黃鼠狼特務Agent of Weasel(搬家原故,本站停止更新): 章五:正義的偽善者(下)

                     -------------------黃鼠狼特務Agent of Weasel-----------------------------

                       ----------------------- 章五:正義的偽善者(下)--------------------------


「你要我同你合作?你想點做?」
「放心,我唔會再查你地如果你肯同我合作嘅話....我要整單大case俾周乙丙感受下鐵窗風味,一定要喺佢查到我之前將佢拉落馬.咁對你我都有好處.」陶陸偉道.
「你覺得我會信你?」 
「唔信我?OK~但係唔好忘記我隨時都可以整死你地.」
「你同嗰個周乙丙有乜分別?你兩個都係D不擇手段嘅小人!!!!枉你仲係一個警務人員!!!!!」




「大人嘅世界你呢個細路又識D乜???血氣方剛,充滿義氣嘅小朋友終有一日都會變到同我地一樣咁不擇手段!!係警察又點?又有幾多個真係有正義感?」陶陸偉又笑著説:「你自己又點樣呀秦同學!?你係一個逃過左法律制裁嘅殺人犯,若果唔係有人幫你你一早已經入男童院.你同我都係一類人.....你..又有乜資格話我?」
     我瞪大眼睛說:「我同你唔同.........我做緊嘅事係為左香港...為左守護呢一片我重視嘅家人住嘅地方......而你,只係個為求明哲保身嘅可憐人...」
「講到咁偉大....我地都冇謂再哂時間講落去,你要送死係你嘅事..」陶陸偉站起來,開門準備走.
     剛才那個女下屬又步向陶陸偉,道:「陶sir!有個姓范嘅人嚟搵你!佢企左喺門口喇.」
「姓范?」陶陸偉回頭瞄一瞄我.

////////////////////////////////////////////////////////////////////
「陶sir你好!久仰大名呀!」范葛威恭敬地說.
「你就係范葛威~睇嚟你係為左個細路而嚟嘅係咪?」陶陸偉開門見山道.
「嘿嘿係丫係丫....」范葛威笑説.




「可惜丫~個細路點都唔肯同我合作....我都幾難放佢走架..」
「呢樣嘢請你放心!我地會好好同陶sir你合作㗎喇~」
「你保證~?」
「我地一定會好好配合你嘅!!作為良好市民係應該同警察好好合作嘅!」范葛威友善的説.
「係咁話喇喎!!!」陶陸偉説.
「咁依家...放得佢走未?」范葛威望望盤問室裏的秦世樂.
     陶陸偉隨便指使一個下屬:「喂呀邊個邊個,同我放返個細路出嚟!!」
「唔該哂你丫陶sir!」范葛威答謝他.
「嚟!祝合作愉快!!」陶陸偉伸出手掌.
「合作愉快!」范葛威跟他握手,然而陶陸偉立即感到手掌十分疼痛,回過神來才發現范葛威正在牢牢的握住他的手——————




「但係請你記住......我地黃鼠狼一樣有辦法可以對付你————」范葛威警告陶陸偉,陶陸偉馬上感到一陣寒意.
「....哼......你..」
「走喇.」范葛威跟秦世樂說.

///////////////////////////////////////////////////////////////////////////
    步出警局後,我和范探員一直沒有作聲,走上特勤車上.
  這部是黃鼠狼唯一一部特勤車,外型為一架深黃色小貨Van.
「噢~你地返嚟嗱?」坐在駕駛座飲著益液多的宅聰見到我們後,便在操控面板上啓動自動駕駛模式.
「你應承左陶陸偉會幫佢?」我問范探員.
    范探員坐下來才䦕口:「係,呢個選擇對我地嚟講係最好嘅.我地首先要利用陶陸偉嚟對付周乙丙,唔係嘅話我地就大濟喇.」
「唉算..........你話點就點啦......」我無話可説,躺在一邊.

