣子後,望著牆上道:「Z153385........」
這八個數字是Z小隊隊員的特務編號,即是說......
「我因為一D原因,被迫拋棄舊身份,然後成為特務.」我説:​「你係咪同我一樣,用嘅係假身份?」
「冇錯,雖然我係方sir嘅臥底.」她又道:「不過........我地互不相干.」
「哼....互不相干?」我不能理解為何她這樣説.
「仲有,下次見面唔該唔好再叫我嗰個女嘅,請你叫我—————霓虹女.」那女的說完後便轉身離開.
          我從地上撿回槍枝放回手袋.

     霓虹女........我會好好記住這綽號.妳究竟會成為我的同伴,還是敵人?