《玻色子遊戲》: 8

肥大叔一打開禮堂開口就見到發叔同小喬。
「喂，肥佬，你係入面有無發現呀？」發叔問肥大叔。
「冇呀。去隔離學校嗰道門都係鎖左。啲窗點整都整唔爛，想爬窗走都唔得。」
「唉……咁你地都拎支電筒先，我係實驗室攞架。呢度冇開燈，有支電筒方便啲。嗱，你嘅肥佬，你嘅……係呢你叫咩名呀後生仔。」
「呀泰。」
「叫我發叔得啦，佢叫小喬。」
「醒目喎，四眼佬。識去攞電筒。」肥大叔似乎幾欣賞發叔識去拎電筒。
「你個肥佬食左屎呀，平時唔會讚我架喎。」
「哼！我份人好均真嘅，好就讚，壞就彈。」
「平時？乜你地……」小喬覺得佢地嘅對話行為好古怪，正想要問嘅時候，楊平出現左，打斷左佢。




「你地有冇咩發現呀？」
「冇，你呢。」發叔反問。
「冇，我同……允兒去左天台，冇發現。」
「哦，原來佢叫允兒，你呢？」發叔好似集郵咁，係咁問人叫咩名。
「我叫楊平。」
「咪住，仲有個男仔架，佢自己一個去左邊呢？」
「喂，你地過黎睇下。」呢個時候，何允兒係禮堂對出嘅平台呼喚大家。
當佢地有到平台嘅時候，只見MK仔係籃球場上走向學校嘅圍欄。
「喂，你搞咩呀。」 肥大叔好大聲咁向MK仔叫道。
MK仔冇出聲，只係向佢地揮手，佢似乎係想同其他人講再見。




「佢想做咩呀？」發叔好好奇MK仔想做咩。
MK仔向圍欄走過去，並爬上圍欄。
「喂，係喎，爬牆走咪得囉，佢又幾醒喎。」肥大叔一路望住MK仔爬一路心諗點解自己咁蠢，咁簡單都諗唔到。