黃鼠狼特務Agent of Weasel(搬家原故,本站停止更新): 章七:喑箭與天眼

/////////////////////////////////////////////////////////////
     夜店盡頭一間房裡,坐了兩個正在調戲靚模的男人.
「校長,我要入嚟喇.」林旖旎敲敲門.
「等陣!」李昌華和戴鯨亨穿回西褲,叫靚模們離開.
    林旖旎開門後見到那些靚模失望的樣子:「睇嚟我好似阻住你地喎?」
「唔阻~要挽囡囡我隨時有得挽!」䵧鯨亨說.
「點?」李昌華說.
「嗰晚你設好左個局,引佢地潛入你屋企搜察,冇記錯......個黑衣人就係5C班嘅秦世樂,係咪?」林旖旎向李昌華道.
「做乜?」
「頭先放工搭地鐵嘅時候,有個扮OL嘅人跟蹤我,我肯定......佢就係嗰個秦世樂.」林旖旎肯定地説.




李昌華拿起一枝酒再倒在酒杯:「咁又點?」
「需唔需要我殺左佢?」林旖旎說.
「秦世樂就唔需要怕.反而......係D不明來歷嘅麻煩先至令人擔心,琴晚交易嘅時候,嗰一男一女又再出現,將我地嘅人殺到七七八八,仲將貨搶走埋.」戴鯨亨道.
「你覺得,係黃鼠狼?」李昌華呑口酒説.
「呢種情況已經發生唔只一次,係時候要正視呢個問題....」戴鯨亨憤然的說.
「咁今晚叫我嚟....係做D乜?」林旖旎問.
「做D乜?」
「係.」
李昌華站起來:「今晚叫你嚟......係想你安撫下我地兩個可憐男人~」
「我.....唔明」林旖旎心知不妙.




「你唔需要明........」戴鯨亨慢慢迫近林旖旎,並伸出手撫摸林旖旎的臀部:「你只需要服從...」
林旖旎一拳揍向戴鯨亨的臉:「我絕對唔會為左利益出賣肉體!!!當初我冇應承過會同你地做埋呢D嘢!!!!」,説罷,李昌華上前一巴掌摑向林旖旎.
「你冇得say no~」李昌華抓住林旖旎的左右手,讓戴鯨亨強行扯下她的裙子,然後...........

「啊啊啊啊呀呀呀!!!!啊啊呀!!!!!!」被任人魚肉的林旖旎只能夠呼天搶地.


                    -------------------黃鼠狼特務Agent of Weasel-----------------------------

                       ----------------------- 章七:暗箭與天眼--------------------------






////////////////////////////////////////////////////////////////////////////////////////////////
     隔早,鼠洞裡面.
「范sir,早晨.....」剛剛進來的我把書包放在沙發上,我知道昨天的事的確惹怒了范探員.
范探員沒有望我,只是説:「知道左嗰個女嘅身份未?」
「對唔住.」我説.
「唔洗講對唔住,你只係心急想搵返其他成員啫.但係日後如果再發生類似嘅事嘅話,你一定要得到我批准.」范探員果然明白事理.
「知喇唉..」
宅聰邊喝著益液多邊問:「喂范sir嘅問題你都未答.」
「特務編號,Z153385.」我説:「霓虹女.」
「霓虹女?屌!有外號㖭呀?」宅聰笑了.
「嗰個女嘅原來真係我地黃鼠狼嘅成員.」范探員道.
「問題係,佢似乎唔願意同我地合作.係呢宅聰,你搞緊乜?打....打LOL?」我問.
「就快升到28喱喇!!!放心!我今日之內實做到我要做嘅嘢嘅!!!!!」宅聰聚精會神在螢幕上.




范探員遂説:「我已經叫左宅聰今日之內搜集關於唐日同嘅黑材料,我地要幫周乙丙扯唐日同落馬.」
「點解仲要幫周乙丙條仆街?係陶陸偉嘅計劃?」我道.   
「我地可以趁呢個機會解決埋周乙丙~何樂而不為呢?」宅聰說.
「即係!?.........得喇...我明白佢嘅計劃喇.」

--------------------------------------------------------------------------
    回到課室後,便見到一群人圍在一角不知聽甚麼.坐在中間竊竊私語的,是余閃:「唔好俾佢地知係我爆出去㗎!」
他們一見到我回來就散開了,其中五六個偷偷瞧著我陰笑.毫無疑問,肯定是余閃把昨天在真蔭公樂園發生的事爆了出來.他一直也有在我背後說我壞話,今次也不例外.
「喂咁冇膽嘅咩伍莊正?~」盧振當向門外的伍莊正嘲笑一番.
「吓?」伍莊正盯向余閃.余閃裝作沒有事地遊蕩.
「係你爆響口嘅?件事.」伍莊正質問余閃.
「我...我冇喎....」余閃矢口否認.
伍莊正吐了一句:「食屎狗仆街啦!」便帶著怨憤坐回原座.

