【英雄系列1】廢鳩俠: 16
16.
「機械人..？」我問
「嗯！雖然我18歲已經響MIT機械工程first hon grad，但係如果要整一部機械人既話，只有我既話係做唔到」
阿昇笑道:「所以，我就叫boss搵你，希望你可以同我一齊合作，整呢部機械人」
「但係你頭先話...呢部機械人係superhero專用，但係你又唔係superhero..」
新月冷冷道:「條友食飽飯無屎屙，話日日響屋企打機好悶，所以想搵d野黎做下..」
「嘻嘻，新月bb真係知我心意啦，依家日日無野做好悶架，咁岩又比我響新聞睇到blackman既事，所以...咪想同你合作囉，部野整完之後，就全權歸你所用」
我無奈問:「但係...我整完有咩著數呀...我依家用我果d發明都夠收人皮啦」
「嘿嘿，一早估到你咁講啦...」阿昇奸笑道:「你唔同我合作既話，咁我咪爆你地三個都係superhero囉，順便屈埋你地三個有份偷果粒君士坦丁堡的血淚」
阿彩怒火中燒:「丫屌你丫！咁撚狗既你，你同條柒頭合作關我撚事咩！」
「咁我真係好想整好部野丫嘛，家陣我又唔係話要阿七你做廉價勞工，d原料果d全部都係我出錢，最多我每日接你過黎啦」
屌，咁搞法，即係比阿昇屈架咋喎，不過，諗落又好似冇壞處
「唉...咁好囉..我幫手」
阿昇馬上搭哂膊頭:「嘿嘿，以後我地就係好同伴啦！」
阿彩問:「咪住先...咁果粒君士坦丁堡的血淚...」
林生懶懶閒咁:「咪由得班差佬搵囉，關我地IID咩事..」
咁講法，即係美雪應該冇事啦....
「咁既話，我黎呢度係做乜鳩呀？呢條撚樣又唔係搵我」阿彩不悅道
林生摸摸頭:「哈哈，我以為阿昇都有野搵你地嘛，最多我依家車返你地兩個靚女落市區囉」
「屌...麻鳩煩！」阿彩對住我講:「你呀，唔好諗住整機械人就唔同我去巡邏呀！」
唉...依家咪即係變相多左野做...
之後，阿昇就同我傾下佢整既呢個機械人既outline
佢希望整一部可以用黎做近身戰既機械人，亦利用無線控制器黎控制佢既動作
言語間已經聽得出阿昇各個範疇既既野都識，比我犀利得多，果然係MIT畢業
最後阿昇決定，成部機械人既硬件、driver、摩打、power supply都由佢搞
而我就負責搞阿昇唔太擅長既sensor，controller，programming，都係關成個機械人既system運作事
「哈哈，終於可以響香港搵到個智慧拍得住我既人啦」阿昇飲住可樂
我忍唔住問:「其實...點解你會無啦啦幫我整部機械人呀？」
「哈，依家唔駛再做特工，日日響屋企好悶架...咪當得閒搞下d project咁囉，依家又唔駛比錢，有你著數呀」
我望望手錶
「三點四....仆街！！！」
坐旁邊既新月問我:「做咩呀？」
我馬上拾起背囊:「我約左露露bb睇戲呀！！！」
「露露bb？你女朋友呀？」阿昇好奇問
「呃..唔...唔係」
阿昇笑道:「哦..即係女神啦！我車你去啦」
「哦...好呀..唔該」
新月:「咁順便車埋我出去啦，要買餸」
「好呀新月bb」
「哼」
「話事話啦，新月小姐你...係咪阿昇女朋友？」響車上，我膽粗粗咁問
「係呀」「唔係！」
新月不滿道:「一直都只係你單方面自己FF咋喎」
「唔好咁啦新月bb，我同你出生入死左咁多次」
雖然新月咁講，但佢地兩個既關係點都比我同臭西彩好
阿昇手車都算勁，三十分鐘就將我送到新城市廣場
依家仲係50分，仲趕得切！
「唔該哂阿昇，冇左你真係死得啦」
「咁好啦，祝你成功溝到女神啦，過幾日我再搵你啦，拜拜！」阿昇同新月向我道別
呼，同佢地兩個都算相處得唔錯，佢地兩個都有禮貌過阿彩同老豆
我馬上跑上去廣場一樓既UA，已經見到露露bb響門口等緊我
露露bb今日著左條粉紅色長裙，非常可愛
我即刻跑上前
「露露...hi」