     特勤車停泊在我居住的屋邨,背著書包的我走下車後,特勤車便遠去了.

「喂有件小學雞喺度喎~」背後傳來一把聲音,是三五成群的童黨.一定是看到我幼嫩的樣子而認為我容易欺負吧.




「Hey睇你咁青靚白淨,似有米仔喎~」其中一個説.
「我....我冇錢㗎...」我故作懦弱的哀求:「求你地唔好搶我錢呀!!!」
「扯佢入後巷!!!!兄弟我地有排挽喇嘿嘿!!!!」帶頭的那個發號司令,其餘幾個隨即拉我入後巷.
   
    他們中計了.

「摷佢書包搜佢身!!!!!」後巷中他們才可以為所欲為.
    我一直迴避著,不讓他們搶我東西:「我真係冇嘢俾你地偷㗎!!!!!」
「冇冇冇冇冇你老母啊呀屌你老母閪!!!!!!!!!」帶頭的那個惱羞成怒,立即跑前一腳踢來,我閃速避開———————
    從剛才那一腳,已經可以看穿他的身手;起腳時他的身體向後搖搖欲墜,而踢擊的高度只能到我的大腿,技術差勁之餘就連平衡力也一樣慘不忍睹就學人做黑社會?帶頭的既然這麼弱的話,其餘幾個也不用説.
「你地惹錯人喇......咁啱我心情唔係太好..又咁啱撞到你地..........」我盯著他們説.
「吓~?我好驚呀~」他們也捧腹大笑.
「小學雞!!!!唔好諗著咁就嚇走我地啊呀呀!!!!!」帶頭的踏前以右前臂勒住我的頸.
「知唔知道,狗呢種生物越冇膽就會吠得越大聲㗎?就好似你地呢D童黨咁,份人愚蠢無知冇方向感但係就扮到自己好有料咁周圍亂吠.對我嚟講,你地嘅生存價值係零.」我冷說.
「你講乜鳩嘢啊啊呀呀呀!!!???」他把我勒得更緊.




「我話,你地嘅生存價值係零.」我再説.
「死小學雞收聲啊啊啊呀呀!!!!!!!!!」他更加憤怒了.
我又再説:「你地呢D十零歳嘅細路因為乜而成為童黨?俾我估下,因為屋企人冇俾足夠關心你地,你地喺屋企搵唔到存在嘅價值,喺學校成績差冇成就冇地位,當度度都搵唔到認同感嘅時候就唯有扮黑社會先至覺得有返D自信,只有繼續墮落落去你地先至覺得自己似返個人.....老實講.........你地根本乜都唔係,完全冇生存落去嘅意義,冇目標冇個性嘅垃圾唔死都冇用......」
「係又點啊啊啊呀呀!!!!!!收聲啊啊呀呀呀呀!!!!!!!!!」他朝我使出左直拳.
     我一個上勾拳揍上,把他的鼻膜打穿.再左直拳痛擊他的腹部,他打算以右拳還撃,我卻游到他身後一個左批肘切撃把他打至倒地.
「大佬!!!!!兄弟!!一齊上!!!!」其餘的一次過衝上來—————
     一分鐘後,他們便一一倒地,離開前我不忘廢了他們的聲帶和四肢,以確保他們沒有能力指證我.不知為何,雖然心中不忿的情緒也被發洩出來,但剛才....無名火起........我彷彿變回從前暴燥的我一樣..........

       望著這些童黨掙扎的樣子,我似乎過火了.

    或者陶陸偉說得沒有錯,我跟他其實也一樣是個不擇手段的人.我究竟又是為了甚麼而當特務?是為了守護重視的家人居住的地方?還是可能這只是我逃避現實的藉口?或者我也只是為了尋找認同感才當特務........的確,我當上特務後才開始有自信,覺得自己像個人,撇除去特務這個身份的話,我甚麼也不是.
     我或許只是個打著正義的名號來滿足自己的偽善者.