      相信伍莊正和我也很大機會成為今個星期被䎵笑的對象.





換是其他同學遇到韓傲清又會不害怕嗎?人類真是虛偽的低等物種,每日也愛宣揚愛與和平但又愛欣賞人們折墮的樣子,對於我來說,他們的生存價值是零.
    所謂的友情愛情也只不過是利用別人,換取利益的籍口而已,而大家也會把這些東西美化,然後稱之為「愛」.可是,人類世界上根本就沒有「愛」的存在.天主教徒「愛」上主是因為認為上主給予了他們所需的才「愛」祂,假如沒有益處的話,誰也不會「愛」誰.沒有任何人不是自私自利的.

---------------------------------------------------------------------------------------------------------    
    放飯時間,平時也會找我一同吃飯的余閃自己走了.好吧,我自己吃.
平日如果一個人吃的話,我也會選擇一些僻靜的地方,因為我最討厭的就是迫在人群之間坐,還要忍受那些煩人的吵雜聲.而舊區那邊的醉翁棧就正正合我心意.
「秦世樂!How are you~?」後面傳來顏影寒的聲音.
「顏影寒?冇人陪你食咩?」我好奇地問.
「咪睇我好似好多朋友咁丫,其實真正當我朋友嘅可能得兩三個,哈哈!」顏影寒苦笑道.
「乜5C班唔係齊齊排斥我咩?」我問.
「如果因為咁小事就怪罪你嘅話咁實在好冇道理,我先唔會同佢地一般見識!because I am...」
「Because you are顏影寒丫嘛.」我說.
「哈哈冇錯~喂呢度有乜好食丫?之前都冇嚟過.」顏影寒拿了份餐牌瞧瞧.
「醉翁棧最出名就係沙薑鹽焗雞飯,試唔試?」




「嗯.....試下囉!我顏影寒最能夠接受新事物嘅!」
我招手落單:「兩個雞飯,其中一個加飯.」

「顏影寒,今年七月場校慶你地DreamChaser諗住唱咩歌丫?」我問.
「唉.....今年我地唔會再出現喇.....」顏影寒遂說:「校長已經reject左我地嘅表演,就係因為佢唔鐘意Rock&Roll...........屌.... 」
我說:「之前報春暉都有搵你地上台㗎,有次李昌....李校長仲當面讚你地㖭喎.E家就話唔鐘意搖滾風格?」
「仲洗問嘅,根本係因為校長想擦前甄集團嘅鞋所以先就佢地時間而延期,原本係今日㗎.....今年校慶仲特登加設一個環節俾前甄集團,踢走一D冇利用價值嘅興趣社!!」顏影寒把不忿連同白飯一併呑下肚.
       前甄集團,香港第二十三位最有影響力的企業,直至新星集團被瓦解後則升上第二十二位.兩年前介入高照中學的內政,協助學校的發展,好像增設基建,資助獎學金等等.李昌華經常多番的提及前甄集團,提醒學生要有感恩之情.這樣才讓我覺得可疑,一間企業真的會無條件地救助高照中學嗎?背後必定是有目的.前甄集團越對高照中學好就越可疑.
「都最後一年啦.....下年中六都再冇機會可以上台.屌!..自從前甄集團介入高照之後,我地學校嘅氣氛就唔同哂喇....」顏影寒樣子有些可惜.
「大鑊喇!唔記得做Booklet㖭!!陣間就英文堂喇!!」我說.
「驚咩丫!咪忘記英文堂之前就係數學堂喎~數學堂慢慢做啦!」顏影寒説:「其實有時都幾可憐你,朋友本來已經少,E家唯一嗰三個都同你反面.變相你一個朋友都冇.」
「冇所謂,我唔需要朋友呢D嘢.」我說.
「吓?」
「好正常丫,一來我唔鐘意同人相處,二來冇人想同我相處.」
「唉見你咁慘,就等我做你嘅朋友啦!」顏影寒拍拍心口説.




