【英雄系列1】廢鳩俠: 17

17


「superhero機械人Mark I，第一次試驗，正式開始」
阿昇按下攝錄機既錄影掣

經過左一個月既研究同組裝，我同阿昇製作既呢部機械人，終於要迎來第一次既試驗
而新月就響旁邊睇住

我拎住控制機械人既PS4手掣，向前推動一步


「咔！」機械人好快咁響前踏出一步

我禁一下正方掣
「噢啦！」機械人迅速向前方出拳


「yeah！！！yeah！！！yeah！！！yeah！！！得左啦！！！」
我同阿昇馬上相擁歡呼

我地兩個果然係n賤界既天才呀，一個識打鳩人既機械人都整到出黎！



「嘻嘻，新月bb我係咪好叻叻呢，機械人都整到呀！」阿昇笑道
新月冷冷道:「哼...懶巴閉」

「掂呀！今次拎諾貝爾獎都得啦」我興奮道
「屌..講呢d」阿昇大笑:「我地呢d廢青整黎貪好玩姐...」

我:「不過，仲有好多野未整好既..例如面部辨認、回避系統果d」
「得啦，我有信心，我地可以半個月內搞好埋佢！」



第一次同人合作整發明，原來都幾有成功感



「我返黎啦...」
一返到屋企，就見到成家人響度打緊邊爐
連阿彩都響度食緊

「阿七返黎啦，快d埋黎打邊爐啦」老母講
「哦..好呀...咁點解，阿彩你響度既？」

阿彩:「我果個老野去左美國參加d乜乜柒柒會議，咁我咪過黎痴餐囉」
「嘩...隨便得你丫..」
老豆又乘機串我:「死仔包，阿彩自己人邊可以計較咁多呀！」



「自己人呀..聽到咩呀」阿彩向我做鬼臉
「唉得啦得啦..」我從廚房拎出碗筷埋位

「係喎，我今晚響埋度訓喎」阿彩食住肥牛

「吓！！！」我嚇到碗都差d跌埋
「咁我自己響屋企悶嘛，咪順便呢幾晚都響度過夜囉」阿彩西口西面咁

我問:「咁..咁你訓邊呀？」
小櫻:「阿彩姐姐同我訓之嘛，又唔係同你訓！你就想呀！」
全家哈哈大笑，除左我



食完飯後，我地三個就返入房


「阿彩姐姐呀，你係咪識彈結他架？」小櫻問
阿彩自信滿滿，道:「嗯，學過少少咁啦」
小櫻雙目發光咁:「咁..可唔可以教下我呀，我都想學呀！」
阿彩:「好丫！小櫻你咁乖，乜都應承你啦」

「多謝阿彩姐姐，阿彩姐姐叻過咸濕阿哥多多聲呀！」
我不滿問:「喂...唔係咁樣比下話，我整左咁多發明都唔叻？」
阿彩馬上恥笑:「哈哈..你d發明咁撚廢，收皮啦！」
「屌..廢事理你地..」

「登登！」
我打開手機，「阿七，聽日下晝我想去CD鋪買CD呀，不如一齊？」係露露bb搵我

嘿嘿，呢一個月全靠我不停狂聽mr children，成功同露露bb拉近距離
估唔到露露bb除左mr children之外，仲會聽好多歌，陳綺貞呀、王若琳果d，成個文青咁





「好丫，聽日幾點等呀？」
「下晝三點？」
「ok呀，聽日見啦」


「咸濕阿哥，你笑到咁既？」小櫻問
「冇..冇野呀，聽日約左人姐..」

阿彩哼左一聲:「屌，咪又係果個西女人...」
「哈，自從上次睇完戲之後，依家我同露露bb既關係又拉近左一大步啦」我沾沾自喜道
阿彩繼續睇死我:「個西女人當你係兵咋傻西」
「你酸就酸啦，唔抵得我得米呀？」



「你on9，得閒酸鳩你！」
小櫻笑道:「咸濕阿哥你今次要落力d追女神啦，唔係我又要繼續笑你A0架啦，哈哈」
我不服:「死女包串到你，你咪又係A0！」
「我..要留比takuya bb呀！」小櫻臉紅道
唉，咁大個人仲FF，醒下啦淫櫻！





「阿七，今日麻煩哂你呀，陪我黎信和買cd」露露bb拎住mr children既新cd，向我道謝
我連忙搖頭:「唔..唔緊要，信和呢度咁雜，你一個女仔危險嘛」
識耐左，露露bb講野都好似冇咁口質質

露露bb問「係呀，我想去埋花園街果個圖書館睇下書，你可唔可以陪我呀？」
「嗯..好丫」
嘿嘿，咁樣唔算係收兵啦掛！收皮啦臭西彩

「阿七呀，你平時有冇睇書架？」露露拎起一本書問
「呃..有時..咁啦」

露露遞上一本叫記憶裁片既書
「呢個叫黎翠華既作者，我都好鐘意，不如...你都試下睇丫..」

「吓..？」我成個人呆左
「你..唔鐘意呀...？」露露bb一臉失望
見到露露咁既樣，我馬上接過書:「唔係呀，我只係估唔到..露露你會介紹書比我姐..」
露露微笑道:「我..都係第一次...介紹d書比朋友睇..」
朋友？！！！
唔係friend zone下話？！

唔係既唔係既，露露bb話第一次咁做，即係我好特別啦
我仲有機會！我仲有機會既！


我送到露露bb到旺角火車站
「咁好啦，我返去先啦阿七，聽日上堂再見啦」
「好丫，拜拜露露」

我望住袋入面既果本記憶裁片
心諗「我仲有機會既..只要繼續投其所好，改變自己，好快就溝到露露bb架啦」



「我係大王講既說話你地要聽...」

「喂？老豆？做咩呀？」





老豆把聲顯得特別沉重
「阿七，九叔佢...比人襲擊，入左醫院」


「吓...」
九叔係我老豆其中一個細佬
佢比我既印象明明係好撚打得，點會比人襲擊到入廠呀...


「九叔咁打得..點會...」
「我都唔知...阿爺話一陣五點去佢西貢既祖屋度，佢有野要講..」

雖然仲未知個詳細情況，但係我都feel到

呢單野，應該好撚大獲





我大約五點一就去到位於西貢黃竹灣村既祖屋
去到果陣已經齊哂人
包括埋我地全家同阿彩

「咁遲架你..」老豆細細聲咁講
「sorry..塞車」

我望望周圍，大部份人都響哂度
不過...宗南呢？


無幾耐，坐低左既阿爺就開始講野
「我相信大家都知道，阿九比人襲擊既事啦」
「好好彩佢依家都無乜大礙，我去到醫院果陣佢都仲係清醒」

四伯娘問:「咁，九叔有冇話係咩人做架？」

阿爺成個神情變得凝重
「係...果個叫..歐陽振西既人做既....」