「阿七，你好呀..」淺笑果陣既露露bb真係好可愛:「你..跑過黎架？」
我連忙抹頭上既汗:「呃..唔好意思，頭先塞車呀...」
「唔緊要..我都係岩岩到左咋...」露露遞上一張戲飛:「我頭先..買左飛啦」
「呃..唔該露露，我比返錢你先啦」
「唔駛啦...一陣食返先啦...入得場啦，我地入去先啦」
入到去戲院，我繼續問:「露露，駛唔駛買野食呀？」
「唔..唔駛啦，我唔肚餓」露露細細聲講:「而且...好似..好貴」
「哈.哈，都係既...」
嗚呀，露露bb真係完全唔係港女格呀！！！
臭西彩你收皮啦！
呢套1Q84，聽聞係村上春樹既小說改編
老老實實，真係好撚悶，仲要講個男女主角點樣去左另一個世界，咩空氣蛹、1Q84年，睇到r撚哂頭
相反，露露bb睇得十分肉緊，臨尾仲睇到喊
「阿七...阿七...」
我慢慢張開眼:「做..做咩呀？」
「完場啦...」
我望望個screen，出緊字幕
仆街...訓撚左，今次molamola
行出戲院之後
「唔..唔好意思呀」我尷尬地道歉
露露搖搖頭:「唔...唔緊要...我都要多謝阿七你...陪我黎睇戲..」
「呃...唔駛」
唉今次實扣哂分啦
「呃...露露..不如...我地食埋野..囉」我戰戰兢兢問
露露:「吓.....好..好呀..反正我daddy媽咪今晚唔響屋企..」
屌死啦，我冇諗過同露露bb去食咩tim
一路行，只係見到間烏冬店
「不...不如就食呢間啦..好嗎？」我膽粗粗問
「嗯..」露露點點頭:「好丫，阿七你話事啦」
總覺得，露露講野好似冇之前咁口質質
食緊烏冬既期間，我問露露
「露露，你...鐘唔鐘意聽歌架？」
露露點一點頭:「嗯....都鐘意既..」
「咁...你鐘意聽咩歌手架？」
露露臉紅紅道:「m...mr children..」
Mr children？
點解好似咁熟咁既....
「喂小櫻..做乜你睇緊既呢隊band咁老餅既...」
小櫻嬲爆爆咁:「你識咩呀阿哥！呢隊係mr children呀！係日本好出名既樂隊黎架」
「咁...呢首係咩歌呀？都..幾好聽」
「叫youthful days呀」
「我！我都鐘意mr children呀！我最鐘意佢地果首youthful days呀」我大叫
露露望住我呆左:「吓..」
「sorry...係咪...嚇親你呀」
露露淺笑起黎:「嘻..嘻嘻..」
「做..做咩呀？」
「終於....比我搵到人同我一樣，鐘意mr children啦，好..好開心呀」
我摸摸頭:「哈..我..我都估唔到..」
好野，成功增加好感度！
多謝你呀淫櫻！
食完野之後
「阿七，我返去啦..」
我:「你...我..我送埋你返去丫..」
露露搖搖手:「吓..唔..唔駛啦...」
「夜媽媽一個女仔返去危險呀，我送你都係一陣姐」
「哦..咁..唔該哂你呀阿七」
露露話佢住瀝源邨祿泉樓，我就陪佢由新城市廣場行返去
露露低住頭:「阿七呀...今日，真係好多謝你呀..」
「吓...唔..唔駛..我都好開心」
「嘻，終於搵到人同我一樣鐘意mr children啦」
嘿嘿，依家總算有共同話題，唔使淨係傾功課啦...
「我到啦，阿七，唔該哂你呀..聽日上堂再見啦，拜拜」
「哦...拜拜露露..」
「露露！」
露露轉過頭來:「嗯？做咩呀？」
我吸一口氣:「我以後可唔可以...同你傾多d mr children既野呀？」
露露微笑點一點頭:「嗯...好呀，我都正想以後同你傾多d呀」
我傻笑住:「哈..哈哈..」
「咁我上去先啦，上到去再同你whatsapp啦，拜拜阿七...」
呀！！！！！！！！！！！！！！！！！！！！！！！！！！！！我成功啦！！！！！！！！！！！！！！！！！！！！！！！同露露bb打開共同話題！！！！！！！！！！！！！！！！！！！！！！！！