《玻色子遊戲》: 9

「唉，成班都智障，肯定佢地係好學生啦，唔識爬牆逃學。唉，香港人！」MK仔爬上圍欄，回望平台上嘅其他人，只覺循規蹈矩嘅，唔識變通嘅佢地好可憐。
MK仔輕輕一躍，跳過圍欄，係圍欄外望住可憐嘅香港人，給他們一個飛吻，便要轉身離開。
「喂，佢走左啦，我地快啲跟住去啦。」小喬見到MK仔離開學校，非常興奮，就要衝落去，想要馬上彷效MK仔，爬圍欄離開。
「小喬，咪住，你睇。」發叔捉住小喬，手指向MK仔嘅方向。
「咩呀，唔好阻住我走……」
小喬望住MK仔，只見佢嘅身體開始化成沙塵，隨風飄走。
到最後，地上只剩下MK仔嘅衣物。
大家你眼望我眼，似乎唔相信自己睇到嘅野，並渴望有人會同自己講，MK仔嘅消失只係幻覺。