「哈哈~!」我以笑回應.

---------------------------------------------------------------------------------------
    未走到班課門口,已經聽到兩把對罵的聲音,還有一道哭泣聲.
「咩料呀?」顏影寒道.
    進去後就是見到羅妙晴縮在桌下抱頭大哭.
「呢鑊嘢係你地搞出嚟㗎!!!!快D同佢道歉!!」馮佩妮怒視着陳宏.
「喂你真係幾好笑喎!!!挽下啫!洗唔洗咁啊呀!!??」陳宏反罵道.
「咩呀!!!??」  
「咩呀!!!!!???」
「咩咩咩啊呀!!!????」
      馮佩妮和陳宏針鋒相對,各不相讓;陳宏,是少數不怕馮妮的學生,更不怕銀龍,至於為甚麼我都不盡知了,為失聯特務的可能性是40%.

   顏影寒向秦嘉鴻打探一下:「發生乜事?」
「鍾柏根,陳宏,梁沙朝同埋林嘩偉打賭左一個約定,邊個輸左就要同羅妙晴表白,結果梁沙朝輸左.跟住羅妙晴知道係一場伏嘅時候,就喊喇.....然後馮佩妮安慰左佢一陣之後就衝出嚟鬧鳩班人囉.」 秦嘉鴻望住茫然失措的梁沙朝道.
     想不到馮佩妮也是個會關心朋友的人,相反羅妙晴其他的「姊妹」卻冷眼旁觀,視若無睹.
     羅妙晴,是上年4C的班長.平日開朗而愛大笑,表面倔強,內心脆弱,但感性的她較容易受情緒波動.為失聯特務的可能性是30%.
「大佬啊我地又點會估到佢會咁易喊啊呀呀呀!!!!???」陳宏道.
「就係你地呢D戇鳩仔挽埋D濕鳩遊戲搞到Katy喊啊啊呀呀!!!!!!」馮佩妮怒火中燒罵道.
陳宏火冒三丈,狠狠的一掌拍打書桌:「你話邊撚個戇鳩仔啊啊啊呀呀!!!!???馮佩妮!!!我忍左你好撚耐喇!!!!成日以為自己巴撚閉,屌!!當自己真係皇后啊呀!!!???話你知我從來都冇怕過你條仔!!你咪撚喺度兇我!!!!」
「係咪要隻揪啊呀呀呀!!???」馮佩妮把臉迫近陳宏.
「嚟啊呀!!!!!」陳宏臉紅筋暴的盯住她.
「出手啊啊屌你鹵味!!!!!!」
       
「你兩個喺度做乜啊呀!!??」經過的卓sir站在課室門口:「跟我落嚟!!!」
「唉冇得食花生㖭~」在旁一直觀看的馮鍵嘆道.
   
///////////////////////////////////////////////////////////
      日本料理店的一條走廊上.
「請問471號房喺邊度?」范葛威問.
「哦!呢度.」店員指向左方.
「唔該哂.」
    他步向471號房前,拉開那道障子門.

「噢!范葛威~你嚟左嗱.」坐在坐墊上的陶陸偉正在享用他的刺身.
「識嚟呢間料埋店食,你都幾有品味喎.」范葛威坐在榻榻米上.
「呢間嘢上年攞過米芝蓮,仲曾經款待過好多政要人物,係一間高質店.」陶陸偉夾起刺身呑下.
「你搵我到底有乜事?應該唔係凈係傾呢D無聊嘢呱.」范葛威道.
「你地黃鼠狼係咪一直都查緊天幕計劃?」陶陸偉説.
「係又點.」
「話哂我地E家都算係盟友,只係想好心提醒你啫~」
「咩意思?」
「唔好再查落去,查落去嘅話你地只會自討苦吃.」
范葛威乾咳了一聲:「你憑乜叫我地唔好再查落去?你知道D嘢?」
「你地絕對鬥唔過佢地㗎~惹到佢地嘅話......小心連條命都保唔住,放棄啦.」陶陸偉道.
「我唔會眼白白睇住呢個城市再次崩解...........再見.」説罷,范葛威便拉門離開.

「總有一日.....你地會俾佢地折磨至死.....」陶陸偉低聲說.