《玻色子遊戲》: 7

係禮堂入面……
「喂，孱仔，你去嗰邊睇下啲窗開唔開到！」肥大叔好大聲咁喝瘦弱男。
「我唔係叫孱仔呀，我叫呀泰！」呀泰聽到肥大叔叫佢孱仔顯得有啲嬲。
「你瘦到成條排骨咁，唔係孱仔係咩。同我快啲去睇下啲窗，再嘈就閹鬼左你。」肥大叔又再出言恐嚇。
而肥大叔自己就去睇睇禮堂另一邊嘅門，嗰道門係可以通去相鄰嘅學校，如果去到隔離學校，或者佢可以離開呢度。
肥大叔抱著最後嘅大中中月望，將手伸向門把，向右邊一扭⋯⋯
「頂，又鎖左！喂，孱仔，你嗰邊點呀，開唔開到窗！」
咔咔咔－－－
「都係鎖左呀。」
「屌你老味！呢度又鎖左，嗰度又鎖左！」肥大叔已經失去耐性，隨手就係身邊拎起左張櫈，向呀泰衝過去。




「嘩！唔好打我呀！」呀泰眼見肥大叔手執木櫈，生怕佢會打自己，馬上抱頭蹲低。
「打你會走到咩！行開！」肥大叔推開呀泰，一下一下咁用木櫈敲打窗戶。
「呀－－－哎－－－啊－－－」
但任佢出盡吃奶嘅力都好，窗戶嘅玻璃都係絲毫無損。
「啊……哈……你老味，用咩做架，打極都唔爛嘅……」肥大叔終於放棄，攰到直接坐係地下回氣。
「不如我地去搵返其他人先，睇下佢地有咩發現。」呀泰見肥大叔好似痴痴地線，感覺同其他人一已會安全啲。
「好……好……」肥大叔無晒辦法，亦只跟住去。